¹ Kucosewa kwa maere acibili ewila kwa Simeoni, mkoka mwa mkoka. Gawo lao lenze mkati mwa gao la Yuda. ² Enze nao malo bao Beriseba, Seba, Molada, ³ Hazari Suara, Bala, Ezemu, ⁴ Elitoladi, Betuli, na Horima. ⁵ Simeoni enze soti na Zikilaga, Beti Marikaboti, Hazari Susa, ⁶ Beti Lebaoti, na Saruheni. Aba benze mizinda bao satini, kuikapo minzi bao. ⁷ Simeoni enze soti na Aini, Rimoni, Eteri, na Asani. Aba benze mizinda bali folo, kuikapo na minzi bao. ⁸ Aba benze pamozi kuikapo minzi bao kuzunulira mizinda kutalimpha kwake monga Baatala Beeri (cimozi-mozi monga Rama ku Negevu). Ici niye cenze coloba ca mtundu wa Simeoni, mkoka pa mkoka. ⁹ Coloba ca mtundu wa simeoni cepanga gao la malo ba mtundu wa Yuda. Cifukwa ndime ya malo yapasiwa ku mtundu wa Yuda yenzebakulira ngako, Mtundu wa Simeoni welandila coloba cao pakati pa ndime yao. ¹⁰ Maere yacitatu yewila pa mtundu wa Zebuluni, mkoka pa mkoka. Malire ba coloba cao beyambila ku Saridi. ¹¹ Malire bao beciya cakum'mwela kwa Merala na kukatako ku Dabeseti; na kupitilirako ku mkolo wenze wolangana na Yokineamu. ¹² Kufumila ku Salidi malire ekwenthela cakum'mawa nakuya kumalire a Kisilotu Tabori. Kucoka apo eciya ku Baberati ndipo mpaka ku Yafiya. ¹³ Kufumila kula epitila ku m'mawa kwa Gati Heferi, ndipo soti ku Eti Kazini; kuyakine eciya ku Rimoni na kukwenthela ku Nea. ¹⁴ malire ekwentha kumpoto ku Hanatoni naku Silira ku cigwa ca Ifitani Eli. ¹⁵ Calo iyi kuikapo na mizinda ya katati, Nahala, Simuloni, Idala, na Betelehemu. yenze mizinda 12, kuikako minzi yao. ¹⁶ Aba enze malo ba mtundu wa Zebuluni, mkoka mwa mkoka, kuikako mizinda iyi, kuikako minzi yao. ¹⁷ Maere ya folo kyeponela pa Isakara, mkoka pa mkoka. ¹⁸ Malo bao ni kuikapo Yezereli, Kesuloti, Sunemu, ¹⁹ Hafaraimu, Sioni, na Anaharati. ²⁰ Kuikapo soti Rabiti, Kisioni, Ebezi, ²¹ Remeti, Eni Ganimu, Eni Hada, na Beti Pazezi. ²² Malire bao bekata soti ku Tabori, Sahasuma, n Beti Semesi, na ku silizyila ku Yorodani. Kwenze mizinda 16, kuikapo na minzi yao. ²³ Ici niye cenze coloba ca mtundu wa Isakara, kulingana na mikoka yao- mizinda, kuikapo na minzi yao. ²⁴ Maere ya faifi yeponela pa mtundu w Aseri, mkoka pa mkoka. ²⁵ Malo bao ni kuikapo Helikati, Hali, Beteni, Akisafu, ²⁶ Alameleki, Amadi, na Misali. Ku m'mazulo malire ekula mpaka ku Kaimeli na Sihori Libinati. ²⁷ Teto ekwenthela kum'mawa ku Beti Dagoni ndipo eciya kutali nofwika ku Zebuluni, na ku cigwa ca Ifita Eli, cakumpoto kwa Beti Emeki na Neieli. Teto yepitilira mpaka kumpoto kwa Kabulu. ²⁸ Ndipo yepitilira soti mpaka ku Abidoni, Rehobo, Hamoni, na Kana, mpaka kutali ku Sidoni. ²⁹ Malire ekwenthela soti ku Rama, ndipo mpaka kumzinda wocingilizyiwa ngako wa Turo. Teto malire bekwenthela ku Hosa na kusilira ku nyanja, mcalo ca Akizibu, ³⁰ Uma, Afeki, na Rehobo. Kwenze mizinda fote thu pamozi na minzi yake. ³¹ Iyi lenze gao la mtundu wa Aseri, mkoka pa mkoka- mizinda, kuikapo na minzi bao. ³² Maere ya sikisi yponela pa Nafitali, mkoka pa mkoka. ³³ Malire bao boyambila ku Helefi, kufumila ku cimuti ca nthundu ku Zananimu, mpaka ku Adami Nekebi na Yabineli, mpaka kutali ku Lakumu; yesilira pa Yorodani. ³⁴ Malire bekwenthela cakum'mazulo ku Aznoti Tabori na kuya ndithu ku Hukoku; yekatana na Zebuluni kumpoto, na kufwika ku Aseri kumazulo na Yorodani kum'mawa pa msinje wa Yorodani. ³⁵ Mizinda yocingilizyiwa yenze Zidimu, Zeri, Hamati, Rakati, Kinereti, ³⁶ Adama Rama, Hazori. ³⁷ Kedesi, Edrei, na Eni Hazori. ³⁸ Penze soti Ironi, migidara Eli, Horemu, Beti Anati, na Beti Semesi. Kwenze mizinda naintini, kuikapo na minzi bao. ³⁹ Ici niye cenze colba ca mtundu wa Nafitali mkoka pa mkoka- mizinda, kuikapo na minzi bao. ⁴⁰ Maere ya seveni yeponela pa mtundu wa Dani, mkoka pa mkoka. ⁴¹ Malo ba coloba cao ni kuikapo Zora, Esitaoli, Iri Semese, ⁴² Salabini, Aiyaloni, na Itila. ⁴³ Eikapo soti Eloni Timina, Ekroni, ⁴⁴ Eliteke, Gebetoni, Baalati, ⁴⁵ Yehudi, Bene Baraki, Gati, Rimoni, ⁴⁶ MeYarkoni, na Rakoni pamozi na malo epitila kufuma ku Yopa. ⁴⁷ Pebesobewa malire ba mtundu wa Dani, Dani eukila Lesemu, nakucita nayo nkhondo, kubakata na kubanyata na lupanga; kutola coloba na kunkhala mwamene. Besintha zina la Lesemu, kuitya kuti Dani makolo bao. ⁴⁸ Ici niye cenze coloba ca mtundu wa Dani, mkoka pa mkoka- mizinda, kuikapo na minzi bao. ⁴⁹ Pibesilizya kugaba malo monga coloba, Banthu ba Israeli bepasa coloba kwa Yoswa mwana wa Nuni pakati pao. ⁵⁰ Mwa cilamulo ca Yehova bemupasa mzinda wecisenga, Timina Sera mu malupili ba Efraimu. Emanga soti mzinda na kunkhala kwamene. ⁵¹ Ici niye cenze coloba ca Eliazara wansembe, Yoswa mwana wa Nuni, na asogoleri ba mitundu ya mikokaya Israeli bepasiwa na maere ku Silo, pamenso pa Yehova, pamlyango wa tenti yokumanano. Teto besilizya kupasa malo.