¹ Yehova elabila na Mose. Echiti, ² "Panga malipenga ba siliva babili. Kuti upange usule siliva. Ukogwilisa nchito malipenga kuita gul la banthu pamozi na kuita gulu kuti bafwendezye misasa yao. ³ Bansembe bakolizya malipenga kuita gulu pamozi pamenso panu pa mlyango wa citenti cokumanilamo. ⁴ Ngati bansembe balizya tyala lipenga limozi pamene apo asogoleri, na bakulu ba mikoka ya a Israeli, bakosonkhana kwa weo. ⁵ Mukalizya cizindikiro cokuwa, ba misasa ya kum'mawa bakoyambako ulwendo wao. ⁶ Mukalizya cizindikiro cokuwa kacibili ba misasa yakum'mwera bakoyambako ulwendo wao. akolizya cindikiro cokuwa capulwendo. ⁷ Pamene gulu lasonkhana pamozi, mulizye lipenga. ⁸ Bana ba Aroni, bansembe, bakolizya malipenga. Ili linkhale lamulo lanu nthawi zonse ku mibadwe ya banthu banu. ⁹ Mukaluta ku nkhondo mcalo canu na mdani wanu wamene okukandililani, mukolizya mokuwa malipenga, neo, Yehova Mulungu wanu nikokuganizilani nakukupulumushani kwa adani banu. ¹⁰ Soti, pa nthawi yosangalala, na miyambo ya masiku onse na poyamba kwa mwezi, mukolizya malipenga pa nsembe zanu zoshoka na pa nsembe zanu z copeleka ca ciyanjano. Ivi vikocitika ngati conikumbusha neo za mweo, Mulungu wanu. Nine Yehova Mulungu wanu." ¹¹ Mu caka cacibili, mu mwezi wacibili, p siku la twenti la wezi, mkumbi wenyamuliwa kufuma pa kacisi wa pangano. ¹² Bana ba Israeli beluta pa ulwendo wao kufumila ku cipululu ca Sinai. Ndipo mkumbi wepanama pa cipululu ca Parana. ¹³ Bepanga ulwendo wao woyamba, mokonkha malamuro ba Yehova becipasiwa kupitil mwa Mose. ¹⁴ Msasa wa ndembela ya bana ba Yuda beyambila kufuma, kufumya magulu bao ba nkhondo. Nasoni mwana wa Aminadabu esogolera gulu la mtundu wa Yuda. ¹⁵ Nataniele mwana wa Zuar esogolera gulu la Isakara. ¹⁶ Eliabu mwana wa Heloni, esogolera gulu la mtundu wa bana ba Zebuluni ¹⁷ Bana ba Gerisoni na bana ba Merari benzosamlila kacisi, bewisha kacisi na kuyambako ulwendo wao. ¹⁸ Lokonkhapo, gulu lenze pansi pa ndembela ya msasa wa Rubeni beyambako ulwendo wao. Elizuri mwana wa Shedeuri esogolera gulu la Rubeni la nkhondo. ¹⁹ Selumiyeli mwana wa Zurisadai esogolera gulu la mtundu wa bana ba Simioni. ²⁰ Eliasafu mwana wa Deuyeli eosogolera gulu la mtundu wa bana ba Gadi. ²¹ A Kohati beyambako, benyamula viya vituba va ma'malo opatulika. Bayakine benzoushiratu kacisi bakaliyofwika ba Kohati pa misasa yokonkhapo. ²² Gulu lenze pansi pa ndembela ya bana ba Efraimu bekonkhapo kuluta. Elisama mwana wa Amiyudi esogolera gulu la bana ba Efraimu. ²³ Gamariyele mwana wa Pedazuri esogolera gulu la mtundu wa Manase. ²⁴ Abidani mwana wa gidiyoni esogolera gulu la mtundu wa bana ba Benjamini. ²⁵ Magulu bamene benze pansi pa ndembela ya bana ba Dani benze besilizyila kuluta. Ahiezere mwana wa Amishadai esogolera gulu la Dani. ²⁶ Pageri mwana wa Okrani esogolera gulu la mtundu wa bana ba Aseri. ²⁷ Ahira mwana wa Enani esogolera gulu la mtundu wa bana ba nafitali. ²⁸ Iyi niye njira yamene magulu ba bana ba Isralei beyendera ulweno wao. ²⁹ Mose elabila na Hobabu mwana wa Reuyeli wa ku Midian. Reuyeli enze awisi ba makazi wa Mose. Mose elabila na Hobabu eciti, "Tukuya ku malo bamene Yehova etiuzya. Yehova eciti, 'Nikupaseni.' Tiyeni nase ndipo tikucitireni zabwino. Yehova walonjeza kucitira zabwino Israeli." ³⁰ Hobabu eciti kwa Mose, "Nilute nmwe lini nilute ku calo cangu na ku banthu bangu. ³¹ Ndipo Mose eyankha, "napapata musatisiye. muziba monkhalira mcipululu. Mukankhale mnso bansu. ³² Ngati mwaluta nase, tikakucitireni vabwino vimozi na vakuticitira Yehova." ³³ Beyenda kufumira ku lupiri la Yehova kwa masiku atatu. Likasa la pangano la Yehova leluta pasogolo pao kwa masiku atau kuti bapeze malo opulirako. ³⁴ Mkumbi wa Yehova wenze palulu pao mzuba pebenzoyenda. ³⁵ Paliponse ngati likasa layamba kuuyenda, mose enzonena kuti, "nyamukani, Yehova. Mwazyani adani banu. Pangishani kuti bala okutinkhani athabe." ³⁶ Paliponse ngati likasa lapanama, Mose enzonena kuti, "Welelani, Yehova, kwa masauzande na masuzande ba a Israeli.