¹ Teto afumu onse benzonkhala kusilya kwa Yorodani ku malupili, na ku malo onkhazikika mbali mwa nyanja ikuleni kufupi na Lebanoni- a Hiti, Amori, a Kanani, a Perizi, a Hivi, na Yebusi- ² aba benkhana pamozi mu ulamuliro, kuti bacite nkhondo Yoswa na Israeli. ³ Bonkhala mu Giyoni pibecimvwa kuti vecicita Yoswa ku Yeriko na ku Ai, ⁴ becita na maganizo yaipa. Beluta monga bauthenga. Benyamula masaka yosila nakuyaika pa bulu. Betola soti voikamo vinyu venze vosila, vongámbika, ndipo ventungiwapo kale. ⁵ Bevwala nsapato zakaleku mendo kwao, nakuvwala vovwala vakale, vosila. Buledi mu vosungila vakulya vao wenze woyuma ndipo woola. ⁶ Ndipo beluta kwa Yoswa mu msasa ku Giliga nakuti kwa eve na banalume ba Israeli, "Tayenda kufuma ku calo cakutali, teto lomba pangani pangano na seo." ⁷ Banthu ba Israeli beciti kwa a Hivi, payakine munkhala pafupi na seo. Cifukwa cati tipangile pangano na mweo"? ⁸ Beciti kwa Yoswa, nise banchito banu." Yoswa eciti kwa beve, Nimwe bani?mwafumila kuni?" ⁹ Beciti kwa eve, "banchito banu bawela kuno kufumila ku calo cakutali, cifukwa ca zina la Yehova Mulungu wanu. Tecimvwa za eve na vonse vecita ku Aigipito- ¹⁰ na vonse vecita ku mafumu abili ba Amori ku mbali iyakine ya Yorodani- ku Sihonimfumu ya Hesiboni, na kwa Ogi waku Bashani enze ku Asitaroti. ¹¹ Akulu akulu basu na onse onkhala mcalo casu beciti kwa seo, 'tolani vakulya va ulwendo wanu. Nnkhoyani mukakumane nao na kuti kwa beve, "nise banchito banu. Panganani nase." ¹² Uyu ni buledi, yenze ikali yakupya piteitola ku mang'anda yasu pa siku litenyamuka kuza kwa mweo. Koma lomba, langani, nyoyuma na cuku. ¹³ Voikamo vinyu venze vanyowane pitenzoikamo, ndipo langani, lomba yothonya. Nsapato zasu na vovwala vasu nivosila cifukwa ca ulwendo utali.'" ¹⁴ Ndipo a Israeli etolako vakulya vao, koma baliye konshe Yehova kubasogolera. ¹⁵ Yoswa epanga mtendele na beve ndipo epanga panagano na beve, kuti abeleke bankhale. Asogoleri ba banthu bepanga soti pangano kwa beve. ¹⁶ Piyepita masiku atatu a Israeli pibepanga pano ili na beve, beziba kuti benze oyandikana nao ndipo benzonkhala pafupi na beve. ¹⁷ Teto banthu ba Israeli bekonzeka na kuya ku mizinda yao pa siku lacitatu. Mizinda yao yenze Gibiyoni, Kefira, Beroti, na Kiriyati Yearimu. ¹⁸ Banthu ba Israeli baliye banyate cifukwa asogleri bao bepanga pangano na beve pamenos pa Yheova, Mulungu wa Israeli. Aisraeli onse benzodandaula pali asogoleri bao. ¹⁹ Koma asogoleri onse beci ku banthu, "tacita pangano pali beve pamenso pa Yheova, Mulungu wan Israeli, ndipo lomba tingabacite lini ciipa. ²⁰ Ici niye cati tikacite kwa beve: Poyopa cionongeko camene cingawele pa seo cifukwa ca pangano citelumbila kwa beve, tikabaleke bakalute." ²¹ Asogoleri beciti ku banthu bao, "Lekani bankhale." Teto, ba Gibiyoni benkhala wotenda nkhuni na otapa manzi ba Israeli, monga asogoleri ebila pali beve. ²² yoswa ebaita na kuti, "Mutinamizyilanji pamulabila kuti, 'tilikuta;li na mweo', mukayonkhala pano na seo? ²³ Lomba, cifukwa ca ici, nimwe otembelelewa ndipo bayakine mwa mweo bakabe akapolo, bala bati akabe otenda nkhuni na otapa manzi ya mung'anda ya Yehova." ²⁴ Beyakha Yoswa na kuti, "cifukwa ceuzyiwa kwa banchito bako kuti Yehova Mulungu wako elamulira Mose mtumiki wake kukupasani malo onse, na kuononga onse onkhalamo mu malo pamenso panu- teeto tenze na mantha ngako na moyo cifukwa ca mweo. Niye cifukwa cake tecita ici cinthu. ²⁵ Lomba, langa, mutiike seo mu mphamvu zanu. Ciliconse cuoneka cabwino ndpo cancendi kwa mweo mucite na se." ²⁶ Teto Yoswa ebacitila ici: ebapulumusha ku banthu ba Israeli, kuti a Israeli aliye bapaye. ²⁷ Siku ilo Yoswa epanga a Gibiyoni otenda nkhuni na otapa manzi ba gulu, na ba guwa la Yehova, mpaka lero, ku malo kwamene Yehova esankha.