¹ Iyi yenze gao la mtundu wa Manase (amene enze mwana woyamba wa Yosefe) - iyi ni, Makiri, wamene enze woyamba wa Manase ndipo eve eka enze awisi wake wa Gileadi. Makolo ba Makiri etumiwa ku calo ca Gileadi naku Basana, pakuti Makiri enze munthu wa nkhondo. ² Malo enkhala bamtundu wa wa Manase, Epasiwa ku mikoka yawo -Abiezere, Hereki, Sekemu, Heferi, na Semida. Aba xbenze mibadwo ya mtundu wa Manase mwana mwanalume wa Yosefe, kupanamila pa mikoka yao. ³ Lomba Zelofehedi mwana wa Heferi mwana wa Gileadi mwana wa Makiri mwana wa Manase enzevye bana banalume, koma tyala banakazi. Bana banakazi benze Mahila, Nowa, Hogila, Milika, na Tiriza. ⁴ Befwika kwa Eliyazara wansembe, Yoswa mwana mwanalume wa Nuni, na asogoleri, ndipo beciti, Yehova elamulira Mose kuti atipase coloba casu pamozi na azinekwasu." Teto, kukonkha malamulo ba Yehova, epasa coloba anakazi bala pakati pa anekwao ba awisi bao. ⁵ Manase epasiwa magawo teni mu malo ba Gileadi na Basana, amene ali kusilya iyakine ya Yorodani, ⁶ Cifukwa bana banakzi ba Manase elandila coloba pamozi na bana bake banlume. Calo ca Gileadi cepasiwa ku mtundu wone wa Manase. ⁷ Malire ba Manase efwike kufumila ku Aseri mpaka Mika-Metatu, kwamene ni kum'mawa kwa Sekemu. Teto malire eciya ca kum'mawa kwa bala enkhala kufupi na mkolo wa Tapua. ⁸ (Calo ca Tapua ni ca Manase, koma boma la Tapua pa malire ba Manase niya Efraimu.) ⁹ Mlire eciya kunyansi kwa mkolo wa Kana. Mizinda iyi yaku m'mwela kwa mkolo pakati pa boma la Manase niya Efraimu. Malire ba Manse enze pa mbali ya kum'poto kwa mkolo, ndipo osilira munyanja. ¹⁰ Malo ba kum'mwela niba Efraimu, ndipo malo bakum'poto enze ba Manase; nyanja yenze malire. Kumpoto ku mbali ya Aseri wefwika, ndipo caku m'mawa, Isakala. ¹¹ Soti mwa Isakara namu Aseri, Manase enze na Beti Seani na minzi yake, Ibleamu na minzi yake, onkhala mu Dori na minzi yake, onkhala mu Endori na minzi yake, onkhala mu Tanaki na minzi yake, na zonkhala mu Megido na minzi yake (ndipo mzinda wacitatu ni Nafeti). ¹² Ndipo mtundu wa Manase uliye tole coloba ca mizinda ila, pakuti Akanani epitilizya kunkhala mu malo aba. ¹³ pamene banthu ba Israeli enkhala na mphamvu, eika Akanani pa nchito yokakamizyiwa, koma aliye basilizyiletu kufumya. ¹⁴ Teto mkoka wa Yosefe weciti kwa Yoswa, kuti, "cifukwa nicinji mwatipa tyala mbali imozi ya malo na gawo imozi ya coloba, popeza nise banyinji munambala ndipo tonse watidalisa Yehova? ¹⁵ Yoswa eciti kwa beve, "ngati niwe banthu anyinji, kwezekani mweka kusanga ndipo mukazikonzele mweka minda mu calo ca Aperizi na ya Arefai. Citani ici pakuti calo camalipili ya Efraimu cukucepelani ngako." ¹⁶ Mikoka ya Yosefe yeciti, "calo cakumalipili cutikwanila lini. Koma Akanani onse onkhala mu cigwa ali na magaleta ya nsimbi, bonse bala ali mu Beti Seani na minzi yake, na bala bali mu cigwa ca Yezereli." ¹⁷ Teto Yoswa eciti kwa ng'anda ya Yosefe- kwa Efraimu na Manase, "nimwe banthu banyinji mnmbala ndipo nimwe banthu bamphamvu. Mufunika lini kupasiwa gawo limozi la malo. ¹⁸ Calo ca Malupili cibe soti canu. Olo kuti ni sanga yongoma ngako, mukaikonze na kutola coloba cake mpaka kuyofwika ku malire bake. Mukapilikishe Akanani, olo kuti bana magaleta ba nsimbi, ndipo olo kuti bali na mphamvu ngako."