¹ Ndipo Yoswa mwana wa Nuni etuma analume abili kufumila ku Sitimu kufufuza. Eciti, "nkhoyani, mukaone malo, makamaka Yeriko." beciya nakufwika ku ng'anda kwa Hule zina lake Rahabe, ndipo benkhala kwemene kula. ² Ceuzyiwa kwa mfumu ya Yeriko, "langani, analume aku israeli bawela kuno kuzofufuza pa calo. ³ Mfumu ya Yeriko yetum mau kwa Rahabe nakuti, "fumya analume amene bawela kwako amene beloba mng'anda mwako, pakuti bawela kuzofufuza pa calo conse." ⁴ Koma mwanakazi ebatola banalume nakubabisa. Eyankha, Eee, analume bewela kwangu, koma niliye zibe kubefumila. ⁵ Eciya pikwefipa, pa nthawi yovala mlyango. Nuziba lini kweciya. Mwina mungabapeze ngati mufulumile kubakonkha." ⁶ Koma enzebaika pa palulu ku mteng na kubabisa na mapesi ba fulakisi yamane yeciika pamtenge. ⁷ Teto analume abakonkha pa njila yusogolera kotaukila Yorodani. Mlyango wevaliwa pecingofuma obakonkha. ⁸ Analume aliye lale usiku, pecikwela kumtenge kwenze beve. ⁹ Eciti, "nuziba kuti Yehova wakupasani malo bano ndipo kuti mantha ya mweo yawela pa seo. Onse onkhalo mcalo bakasungunuke pamenso panu. ¹⁰ Tecimvwa mweyumikila manzi banyanja yamshanga pamene pimwefuma ku Aigupto. Tecimvwa soti cimwecitila mafumu abili ba Amori onkhala silya iyake ya Yorodani- Sihoni- na Ogi bamene umweononga kusilizyilatu. ¹¹ Pitecimvwa ici, mitima yasu yesunguka ndipo penzevye kulimbikila kwesala mwa mwa aliyense- pakuti Yehova Mulungu wanu, ni Mulungu wakululu na palulu na pa calo capansi. ¹² Lomba teto mulapile kwangu mwa Yehova kuti, munankhalila na cifundo kwa mweo, namwe munkhale na cifundo na ng'anda ya atata. Nipaseni cindikilo ¹³ kuti mukasiye miyoyo ya atata, amama, anekwasu analume, anekwasu anakazi na mabanja bao onse, na kuti mukatipulumushe ku imfwa." ¹⁴ Analume eciti kwa eve, "moyo wasu pa moyo wanu, mpaka ku imfwa! ngati ulabile lini za nchito yasu, ndipo, ngati Yehova watipasa malo banotikabe na cifundo ndipo okhulupilika kwa weo." ¹⁵ Teto abaselushila pansi kupitila pa windo na nthambo. Ng'anda yenzonkhalamo yenze yomangiwa kucipupa ca munzi. ¹⁶ Eciti kwa beve, nkhoyani kumalupilipayakine okonkha angakupezeni. Mukabisame kwamene kwa masiku atatu mpaka okonkha akawelele, Teto mukalute ulwendo wanu." ¹⁷ Madoda beciti kwa eve, timangiwe lini na lonjezo liwatipapisha, ngati ucita lini ici. ¹⁸ Pati tikalobe mcalo ufunika ukamange nthambo iyi isweta ku windo kupitila mwamene muwatifumyila pansi, nspo ukasonkhanishe ng'and auso, anyoko, azinekwanu analumena nga'anda yonse ya auso. ¹⁹ Aliyense wati akafume panja pa mlyango mpaka mnjila, ngazi yao ikabe pamitu pao ndipo tikabe osalakwa. Koma ngati kwanja lafwika pa aliyense ali na weo mng'anda, ngazi yake ikabe pamitu pasu. ²⁰ Koma ngati ulabile za nchito yasu, tikabe omasuka ku cipangano ciwatipanga kulumbila. ²¹ Rahabe eyankha, "lekani cimwalabila cikacitike." Ebatumizya ndipo beluta. Teto emanga nthambo isweta pa windo. ²² Beciya ndipo bekwela malupili ya myala na kunkhala kwamene kwala kwa masiku atatu mpaka obakonkha bewelela. obakonkha befuna-funa mnjila monse ndipo aliye bapeze. ²³ Madoda abili bewelela na kutauka na kuwelela soti kwa Yoswa mwana wa Nuni, ndipo bemuuzya vonse vecitika kwa beve. ²⁴ Beciti kwa Yoswa, "Cendi watipasa malo bano. Onse onkhala mcalo osungunuk cifkwa ca seo."