¹ Yehova eciti kwa yoswa, "usayope; usankhale osalimbikishiwa. Ubekuya nao banthu onse bankhondo. Ukwezeke kuya ku Ai. Langa, nakupasa m'manja mwako mfumu yau Ai, banthu bake, mzinda wake, na malo bake. ² Ucite kwa Ai na mfumu yake muwecila kwa Yeriko na mfumu yake, kufumyapo kuti muzitolele vibeto na vopoka. Mupange kagulu kati kanyate kuvuli kwa mzinda." ³ Teto Yoswa enyamuka na kutola analume bankhondo kuya ku Ai. Ndipo Yoswa esankha analume bali sate sauzande- bamphamvu, ocenjela- ndipo ebatuma usiku. ⁴ Ebalamulila, "langa, mubabishamile bamumzinda, kuvuli kwake. Musaye kutali kwa mzinda, koma monse munkhale okonzeka. ⁵ Neo na analume onse tikafwika ku mzinda, ndipo bakafuma kuzotinyata, tibathabe monga mwetecitila kale. ⁶ Bakafume kutikonkha mpaka tabafumya kutali na mzinda. Balabile kuti, 'otiutuka monga monga mwecitila poyamba.' teto tibathabe. ⁷ Teto mufume mu malo banu obishalamo, ndipo muukate mzinda. Yehova Mulungu wanu authwale m'manja mwanu. ⁸ Mukaukata mzinda, muusha na muliro. Mucite ici pomvwilira lamulo lopasiwa na Yehova. Langani, nakulamulani." ⁹ Yoswa ebatuma, ndipo belta ku malo obishama, ndipo bebishama pakati pa Beteli na Ai. Koma Yoswa usiku wala elala pakati pa banthu. ¹⁰ Yoswa euka m'mamawa nakusonkhani bakhondo bake kukonzeka, Yoswa na akulu akulu ba Israeli, ndipo benyata banthu ba Ai. ¹¹ Onse abnalume bankhondo benze na eve beluta nakufwika kumzinda. Befwika pafupi na mzinda nomanga misasa cakumpoto kwa Ai. Lomba penze cigwa pakati pao na Ai. ¹² Etola analume faifi sauzande na kubaika kuti bakanyate mozizimusha cakum'mwela kwa mzinda pakti pa Beteli na Ai. ¹³ Eika m'amalo mwake asilikali onse, gulu la mphamvu nkhondo cakumpoto kwa mzinda, na olonda ku mbali kum'mwela kwa mzinda. Yoswa enkhala mcigwa usiku ula. ¹⁴ Cecitika kuti mfumu yaku Ai piyeona, eve na gulu lake la nkhondo benyamuka nakuutukilako kuti bakanyate Israeli pa malo ayakine benzolanngana na cigwa ca Yorodani. Aliye zibe kuti gulu liyakine lezoyembekeza kunyata mzinda mwazizi. ¹⁵ Yoswa na a Israeli onse bezileka kuti bagonjesewe pamenso pao, ndipo bethabila cakucipululu. ¹⁶ Banthu onse benze mumzinda beitiwa pamozi kuti abautukishe, ndipo bekonkha Yoswa na kuutushiwa kutali na mzinda. ¹⁷ Kuliye mwanlume aliyense esala mu Ai na Beteli aliye luteko kukonkha Israeli. Beusiya mzinda nakuusiya osegula pibenkonkha Israeli. ¹⁸ Yehova eciti kwa Yoswa, "lata mkondo wako uyo caku Ai, pakuti nikupase Ai mkwanja lako."Yoswa elata mkondo wake ku mzinda. ¹⁹ Asilikali benzebishama msanga msanga befumamo m'amalo mwao penzofumya kwanja lake. Beutuka na kuloba mumzinda na kuukata. msanga msanga beushoka mzinda na muliro. ²⁰ Analume baku Ai becunguluka na kulanga kuvuli nakuona cusi cukwela kululu, ndipo bangathabe lini mnjila iyi kapena yala. Pakuti a Israeli benzethabila mcipulu bewelera kuyolangana na bala enzobapilikisha. ²¹ Yoswa na banthu ba Israeli pibeona kuti mzinda wakatiwa ndipo cusi cukuya kululu, bewelela na kupaya banthu baku Ai. ²² Bayakine befuma mkati mwa mzinda, mwakuti benguliriwa, na Israeli pakati, bayakine mbali iyi na bayakine mbali iyakne. Isralei enyata banthu baku Ai; paliye epeze wamoyo kapena kuthaba. ²³ Besunga mfumu ya Ai, wamene wekata wamoyo, ndipo bemuleta kwa Yoswa. ²⁴ Cecitika kuti Israeli pecisilizya kupaya zamoyo zonse zamu Ai mu minda pafupi na cipululu kwabenzobakaonkha, ndipo pamene onse, mpaka pa osilizyila, bepona pa kosilizya kwa cebemba, a Israeli onse bewelela ku Ai. Einyata na kosilizyila kwa cibemba. ²⁵ Bonse bala bepona siku ila,onse analume na anakazi, benze thwelufu sauzande, banthu onse baku Ai. ²⁶ Yoswa aliye coseko kwanja lake pamene lenze fumya pokatilira mkondo, mpaka pesilizyilatu kuononga banthu baku Ai. ²⁷ Israeli ezitolera eka vibeto na vopoka kufuma mumzinda, monga mwenzelamulira Yehova kwa Yoswa. ²⁸ Yoswa eshoka Ai n kuisandusha kuba hopo la voonogewa mpaka kale kale. Ni malo osiiwa mpaka lero. ²⁹ Epanyika mfumu ya ku Ai pacimuti mpaka mcingulo. Zuba piyenzoloba, Yoswa epeleka lamulo ndipo beselusha mubili wa mfumu pa cimuti na kuuponya pasogolo pa mlyango wamzinda. Pala beunjikapo myala palulu pake. Myala yakalipo mpaka lero. ³⁰ Ndipo Yoswa emanga guwa la Yehova, Mulungu wa Israeli, pa lupili la Ebali, ³¹ Monga Mose mtumiki wa Yehova elamulila banthu ba Israeli, Monga mwecilembewela mu buku la malamulo ba Mose: "guwa la myala yosatenda, yamene paliye etendako na cisulo ca nsimbi." Epeleka nsembe yoshoka pa guwa la Yehova, ndipo bepeleka nsembe ya mtendele. ³² Kwala, pamenso pabanthu ba Israeli, elembapo pa myala malamulo ba Mose. ³³ Aisraeli onse, akulu akulu, asogoleri, na oweruza bao bepanama mbali zonse zibili za likasa pamenso pa bansembe na a Levi benyamula likasa la cipanga la Yehova- mu lwendo pamozi na bala baliye badwilemo- hafu ya beve bepanama pasogolo pa lupili la Ebali. Bedalisa banthu ba Israeli monga mwamene Mose mtumiki wa Yehova ebalamulila poyamba. ³⁴ Kufuma apo, Yoswa ebelenga ebelenga mau ba lamulo, madaliso na matembelero, monga mwecilembewela mu buku la malamulo. ³⁵ Kuliye liu olo limozi la m'malamulo ba Mose lamene Yoswa aliye belenge pamenso pa gulu la Israeli, kuikapo anakazi, bana atontho atontho, na alwendo onse benzonkhala nao.