¹ Banthu ba Israeli pibetauka Yorodani, yehova eciti kwa Yoswa, ² "uzisankhile analume bali thwelufu pakati pa banthu, mwanalume umozi pa mtundu uliwonse. ³ Ubapase lamulo ili: 'nyamulani myala yali thwelufu kufuma pakati pa Yorodani pabapanama bansembe pansi poyuma, nakufuma pamozi nayo na kuyaika pamalo pati mulale usiku.'" ⁴ Ndipo Yoswa eita madoda thwelufu bamene besankha kufumila ku mitundu yonse ya Israeli, umozi pa mtundu uliwonse. ⁵ Yoswa eciti kwa beve, "nkhoyani pasogolo pa likasa la Yehova Mulungu wanu pakati pa Yorodani. Aliyense wa mweo anyamule mwla waake pa phewa, kulinga na namba ya mitundu ya banthu ba Israeli. ⁶ Ici cikabe cizindikilo canu pakati panu bana banu akayomukonshani mu masiku akuza, 'ko myala aya yotanthauza cinji kwa mweo?' ⁷ teto mukalabile kuti kwa beve, 'manzi bamu Yorodani betendeka pakati pamenso pa likasa la cioangano la Yehova. Piyetauka Yorodani, manzi bamu Yorodani betendeka pakati. Teto myala aya yakabe cikumbusho ku banthu ba Israeli mpaka kale kale.'" ⁸ Banthu ba Israeli ecita monga Yoswa ebalamulira, ndipo benyamula myala thwelufu kufuma pakati pa Yorodani, monga mwecimuuzyila Yoswa kuli Yehova. Beika myala kulingana na namba ya mitundu ya banthu ba Israeli. Beinyamula myala, mpaka ku malo kuciyomanga misasa nakuika kwamene kwala. ⁹ Ndipo Yoswa eika myala thwelufu pakati pa msinje wa Yorodani, pamalo poibepanama bansembe benyamula likasa lacipangano. Cikumbusho cikalipo mpakana lero. ¹⁰ Bansembe benyamula likasa lacipangano bepanama pakati pa Yorodani mpaka vonse vamene Yehova elamulila Yoswa kuti auzye banthu ba Israeli vesilizyika, kulingana na vonse vecilamulila Mose kuli Yoswa. ¹¹ Banthu befulumila ndipo betauka. Banthu onse pecisilizya kutauka, likasa la Yehova na bansembe batauka pavuli pa banthu. ¹² Mtundu wa Rubeni, mtundu wa Gadi, na hafu ya mtundu wa Manase beluta pasogolo pa banthu ba Israeli nakuyopanga gulu la asilikali, monga mwamene Mose ebauzyila. ¹³ Analume okwanila ngati folo sauzande bepita pamenso pa Yehova, ku nkhondo mumshambo wa Yeriko. ¹⁴ Pa siku ilo Yehova epanga Yoswa kuba mkululeni pamenso pa Israeli. Bemulekeza- monga mwecilemekezela Mose- mu masiku yak yonse. ¹⁵ Ndipo Yehova elabila na Yoswa, ¹⁶ "lamulila bansembe bonyamula likasa la umboni bafume mu Yorodani." ¹⁷ Teto, Yoswa ebalamulila bansembe, "fumani mu Yorodani." ¹⁸ Bansembe bonyamula likasa lacipangano ca Yehova pibefuma pakati pa Yorodani, ndipo katende kao kenyamuliwa kufuma poyuma, ndipo manzi bamu Yorodani bewelera mu malo mwake na kuzula mbali mwake, monga mwenzelili masiku folo epita. ¹⁹ Banthu befuma mu Yorodani pa siku la teni la mwezi woyamba. Benkhala mu Giligala, kum'mawa kwa Yeriko. ²⁰ Myala thwelufu yabetola kufuma ku yorodani, Yoswa eyaika mu Giligala. ²¹ Eciti ku banthu ba Israeli, "ngati mbadwo wanu ukonsha za makolo banthu mu nthawi ikuza, 'Myala iyi niyanji?' ²² Mukabauzye bana banu, 'apaniye pamene Israeli etaukila Yorodani poyuma.' ²³ Yehova Mulungu wanu ekuyumishirani manzi yamu Yorodani, mpakana mwetauka, monga mwecitila Yehova Mulungu wanu pa nyanja ya Mishanga, yecitiyumikila mpakana tonse titauka, ²⁴ kuti banthu onse ba pacalo azibe kuti kwanja la Yehova nilamphamvu, ndipo kuti mukalemekeze Yehova mpakana kale kale."