¹ Lomba Yoswa enze okalamba Yehova peciti kwa eve, "niwe okalamba, koma pakali mphela malo akulu ofunika kutola. ² Ab ni malo akalusala mphela; malo onse ba Afilisiti, na bala onse ba a Gesuri, ³ kufumila ku Sihoro ili kum'mawa kwa Igipito, na cakumpoto kwa mailire ba Ekroni, bamene ooneka monga ni katundu wa a Kanani; olamulira faifi ba a Filisiti, bala baku Gaza, Asidodi, Asikeloni, Gati, na Ekroni- malo ba Aviti. ⁴ Kumwela (kumalo ba Aviti); malo onse ba a Kanani, kufuma ku Ara yamene ni ya Sidoniya, mpaka ku Afeki ili kumalire ba Amori; ⁵ malo ba a Gibali, Lebanoni yonse cakum'amawa, kufuma ku Bala Gadi kunyansi kwa lupili la Herimoniu mpaka ku Hamati. ⁶ Soti, onse onkhala ku calo cakumalupili ba myala kufuma ku Lebanoni mpaka ku Misrefoti Maimu, kuikapo na banthu ba Sidoni. Nikabafumye pamenso pa asilikali ba Israeli. Nkhala osimikizya kugabila malo kwa Israeli monga coloba, monga nekulamulira. ⁷ Ugabe malo aba monga coloba ku mitundu naini na hafu ku mtundu wa Manase." ⁸ Na hafu iyakine ya mtundu wa Manase, ba Rubeni na Gadi belandila coloba cao cecibapasa Mose ku mbali yaku m'mawakwa Yorodani, ⁹ kufuma ku Aroeri, amene ali ku silya kwa mkolo wa Arinoni goji (kuikapo mzinda uli pakati pa goji), mpaka ku mishamobo yonse ya Madeba mpaka ku Diboni; ¹⁰ Mituntundu yonse ya Sihoni, mfumu ya Amori, amene elamulira mHetiboni, mpaka ku malire ba Amoni; ¹¹ Giliyadi, na malo ba Agesuri na Amakati, lupili lonse la Harimoni, Basana yonse mpaka ku Seleka; ¹² ufumu wonse wa Ogi mBasana, wamene esogolera mu Asitaroti na mu Edrei- wamene esalapi pa esala pa Arefaimu- Mose ebakantha nobafumya. ¹³ Koma banthu ba Isralei aliye fumye Agesiru olo Amakati m'malo mwake, Gesuri na Makati onkhala pamozi na Israeli mpaka lero. ¹⁴ Kwa mtundu wa Levi weka Mose aliye upase coloba. Copeleka ca Yehova , Mulungu wa Israeli, copangiwa na muliro, niye coloba cao, monga mweuzyila Mulungu Mose. ¹⁵ Mose epasa coloba ku mtundu wa Rubeni, banja pa banja. ¹⁶ Malo bao benze kufuma ku Aroeri, kosilizyila ngako kwa mkolo wa Arinoni goji, na mzinda uli pakati pa cigwa, na mishambo yonse kumbali kwa Madeba. ¹⁷ Rubeni elandila soti Hesimoni na mizinda yonse yali mumishambo, Diboni, na Bamoti Bala, na Beti Bala Meoni, ¹⁸ na Yahazi na Kedemoti, na Mefati, ¹⁹ na Kiriyataimu, na Sibima, na Zereti, na Sahari kuma lupili yakucigwa. ²⁰ Rubeni elandila sotibeti Peori, mumsondo mwa Pisiga, Beti Yesimoti, ²¹ mizinda yonse ya mumishambo, na ufumu wonse wa Sihoni mfumu ya Amori, elamulamira ku Hesimoni, wamene Mose egonjesa pamozi na asogoleri ba Modiani, Evi, Rekeu, Zuri, Huri na Raba, olamulira Sihoni, enzonkhala mcalo. ²² Banthu ba Isralei bepaya soti na cibemba conola konse konse Balamu mwana wa Beori, wamene enzoombe, pakati pa bala onse bepaiwa. ²³ Malire ba mtundu wa Rubeni ni msinje wa Yorodani; aba niye malire bao. Ici cenze coloba ca mtundu wa Rubeni, cepasiwa ku mkoka waao uliwonse, na mizinda yao na minzi. ²⁴ Ici niye camene Mose epasa ku mtundu wa gadi mkoka mwa mkoka; ²⁵ Malire enze Yazeri, mizinda yonse ya giliyadi na hafu malo ba Amoni, mpaka Aroei, amene ali kum'mawa kwa Raba, ²⁶ kufuma ku Hesiboni mapaka ku Ramati Mizipa na Betonimu, kufumila ku Mahanaimu mpaka ku malire ba Dibiri. ²⁷ Mcigwa, Mose epasa Beti Haramu, Beti Nimramu, Sakoti, na Zafoni, na ufumu wosalila wa Sihoni mfumu ya Hesiboni, na malire ba Yorodani mpaka kosilizyila kwa malo onkhazikika ba nyanja ya Kinereti, cakum'mawa kupitilila Yorodani. ²⁸ Ici niye coloba ca mtundu wa Gadi, mkoka mwa mkoka na mizinda yao na minzi. ²⁹ Mose epasa coloba ku hafu y mtundu wa Manase. Cegabiwa hafu ku mtundu wa banthu ba Manase, mkoka pa mkoka. ³⁰ Malire bao enze kufumila ku Mahanaimu, Basana yonse, ufumu wonse wa ogi waku Basana, na maboma onse ba Yairi; ³¹ hafu ya Giliyadi, na Asitaroti na Edrei (mizinda ya ufumu wa Ogi mBasana). Aba begabiw ku mkoka wa Makiri mwana mwanalume wa Manase- hafu ya banthu ba makiri, mkoka mwa mkoka. ³² Ici niye coloba camene Mse ebagabila mu mishambo ya Moabu, kupitilira yorordani kum'mawa kwa Yeriko. ³³ Mose aliye pase coloba ku mtundu wa Levi. Yehova, Mulungu wa Israeli, niye coloba cao, monga mwecibauzyila.