¹ Lomba cecitika kuti pecifwa Mose mtumiki wa Yehova, kuti Yehova elabila na Yoswa mwana wa Nuni, mkulene pa oavya Mose, kuti, ² "Mose mtumiki wangu wafwa. Teto lomba, nyamuka, na kutauka Yorodani, weo na banthu aba onse, mu malo yanubapasa- ku banthu ba Israeli. ³ Nakupasani mao onse pati katende ka kwendo lanu kakayende. Nakupasani, monga mwenelonjezela Mose. ⁴ Kufuma ku cipululu na Lebanoni, mpaka ku msinje ukuleni ngako, wa Firate, calo conse ca Ahiti na ku nyanja ikulu, kwamene kulobela zuba, yakabe malo yanu. ⁵ Paliye wati akapaname pamenso panu mu masiku onse ba moyo wanu. Nikabe na mweo monga mwinnenzeli na Mose. Nikakulekeleleni lini kapena kukusiyani. ⁶ Mube na mphamvu na kulimba mtima. Mukapangishe banthu aba kulandila calo cinelonjeza makolo bao kubapasa. Nkhala wa mphamvu na kukosa mtima. ⁷ Nkhala na chelu kusunga malamulo onse Mose mtumiki wangu ekulamulilani. Usakhwenthele kumazyele kapena ku kwendi, kuti mukapambane kumukuya. ⁸ Nthawi zonse ukolabila za buku ili lacilamulo. Ukoganizila mzuba na usikukuti ukasunge zonse zelembewamo. Teto ukalemele na kupambana. ⁹ Ko niliye kulamulile? Nkhala wamphavu ndipo okosa mtima! usayope. Usakhumudwishiwe. Yehova Mulungu wako ali na weo kulikonse kukuya." ¹⁰ Teto Yoswa elamulila asogoleri ba banthu, ¹¹ "nkhoyani pakati pa misasa na kulamulira banthu, zikonzekeleni vakulya. Mu masiku atatu mu katauke Yorodani na kuloba notola malo yamene Yehova okupasani kuti mulobe.'" ¹² Kwa Arubeni, Agadi na hafu mtundu wa Manase, Yoswa eciti, ¹³ "kumbukilani mau bamene Mosemtumiki wa Yehova, ekulamulilani paciti, 'Yehova Mulungu wanu okupasani mpumulo, ndipo okupasani malo aba.' ¹⁴ Anakazi banu, bana banu, na vobeta vanu vikankhale mcalo camene Mose Ekupasanu kusilya kwa Yorodani. Koma asilikali banu atauke namwe na anekwani ndipo mukayavye ¹⁵ mpaka Yehova abapase mpumulo anekwanu monga wecipasila kwa mweo. Teto nawo akalandile coloba cao ca calo camene Yehova Mulungu wanu okupasani. Ndipo mungawelele ku malo banu nakutola, malo bamene Mose mtumiki wa Yehova ekupasani kusilya kwa Yorodani, kufumila zuba." ¹⁶ Ndipo yoswa bemuyankha, na kuti, Vonse vuwatilamulila ticite, kwati utitume tilute. ¹⁷ Tikumvwilile mwitemvwilira Mose. Yehova Mulungu wanu yeka abe na weo, monga mwenzeli na Mose. ¹⁸ Aliyense wati akaukile ulamuliro wako na kusamvwilila mau bako akapaiwe. Nkhala tyala wamphavu ndipo olimba mtima."