¹ Gawo amtundu wa Yosefe kufumila ku Yorodani ku Yeriko, ku manzi aku Yeriko, mcipululu, kuyokwela kufumila ku Yeriko kupitilira ku Beteli. ² Teto yefuma ku Beteli mpakana ku Luzi na kupitilira kuluta ku Atoratu, kumabali ya Ariki. ³ Teto esondoka cakum'mzulo kumbali ya a Afeleti, kutali monga kumbali ya mnyansi a Beteli Horoni, ndipo na ku Gezeri; yesilila ku nyanja. ⁴ Cenze mnjila iyi kuti mtundu wa Yosefe, Manase na Efraimuelandila malo bao. ⁵ Malo ba mtundu wa Efraimu, mkoka mwa mkoka: malile ba malo bao caku m'mawa eciya kufumila ku Ataroti Adara mpaka ku kululu kwa Beti Horoni, ⁶ ndipo kufumila apa epitilira mpka ku nyanja. Kufumila ku Mikamelati cakumpoto ekhwenthela kum'mawa kwa Tanati Silo na kupitila kum'mawa kwake kwa Yanowa. ⁷ Ndipo yefuma ku Yanowa mpaka ku Ataroti na ku Nara, na kufwika ku Yeriko, kusizyila ku Yorodani. ⁸ Kufumila ku malire ba Tapuwa eciya ca kum'mazulo ku mkolo wa Kana na kusilira ku nyanja. Ici niye cenze coloba ca mtundu wa Efraimu, mkoka mwa mkoka, ⁹ pamozi na minzi yamene yesakhiwila mtnundu wa Efraimu mkati mwa coloba ca mtundu wa Manase mizinda yonse, kuikapo minzi yao. ¹⁰ Aliye pitilikishe a Kanani amene enzonkhala mu Gezeri, teto a Kanani enkhala mkati mwa Efraimu mpaka lero, koam banthu aba benzo kakamizyiwa kugwira nchito.