¹ Lomba Adoni Zedeki, mfumu ya Yerusalemu, piyecimwa kuti Yoswa wakata Ai na kuionongelatu (monga mwecitila ku Yeriko na mfumu yake), ecimvwa soti mwecipangila mtendele banthu baku Giyoni na Israeli ndipo benzonkhala pakati pao. ² Banthu ba ku Yerusalemu benze na mantha ngako cifukwa Giyoni wenze mziinda ukuleni, monga mwa mizinda ya maufumu. Yenze ikuleni kupamana Ai, na analume bake benze bankhondo bamphamvu. ³ Teto Adoni Zedeki, mfumu ya Yerusalmu, etuma bauthenga kwa Hohamu, mfumu ya Hebroni, kwa Piramu, mfumu ya ku Yarimuti, kwa Yafa, mfumu yaku Lakisi, na kwa Debiri, mfumu yaku Egloni: ⁴ "Welani muzeniyavye. Tiyeni tinyatane na Gibiyoni pakuti wapanga mtendele na Yoswa na banthu ba Israeli." ⁵ Mafumu bali faifi ba Amori, mfumu ya Yerusalemu, mfumu ya Hebroni, mfumu ya Yaramuti, mfumu ya Lakisi, na mfumu ya Egloni bewela, beve na onse adani bao. Benkhala m'malo wao kuyamba na Gibiyoni, ndipo beinyata. ⁶ Banthu ba Gibiyoni betuma uthenga kwa Yoswa na ku bankhondo ku Giligala. Beciti, "fulumilani! musawezye manja banu ku banchito banu. Welani mofulumila na kutipulumusha. Tiyavyeni, pakuti mafumu onse baku vyalo vakumalupili basonkhana pamozi kutinyata." ⁷ Yoswa enyamuka kufuma ku Giligala, eve na analume onse ba nkhondo, na onse anulume bangacite nkhondo. ⁸ Yehova eciti kwa Yoswa, "usabayope. nakupasa m'manja mwako. Kuliye olo umozi angaleshe kuti ubanyate." ⁹ Yoswa ebafwika mwazizi, kuyenda usiku onse kufuma ku Giligala. ¹⁰ Yehova esokonza adani pamenso pa Israeli, ndipo Israeli ebapaya ku Gibiyoni na kubautukisha mu njila ikuya ku Beti Horoni, ndipo ebapaila mnjila yakuya ku Azeka na Makeda. ¹¹ Pibenzothaba a Israeli, kusondoka lupili la myala kufuma ku Beti Horoni, Yehova eponya myala ikulu ikulu kufuma kululu mnjila monse mpaka ku Azeka, ndipo onse ecifwa. Benze banyinji bepaiwa na myala kupambana bala bepaiwa na cibemba na banthu ba Israeli. ¹² Teto yoswa elabila na Yehova pa siku lamene Yehova epeleka cipambano ku analume ba Israeli pali Amori. Ici niye cecilabila Yoswa pamenso pa Israeli, "Zuba, upaname ku Giyoni, ndipo mwezi, upaname ku cigwa ca Aiyaloni." ¹³ Zuba lepanama, ndipo mwezi weleka kuyenda mpaka calo cewezyela adani bake. Ko izi nizosalembewa mu buku la Yasari? Zuba lepanama pakati kululu; iliye lobe monga kwa siku limozi. ¹⁴ Kwenzevye siku monga ilo kuvulki kapena sogolo, pamene Yehova emvwilila mau ba munthu. Pakuti Yehova enzocita nkhondo m'malo mwa Israeli. ¹⁵ Yoswa na a Israeli onse enze na eve bewelela ku msasa ku Giligala. ¹⁶ Lomba mafumu bali faifi benzethaba na kuyobisama ku nkhwema zaku Makeda. ¹⁷ Ceuzya kwa Yoswa, "bapezeka!- mafumu faifi babisha ku nkhwema zaku Makeda!" ¹⁸ Yoswa eciti, "kunkhuluzyani myala ikulu ikulu kumilyango ya nkhwema na kuikapo asilikali kubalonda. ¹⁹ Musankhalepo mweo. mukonkhe adani banu ndipo mukabazizimushire kuvuli. Musakabalole kuti bakalobe mu mizinda yao, cifukwa Yehova Mulungu wanu wabaika m'manja mwanu." ²⁰ Yoswa na bana ba Israeli esilizya kubaononga na cionongeko cikuleni, mpakana benze pafupi kusilizikilatu; opulumuka atontho bethaba befwika ku mizinda yocingiliriwa ngako. ²¹ Teto gulu lonse la nkhondo lewera mwamtendele kwa Yoswa ku msasa ku Makeda. Pliye enzoyesa kulabila liu olo limozi pa munthu aliyense wa Israeli. ²² Ndipo Yoswa eciti, "segulani milyango ya nkhwema ndipo kufuma mu nkhwema fumyani mafumu fafi. " ²³ Becita monga mwebauzyila. Bemuletela mafumu faifi kufuma mu khwema- mfumu ya Yerusalemu, mfumu ya Hebronimfumu ya Yarimuti, mfumu ya Lakisi, na mfumu ya Egloni. ²⁴ Pibeleta mafumu kwa Yoswa, eita mwanlume aliyense wa Israeli. eciti kwa olamulila ba asilikali benzeluta na eve ku nkhondo, "ikani mendo banu pa mikosi yao." teto bewela na kuika mendo bao pa minkosi yao. ²⁵ Ndipo eciti kwa beve, "musayope ndipo musasokonezeke. Nkhalani olimba ndipo ocejela. Ici niye cati acite Yehova ku adani banu bati mukanyatane nao." ²⁶ Ndipo yoswa enyata na kupaya mafumu. Ebapanyika ku vimiti vili faifi. Bepanyikiwa ku vimiti mpaka mcingulo. ²⁷ Piyenzoloba zuba, Yoswa epeleka cilamulo, ndipo ebaselusha pavimiti na kubaponya mu nkhwema zibenzebshama. Beikapo myala ikuleni pa milyango ya nkhwema. Myala yala yakalipo mpaka lero. ²⁸ Munjila iyi, Yoswa ekata Makeda pa siku ila nakupaya aliyense kwala na cibemba, kuikapo na mfumu yake. Eonongelatu aliyense mwamene mwala. Aliye siyeko wamoyo mkati. Ecita kwa mfumu ya makeda monga mwecitila kwa mfumu yaku Yeriko. ²⁹ Yoswa na a Israeli onse bepitilira kufuma ku Makeda mpaka ku Libina. Eciya ku nkhondo na Libina. ³⁰ Yehova ebapasa soti m'manja mwa Israeli- pamozi na mfumu yao. Yoswa eipaya na cibemba na aliyense enzonkhalamo. Aliye siyemo wamoyo. Ecita kwa mfumu yake monga mwecitila kwa mfumu yaku Yeriko. ³¹ Ndipo Yoswa na a Israeli onse bepitilira kufuma ku Libina kuya ku Lakisi. Emanga misasa pafupi na eve nakucita nayo nkhondo. ³² Yehova epasa Lakisi m'manja mwa Israeli. Yoswa eikata pa siku lacibili nakuipaya na kosilizyila kwa cibemba, na munthu aliyense enzemo, monga mwecitila ku Libina. ³³ Ndipo Horamu, mfumu ya Gezeri, yewela kuzoyavya Lakisi. Yoswa emunyata na bankhondo bake mpakana kwenzevye aliyense epulumuka ³⁴ Ndipo Yoswa na a Israeli onse bepitilira kufuma ku Lakisi kuya ku Egloni. Bemanga misasa pafupi na eve na kucita nkhondo na eve, ³⁵ nakuita siku lamene ilo. Ebaonoga na kosilizyila kwa cibemba na ndipo nakucekelatu aliyense enzemo, monga mwecitila ku Lakisi. ³⁶ Teto Yoswa na a Israeli bepitilira kufuma ku Egiloni kuya ku Hebroni. Becita nkhondo na eve. ³⁷ Beikata nakuiceneka na kosilizyila kwa cibemba, pamozi na mfumu jyake na minzi yake, na banthu onse benzemo. baliye siye wamoyo. Monga mwecitila ku Egiloni, beionongelatu na munthu aliyense mkati. ³⁸ ndipo Yoswa ewelela, na bankhondo onse ba Israeli benze nao, nakuya ku Debiri nakucita nayo nkhondo. ³⁹ Beikata, mfumu yake na minzi yenze pafupi na eve. Beiceneka na kosizyila kwa cibembe na kuinongelatu na aliyense enzemo. Baliyesiko wamoyo. Becita kwa Bediri monga mwecitila kwa Libina na mfumu yake na kwa Heroni. ⁴⁰ Yoswa etola malo onse, calo cakumalupili ya myala, ku Negevu, ku malo onkhazikika, na mnyansi mwa malupili ya myala. Pa mafumu bao onse aliye siyeko aliyense wamoyo. Esilizyilatu camoyo ciliconse, monga Yehova, Mulungu wa Israeli, ebalamulira. ⁴¹ Yoswa ebaonoga lkufuma ku Kadesi mpakana ku Gaza, na vyalo vonse va Gosheni mpaka ku Giyoni. ⁴² Yoswa ekata mafumuonse aba na malo bao pa nthawi imozi cifukwa Yehova, Mulungu wa Israeli, ecitila nkhondo. ⁴³ Teto Yoswa, na a Israeli onse benze nao, bewela ku misasa ku Giligala.