¹ Pamene mafumu onse ba Amori ku mbali yaku m'mwela kwa Yorodani, na mafumu onse ba Kanani, benze mu mbali mwa nyanja ikulene, becimvwa kuti Yehova eyumisha manzi bamu Yorodani mpaka banthu ba Israeli betauka, mitima yao yesungunuka, ndipo mwenzevye mzimu mwa beve cifukwa ca banthu ba Israeli. ² Panthawi iyo Yehova elabila na Yoswa, "pangani vipula va myala na kucita soti mdulidwe bana banalume onse Israeli." ³ Ndipo Yoswa epanga vipula va myala nakucita mdulidwe bana onse banalume ba Israaeli ku Gibeyati Haraloti. ⁴ Ici niye cifukwa Yoswa ebacita mdulidwe onse: analume onse efuma mu Igigpito, kuikapo na analume onse ba nkhondo, becifwa mcipululu mnjila, pibefuma mu Igipito. ⁵ Ngakhale kuti analume onse befuma mu Igipito becitiwa mdulidwe, soti, paliye mnyamata ebadwila mcipululu mnjila pibefuma mu Igipito enze ocitiwa mdulidwe. ⁶ Pakuti banthu onse ba Israeli beyenda zaka fote mu cipululu mpaka banthu onse, aba ni, analume onse bankhondo befuma mu Igipito, becifwa, cifukwa baliye mvwilile mau ba Yehova. Yehova elumbila kwa beve kuti abaleke lini baone cali cecilumbila ku makolo kuti akatipase, calo cuyenda mkaka na uci. ⁷ Ni bana bao becikulisha Yehova pamalo paobamene Yoswa ecita mdulidwe, cifukwa baliye citiwe mdulidwe mnjila. ⁸ Pamene onse ecitiwa, mdulidwe benkhala kubenzonkhala mumisasa mpakana bepola. ⁹ Ndipo Yehova eciti kwa Yoswa, "siku la lero na kunkhuluzya kucishiwa nsoni kwanu kwa Igipito." Teto, zina la malo ayo yenkhala Giligala mpakana lero. ¹⁰ Banthu ba Israeli bemanga pa Giligala. Besunga Pasaka pa siku la fotini la mwezi, usiku, mumshambo wa Yeriko. ¹¹ Pa siku lokonkhapo kufuma Pasaka, becilya vakulya viyakine vofuma mu nthka, buledi uliye cofufumisha na na tirigu wokazinga. ¹² Mana yeleka pa siku lamene ila kufuma kulya vakulya vofuma ku nthaka. Kwenzevye soti Mana pa banthu ba Israeli, koama becilya vofuma nthaka ya calo ca Kenani caka cila. ¹³ Yoswa penze pafupi na Yeriko, enyamula menso bake nakuona, ndipo langani, lidoda lenzepanama pasogolo pake; enzefumya cipula cake ndipo cenze kwanja lake. Yoswa eluta kuli eve na kuti, "nimwe ba seo olo adani basu?" ¹⁴ Eciti, "paliye. Pakuti nine mkuleni wa bankhondo ba Yehova. Lomba nawela." Ndipo ebelmisha cinso cake pansi nakupemebeza na kuti kwa eve, "ko mbuya wangu akuti cinji ku wanchito wake?" ¹⁵ mkuleni wa nkhondo wa Yehova eciti kwa Yoswa, "vula nsapato zako kumendo kwako, pakuti mali yuwapanamapo nibatuba."Niye cecita Yoswa.