¹ Teto gulu lonse la a Israeli lekumana pamozi ku Silo. Beika tenti lokumanamo kwamene, ndipo begonjesa calo pamenso pao. ² Penze pakali mphela mitundu 7 pakati pa mtundu wa Israeli amene enze akaliye pasiwe gao. ³ Yoswa eciti ku banthu ba Israeli, "muyembekeze mpaka lini kuyoloba mcalo camene Yehova, Mulungu wa makolo banu, ekupasani? ⁴ zisankhileni mweka madoda atatu kufumila pa mtundu uliwonse ndipo nibaxtume kunja. Balute na kuyofufuza malo kulu na kunyansi. Bakalembe maonekedwe bake mu makonekedwe ba coloba cao, ndipo teto bakawelele kwa neo. ⁵ Bakagabe magulu bali seveni, Yuda akasale malo ali ku mbali yakumpoto, ndipo ng'anda ya Yosefe akapitilizye mgawo yao kum'mwela. ⁶ Mukalembe malo mu ndime seveni ndipo letani mzolembewa kuno kwangu. Nikakutileni maele kuno pamenso pa Yehova Mulungu wasu. ⁷ Alevi aliye malo pakati panu, pakuti unsembe wa Yehova niye coloba cao. Gadi, Rubeni, na hafu ya mutundu wa Manase walandila coloba cake, kupititlila Yorodani. Ici niye coloba camene Mose mtumiki wa Yehova ebapasa." ⁸ Teto madoda benyamuka. Yoswa elamulira bala beciyolemba vizindikilo va malo, kuti "kwelani muyende-yende mcalo ndipo mukalembe vizindikilo vake ndipo muwele navo kuno. Nikucitileni maele pamenso pa Yehpva ku Silo." ⁹ Madoda beciya ndipo beyenda-ynda mcalo nakulemba vizindikilo vake mbuku mwa mizinda yake mdime zili seveni, kuika mumndanda wa mizinda mndime iliyonse payeka. Teto bewelela kwa Yoswa ku msasa ku Silo. ¹⁰ Ndipo yoswa ebacitila maele ku Silo pamenso pa Yehova. Ni kwamene kwala kwamene Yoswa epasa malo banthu ba Isrraeli, ndipo kwa aliyense gao la malo bake lepasiwa. ¹¹ Gao la malo ba mtundu wa Benjamini mkoma pa mkoka. M'gao la malo bao benze pakati pa mtundu wa Yuda na mtundu wa Yosefe. ¹² Kumbali yakum'mwela, malire oyambila ku Yorodani. Malire bakuya mpaka kumbali cakum'mwela kwa Yeriko, ndipo soti ku palulu pa calo cakumalupili cakum'mazulo. Kwala yufwika ku cipululu ca Beti Aveni. ¹³ Kfumila apo malire epita pakati caku mpoto kulungama ku Luzi (malo amozi na Beteli). Teto malire besondokela ku Ataroti Adara, mwa lupili yamene ili ku m'mwela kwa Beteli Horoni. ¹⁴ Malire eluta soti mbali iyakine; pa mbali ya kumazulo ekwenthela ku m'mwela, elungama ku lupili kufumila ku Beti Horoni. Malire aba besilila pa Kuriati Bala (iyo ni, Kiriati Yearimu), mzinda wa mtundu wa Yunda. Aba bepanga malire cakumbali yakum'mazulo. ¹⁵ Mbali yakumwela yuyamba kungofuma tyala ku Kiriati yearimu. Malire eciya kufumila kwamene mpaka ku Efuroni, mpaka ku mkolo wa mazni ba Nefitoa. ¹⁶ Malire besondoka mpaka ku malire ba lupili lenze lolangana na cigwa ca Ben Hinomu, yenzze ku m'mwela kusilizyila kwa cigwa ca Rafaimu. Yeciya mpaka kucigwa ca Hinomu, kusondokela kum'mwela kwa a Yebusi, nopitilizya kusondoka ku Eni Rogeli. ¹⁷ Okwenthela ku kumpoto, kuya molungama ku Eni Semesi, ndipo kufumila apo ofuma mpaka ku Geliloti, yamene yenze posiyana na pokwelela Adumi. Ndipo esondokela ku mwala wa Bohani mwana mwanalume wa Rubeni. ¹⁸ Epitila kumoto kwa Beti Araaba nosondokela ku Araba. ¹⁹ Malire epitila kumpoto kwa Beti Hogila. Malire osilila kumpoto kosungika manzi ba nyanja ya munyu, cakum'mwela kosilizyila kwa Yorodani. Aba benze malire bakum'mwela. ²⁰ Yorodani epanga malire bake kumbali ya kum'mwela. Iyi yenze gao la mtundu wa Benjamini, ndipo epasiwa mkoka mwa mkoka, malire pa malire ayake, kuzungulila konse. ²¹ Lomba mizinda ba mtundu wa Benjamini, mkoka pa mkoka, benze na mizinda iyi: Yeriko, Beti Hogila, Emeki Kezizi, ²² Beti Araba, Zmaraimu, Beteli, ²³ Avimu, Para, Ofira, ²⁴ Kefari Amoni, Ofori, na geba. Kwenze mizinda twelufu, kuikapo na minzi yao. ²⁵ Kwenze soti mizinda ya Gibeoni, Rama, Beroti, ²⁶ Mizipa, Kefira, Moza, ²⁷ Rekemu, Iripeli, Tarala, ²⁸ Zela, Haelefu, Yebusi (cimozi-mozi na Yerusalemu), Gibeya, na Kiriati. Kwenze mizinda fotini, kuikapo na minzi yao. Ici niye cenze coloa ca mtundu wa Benjamini pa mikoka yao.