¹ Yoswa enyamuka m'mamawa, ndipo becokela ku Sitimu. Befwika pa msinje wa Yorodani, eve na banthu onse ba Israeli, ndipo benkhala pamene pala bakaliye tauke. ² Payepita masiku atatu, asilikali apita pakati pa misasa; ³ elamulila banthu, "mukaona likasa la malamulo la Yehova Mulungu wanu, na bansembe ofumila mu Alevi oinyamula, mufunika kunyamuka pamalo pano nakulikonkha. ⁴ Koma pankhale malo pakati pa mweo na beve yokwanila ngati thu sauzande mitazi. Musafwendele pafupi na yeve. kuti muone niini nijila yopitilamo, pakuti mukaliyopitilepo njila iyi nakale." ⁵ Yoswa eciti ku banthu, mukazipatule mailo, pakuti Yehova okocita vodabwisha pakati panu." ⁶ Ndipo Yswa eciti ku bansembe, "nyamulani likasa lacipangano, ndipo mulute pasogolo pa banthu." Mwakuti benyamula likasa la cipangano na kuya pasogolo pa banthu. ⁷ Yehova eciti kwa Yoswa, "lero nikuike mutnhu mkuleni mu menso mwa Israeli onse. Bazibe kuti monga mwinenzeli na Mose, nibe na weo. ⁸ Ulamulile bansembe bati banyamule likasa la cipangano, mukafwika kosilizyila kwa manzi, ufunika upaname mu msinje wa Yorndani.'" ⁹ Ndipo Yehova eciti ku banthu ba Israeli, "welanikuno, na kumvwa mau ba Yehova Mulungu wanu. ¹⁰ Pocita ici muzibe kuti Mulungu wamoyo ali pakati panu ndipo afumye pamenso panu Akanani, aHiti, aHivi, aPerizi, aGirigasi, aMori, na Yebusi. ¹¹ Langani! likasa la cipangano la Yehova la cal conse lupita pasogolo mu Yorodani. ¹² Lomba sankha analume thwelufu kufuma mu mitundu ya Israeli, mwanalume umozi pa mtundu. ¹³ Pamene katende ka mendo ya bansembe onyamula likasa la Yehova, Ambuye wa calo conse, koloba mu m'manzi ya mu Yorodani, manzi bamu Yorodani batendeke, ndipo olo manzi bakuya kunyansi ofuma ku mikolo yakululu baleke kuyenda ndipo bapaname pamozi." ¹⁴ Teto banthu pibenyamuka kuti batauke Yorodani, bansembe benyamula likasa lacipangano ciya pasogolo pa banthu. ¹⁵ Onyamula likasa pibefwika tyala pa Yorodani, ndipo mendo ya bala benyamula kilasa piyeloba moyambila mwa manzi (lomba yorodani ozula kufwika mbali mwake monse nthawi yonse yofumya vakumunda), ¹⁶ manzi yenzoyenda kufuma ku mikolo yakululu yepamana pamozi. Manzi yelekela patali kuyenda. Manzi yerekela kufuma ku Adamu, mzinda uli pafupi na Zaretani, mpaka kusondokela ku nyanja ya Araba, nyanja ya munyu. Banthu betauka pafupi na Yeriko. ¹⁷ bansembe benyamula likasa la cipangano la Yehova bepanama poyuma pakati pa Yorordani mpaka banthu onse ba Israeli batauka pansi poyuma