¹ Koma banthu ba Israeli becita mosakhulupilika pa zinthu zenze zepatuliwa kuti zionogeke. Akani mwana wa Karimi mwana wa Zabidi mwana wa Zera, kufumila mu mtundu wa Yuda, etola vinthu venze vepatuliwa kuti vionongewe, ndipo ukali wa Yehova weukila pa bana ba Israeli. ² Yoswa etuma analume kufuma ku Yeriko kuya ku Ai, yenze pafupi na Beti Aveni, kum'mawa kwa Beteli. Eciti kwa eve, kwezekani mukafufu za malo." Teto analume beluta bekwezeka nakufufuza Ai. ³ Pibewelela kwa Yoswa, beciti kwa eve, "musatume analume onse kuya ku Ai. Mutume thu kapena fili sauzande analume kukwezeka nakuyonyata Ai. Musaleke kuti banthu onse asebenzele pa nkhondo, pakuti nibatontho." ⁴ Teto analume okwanila fili sauzande befumapo pa bankhondo, koma aba bebautuka analume baku Ai. ⁵ Analume baku Ai bepaya bankhondo okwanila ngati sate sikisi penzobautukisha kufuma ku mlyango wa mzinda mpaka mlya yatontho yatontho. Mitima ya banthu yesungunuka nakunkhala monga ni manzi. ⁶ Teto Yoswa eng'amba vovwala vake. Eve na banthu ba Israeli beika fumbi pamitu pao na kulalika vinso vao pansi spasogolo pa likasa la Yehova, nakunkhala pamene pala mpaka usiku. ⁷ Ndipo Yoswa eciti, "Ah, Yehova Ambuye, mwebaletelelanji aba banthu kutauka Yorodani? kutipeleka mu manja ya ba Amori kutiononga? ngati tenzepanga ciganizo ciyakine ndipo sembe tenzesala ku mbali iyakine ya Yorodni! ⁸ Ambuye, ningalabile kuti cinji, pakuti a Israeli awelera kuvuli pamenso pa adani bao? ⁹ Kwa Akanani na onse onkhala ppa calo avimvwi. Batizungulile na kupanga banthu ba pacalo conse kuluwa zna lasu. Ko ucite cinji pa zina lanu likuleni?" ¹⁰ Yehova eciti kwa Yoswa, "Nyamuka!cifukwa ni cnji ulala na cinso cako? ¹¹ Israeli wacimwa. Baphwanya pangano langu linebalamulira. Beiba vinthu viyakine vinepatula. Beiba ndipo soti bebisa cimo lao poika vinthu vibeiba pakati pa katundu wabali nao. ¹² Pa cifukwa ici, banthu ba Israeli bangapaname lini pamenso pa adani bao. Bethaba adani bao cifukwa beve beka benzepatuliwila ku cionongeko. Ninkhale lini na mweo pokha pokhapo mukaononga vinthu venzofunika kuonongewa, koma vikali na mweo. ¹³ Panama! upatule banthu na kuti kwa beve, 'zipatuleni mweka pa siku la mailo. Pakuti Yehova Mulungu wa Israeli akuti, "kuli zinthu zufunika kupatuliwa zikali pakati panu, Israeli. Mungapaname lini pamenso pa adani bani mpaka mufumye pakati panu vinthu vonse venzepatuliwa kuti vionongewe." ¹⁴ M'mawa, muzipeleke mweka kulingana na mtundu wanu. Mtundu wati Yehova asankhe uwele pafupi kulingana na banja. Banja lati Mulungu asankhe liwele pafupi kulinga na ng'anda. Ng'anda yati Yehova asankhe liwele pafupi umozi umozi. ¹⁵ Cicitike kuti wati asankhiwe ndipo wamene ali na vinthu ivo venzepatuliwa kuti vionongewe, ashokewe,eve na vonse vali navo, cifikwa waphwanya pangano la Yehova na cifukwa cakuti wacita cinthu cocitisha nsoni mu Israeli.'" ¹⁶ Teto, Yoswa enyamuka m'mamawa na kuleta pafupi Israeli, mtundu pa mtundu, ndipo mtundu wa Yuda wesankhiwa. ¹⁷ Yoswa eleta mabanja ya Yuda pafupi, ndipo banja la Zerahiti lesankhiwa. Eleta pafupi banja la Zerahiti munthu pa munthu, ndipo Zabidi esankhiwa. ¹⁸ Eleta nanda ya Zabidi pafupi, munthu pa munthu, ndipo Akani mwana wa Karimi, mwana wa Zabidi, mwana wa Zera, kufuma mu mtundu wa Yuda, esankhiwa. ¹⁹ Teto Yoswa eciti kwa Akani, mwana wangu, labila ca cendi pamenso pa Yehova, Mulungu wa Israeli, ndipo ulape kwa eve. Napapata niuzye ciwacita. Usanibisile neo." ²⁰ Akani emuyankha Yoswa, "Cendi namucimwila Yehova, Mulungu wa Israeli. Ici niye cinacita: ²¹ Pineona pakati pa vinthu vopekewa khotilaku Babiloni, masekeli handiledi ya siliva, kansimbi ka golide kolema masekeli fifite, nezikhumbwila nakuzitola. vebisi pansi pakati pa tenti langu, ndipo lisiva ili pansi pake. ²² Yoswa etuma banthu, beutukila ku tenti ndipo vinthu venzeko. Pibeona, bevipeza vobisiwa mtenti lake, ndipo siliva pansi pake. ²³ Betola vinthu pakati pa tendi na kuvileta kwa Yoswa na ku banthu onse ba Israeli. Bevithwala pamenso pa yehova. ²⁴ Ndipo Yoswa, na a Israeli onse pamozi na eve, betola Akani mwana wa Zera, na siliva, khoti, kasimbi ka golide, bana bake banalume, bana banakazi, ng'ombe, abulu, mbelele, na tenti yake, na vonse venze navo, ebapeleka ku cigwa ca Akari. ²⁵ ndipo Yoswa eciti, "ko wativutishilanji? Yehova akuvutishe lero." Aisraeli onse bemtema na myala. Etema osalila na myala na kubashoka na muliro. ²⁶ Beunjikapo myala yamene yakalipo mpaka lero. Yehova ufumyapo ukali wake. Mwakuti zina la malo ni cigwa ca Akari mpaka lero.