¹ Aba ni madela ba malo bamene bnthu ba Israeli belandila monga coloba cao mcalo ca Kanani, amene Eliazara wansembe, Yoswa mwana wa Nuni na asogoleri ba mitundu ya Israeli becigabiliwa. ² Coloba cao cesankhiwa mwa mayele ku mitundu 9 na umozi hafu, mnga Yhova elamulira mwa kwanja ya Mose. ³ Pakuti Mose epasa coloba ca mitundu ibili na umozi na hafu kupitilila Yorodani, koma kwa Alevi aliye bapase coloba. ⁴ Mtundu wa Yosefe wenze kwene kwene mitundu ibili, Manase na Efraimu. Alevi aliye bapaseko ndime ya coloba mcalo, koma tyala kwni kweni mizinda kunkhalamo, na malo olyeshelako vibeto vao na vinthu va pamubili pao. ⁵ Banthu ba Israeli becita mwamene Yehova Mulungu elamulira mose, teto begaba malo. ⁶ Ndipo mtundu wa Yuda wewela kwa Yoswa ku Giligala. Kalebe mwana wa Yefune mKenizi, eciti kwa eve, "muziba cecilabila Yehova kwa Mose munthu wa Mulungu kukhuza mweo na neo ku Kenesi barineya. ⁷ Nenze na zaka fote pamene Mose mtumiki wa Yhova enituma kufumila ku Kadesi Barineya kuyoyendela calo, nemuletela soti mau monga mwenzeli mutima mwangu. ⁸ Koma mnekwasu wanelluta naye epangisha mitima ya banthu kusungunuka na mantha. Koma nekonkha Yehova Mulungu wangu kwa mtima wonse. ⁹ Mose elapila pa siku ila, kuti, 'cendi pacalo pumuyenda na mendo yanu yankhale coloba canu na bana banu kwa muyaya, cifukwa wakonkha Yehova mulungu wangu na mtima wonse.' ¹⁰ Lomba, langani! Yehova wanisunga na moyo kwa zaka 45, monga mwecilabilila- kufuma pa nthawi yamene Yehova epabila mau aba kwa Mose, pamene Israeli enzoyenda mucipululu. Lomba, langani! lero nili na zaka fote faifi. ¹¹ Lero nikali na mphamvu monga mwinenzeli na mphamvu pasiku lamene Mose enituma. Mphamvu zangu nikali nazo monga muzenzeli pala, za nkhondo na za pakuya na za pakuza. ¹² Lomba cifukwa cake nipaseni lupili ili lamene lenilonjeza Yehova pa siku ila. Pakuti mwecimvwa pa siku ila kuti a Anaki enze kwamene na mizinda ikuleni yotetezewa. Cingabe kuti Yehova ankhale nane nakuti nibapilikishe, monga mwecilabilila Yehova." ¹³ Ndipo Yoswa emdalisa na kumpasa Hebroni monga coloba kwa Kalebe mwana wa Yefune. ¹⁴ Moteto Hebroni yenkhala coloba ca Kalebe mwan wa Yeune mKenize mpaka lero, cifukwa ekonkha mau ba Yehova, Mulungu wa Israeli. ¹⁵ Lomba zina lakale la Hebroni lenze Kiriyati Ariba. (Ariba enze munthu mkuleni pakati pa a Anaki) Teto calo cepumula ku nkhondo.