¹ Lomba aba niye mafumu ba mcalo, bamene analume ba Israeli begonjesa. Aisraeli etola malo bakum'mwela kwa mbali ya Yorodani kwamene kufumila zuba, kufuma ku mshambo wa msinje wa Arinoni mpakana ku lupili la Herimoni, ndipo mpaka Araba onse mpaka kum'mawa. ² Sihoni, mfumu ya Amori, yenzonkhala ku Hesimoni. Elamulila kufuma ku Aroeri, yamene ili kumbali kwa msinje wa Arinoni kufuma pakati pa cigwa, ndipo hafu ya Giliyadi kusondokela ku msinje wa Yaboko m'malile ba Amoni. ³ Sihoni elamulila soti ku Araba mpaka ku nyanja ya Kineti, mpaka kum'mawa, mpaka ku nyanja ya Araba (nyanja ya munyu)caku m'mawa, mpaka kuyofwika ku Beti Yesimoi na kumpoto, camnyansi mwa lupili la Pisiga. ⁴ Ogi, mfumu ya Bashani, umozi mwa osala ba Arefai,enzonkhala mu Asitaroti na Edrei. ⁵ Elamulila lupili la Herimoni, Saleka, na Bashani yonse, mpaka kumalile ya banthu ba Gesuri na Makati, na hafu ya Giliyadi, mpaka kumalile ya Sihoni, mfumu ya Hesiboni. ⁶ Mose mtumiki wa Yehova, na banthu ba Israelienze bagonjesa, ndipo Mose mtumiki wa Yehova, epasa malo ku bana ba Ruben, bana ba Gadi, na hafu ya bana ba mtundu wa Manase monga coloba. ⁷ Aba niye mafumu ba calo bamene Yoswa na banthu ba Israeli begonjesa ku mbali yakumwela kwa Yorodani, kufuma ku Bala Gadi mu cigwa pafupi na Lebanoni mpaka ku lupili la Halaki pafupi na Edomu. Yoswa epasa malo ku mtundu wa Israeli kuti beve batole. ⁸ Ebapasa calo ca lupili, malo onkhazikika, Araba, mbali ya malupili, cipululu, na Negevu- malo ba a Hiti, a Kanani, a Perizi, a Hivi, na a Yebusi. ⁹ Mafumu ni kuika mfumu ya Yeriko, mfumu ya Ai, yamene ili mbali ya Beteli, ¹⁰ mfumu ya Yerusalemu, mfumu ya Enaimu, ¹¹ mfumu ya Yaramuti, mfumu ya Lakisi, ¹² mfumu ya Egloni, mfumu ya Gezeri, ¹³ mfumu ya Debiri, mfumu ya Gederi, ¹⁴ mfumu ya Horima, mfumu ya Aradi, ¹⁵ mfumu ya Libina, mfumu ya Adulamu, ¹⁶ mfumu ya Makeda, mfumu ya Beteli, ¹⁷ Mfumu ya Tapuwa, mfumu ya Hefa, ¹⁸ mfumu ya Afeki, mfumu ya Lasaroni, ¹⁹ mfumu ya Madoni, mfumu ya Hazori, ²⁰ mfumu ya Simroni Meroni, mfumu ya Akisafu, ²¹ Mfumu ya Tanaki, mfumu ya Megido, ²² mfumu ya Kedesi, mfumu ya Yokineamu ku Karimeli, ²³ mfumu ya Dori ku Nafoti Dori, mfumu ya Goimu ku Giligala, ²⁴ na mfumu ya Tiriza. Namba ya mafmu yenze sate wanu pamozi.