¹ Usiku wamene uyo gulu lonse lelira mokuwa. ² Banthu onse ba mu Israeli bemuneneza Mose na Aroni, Gulu lons leciti kwa beve, "angati tecifwa tyala mu calo ca Igipito, olo muno mcipululu! ³ Ncifukwa canji Yehova etileta ku calo cino kuti tiafwe naco cingwanja? Anakazi basu na atontho basu niye bati akavutikilemo. Nkwabwino lini kuti tiwelele ku Igipito seo?" ⁴ Eciti kwa muyake, "tisankhe msogoleri muyakine kuti tiwelele ku Igipito." ⁵ Ndipo Mose na Aroni eponesha vinso vao pansi pamenso pa gulu la banthu ba Israeli. ⁶ Yoswa mwana mwanalume wa Nuni na Kalebi mwana mwanalume wa Yefume, niye bala entumiwa kuyoona calo ang'amba vovwala vao. ⁷ Belabila na gulu lonse la bana ba Israeli. Beciti, "Malo betepitamo na kubaona ni malo abwino ngako. ⁸ Ngati Yehova niokondwela na seo, akatitwale na kuyatipasa seo. Calo cufuma mkaka na uci. ⁹ Koma osalimbana naye Yehova, ndipo osayopa banthu ali mcalo, pakuti niye buledi wasu. Citetezo cao cikafumyiwe kwa beve, cifukw Yehova ali na seo, osabayopa." ¹⁰ Ndipo gulu lonse leciti libateme na myala. Koma ulemelero wa Yehova weonekela mu tenti yokumanamo ku banthu onse ba Isralei. ¹¹ Yehova eciti kwa MOse, "aba banthu aninyoze kufwika lini? akayambe lini kunikhulupilira, olo vizindikiro vons vamphamvu vanecita pakati pa beve? ¹² Nibavutishe na mlili, nakubalonda coloba cao, kufuma ku mkka wako nikapange calo cikuleni camphamvu copambana beve." ¹³ Mose eciti kwa Yehova, "ngati mucite teti, niye kuti Aigupto akamvwe za ici, cifukwa mwebalondesha aba banthu kufuma kwa beve na mphamvu yanu. ¹⁴ Bakabauzye onkhala mcalo. Becimvwa kuti nimwe, Yehova, muli pamozi na aba banthu. Cifukwa muoneka menso na menso. Mkumbi wanu upanama pa banthu basu. Mubasogolera na mzati wa mkumbi mzuba na mzati wa muliro usiku. ¹⁵ Lomba ngati mupaye aba banthu monga munthu umozi, ndipo amitundu becimvwa za mbili yanu, akalabile na kuti, ¹⁶ 'cifukwa Yehova aliye balobeshe banthu mcalo cebalumbilisha kubapasa. Ebapaya mcipululu.' ¹⁷ Lomba, nukusengani, sebenshani mphamvu zanu zilkulu, pakuti mwakamba kuti, ¹⁸ 'Yehova niye osakalipa msanga ndipo wacindo cukulu. Okhululukira vocitika na viipa. Sazamasula woyamba malandu pati akapase cilango ca macimo ya makolo ba bana, ku mbadwo wacitatu na wafolo.' ¹⁹ Khululukirani nupemphani, macimo ya aba banthu cifuka ca ukulu wa kukhulupilika kwa panagano lanu, nthawi zonse mubakhululukire banthu kufuma pa nthwi yenze mu Igipito mpaka lomba." ²⁰ Yehova eciti, "nabakhululukira beve posunga pempho lako, ²¹ Koma cendi, panili na moyo, ndipo monga calo conse cikazule na ulemero wangu, ²² aba bansthu bonse beona ulemero wangu na zizindikiro zinecita ku Aigipto na mcipululu- oniyesa soti neo ka teni ndipo alye kumvwe lizu langu. ²³ Teto nulabila kuti sakaciona calo cinelumbilila makolo bao. Kuliye olo m'mozi opepeusha zina langu akacione, ²⁴ kucosako mtumiki wangu Kalebi cifukwa ali na mzimu wosiyana ndipo onikonkha neo na mtima wonse, nikamulobeshe mclo mwecipita, na bana bake akankhalemo. ²⁵ (lomba Amaleki na Akanani enzonkhla mcigwa.) Mailo cungulukani mulute ky cipululu kupitila njira ya ku nyanja ya Mishanga." ²⁶ Yehova elaabila na Mose na Aroni. Eciti, ²⁷ "ni nthawi itali tyani yati nikelele gulu liipa lusushana nane? namvwa kudanula akwa bana ba Israeli pali neo. ²⁸ Kalbile kwa beve, 'malinga nili na moyo,' Yehova akuti, 'mwamwalabilira m'matu mwangu, nukucitileni mweo: ²⁹ mibili yanu yakufwa inkhale mcipululu, monse mudandaula pali neo, mwa mwebelengewa pa cibelengelo, banthu onse kufuma pa zaka twenti na kuya palululu. ³⁰ Mukalobemo lini mcalo cinekuuzyani kuti mukalobemo. kumyako Kalebi mwana mwanalume wa Yfune na Yoswa mwana mwanalume wa Nuni. ³¹ Koma atontho-atontho bimwenzokamba kuti bakabe vakulya vanu, nikabalobeshe mcalo, akacizibe calo cimwekana mweo. ³² Monga kwa mweo, mibili yanu yakufwa yakabe mcupilulu ici. ³³ Bana banu bakoyenda mcipulu zaka fote. Kukwanilisha cilango ca zimwecita pa kuniukira mpaka kusila kwa mibili yanu mcipululu. ³⁴ Kulingana na namba ya masiku yemweona calo- masiku fote, muzagwire cilango ca macimo banu kwa zaka fote- cakacimozi pa siku lililonse, mukazibe mucilili kukusushani. ³⁵ Neo, Yehova, nalabila. Nikacite ici ku gulu lonse ili lati likakumane pamozi kunisusha. Cendi atendeweletu, ndipo pamene apo akafwe.'" ³⁶ Teto analume betuma Mose kuyoona calo, amene epanga gulu lonse kudandala pa Mose pa kulabila nkhani iipa yokhuza malo- ³⁷ Analume amene eleta nkhani iipa yokhuzana na malo ebamanga, ndipo ecifwa na milili pamenso pa Yehova. ³⁸ Pa awo analume enzeciya kuyoona calo, ni Yoswa mwana mwanalume wa Nuni na Kalebi mwana mwanalume wa Yefune enkhala na moyo. ³⁹ Pamene Mose pebauzya mau mau onse bana ba Isralei ecita cisoni ngako. ⁴⁰ Euka m'mamawa nakuya palulu pa lupili nakuti, "langani, tili pano, ndipo tikuya ku malo kwamene Yehova etiuzya, pakuti tacimwa." ⁴¹ Koma Mose eciti, "cifukwa nicinji lomba musokoneza cilamulo ca Yehova? mukapambane lini. ⁴² Osaluta, cifukwa Yheova ali lini na mweo kuti angakucingilizyeni ku adani banu kuti anagakuniyateni. ⁴³ Amaleki na Akanani ali kwamene uko, ndipo mukafwe na cingwanja cifukwa mwawelela kukonkha Yehova. Teto akankhale lini na mweo. ⁴⁴ Koma ezitukumula nokwela palulu pa lupili; moteto, olo Mose likasa la pangano la Yehova aliye fume molala. ⁴⁵ Ndipo Amaleki eseluka, na Akanani enzonkhala palulu pa lupili, emenya Isralei na kubagonjesa mpakana ku Holima.