¹ Koma uzibe ici: Mumasiku osilijya kukabe nthawi zovuta. ² Banthu bake ozikonda beka, okonda ndalama, ozikujya,ozitukumula, onyozela, osamvwila makolo bao, osayamika, aliye ciyelo. ³ Akabevye cikondi cobadwa naco, osayanjanisika, ojeda, osazilesha, aphokoso, osakonda viweme. ⁴ Bakabe ogulisa ayao, okonda kukondwelesha thupi osati kukondwelesha Mulungu. ⁵ Bake na maonekedwe ngati niba umulungu, koma bakakane mphavu zake. patuka ku banthu aba. ⁶ Ndaba bayake mwa aba ni madoda oloba mumang'anda nokata manina ozelezeka. Aya ni manina ozula na macimo notolewa na vilakolako vosiyana-siyana. ⁷ Aba ni manina ophunzila nthawi zonse koma onkala lini na nzelu za coonadi. ⁸ Munjila imozi-mozi monga Yane na Yambre eshushana na Mose, aba ophunzisa awenye opanama soti nakushushana na coonadi. Ni madoda anzelu zoonongeka, pa nkhani ya cikhulupililo nicozibika kuti nibawenye. ⁹ Koma akapitilijye lini kuya patali. Kupusa kwao kukaonekele ku banthu onse, monga ngati kwa madoda bala. ¹⁰ Koma kwa weo, walondola ciphunziso cangu, khalidwe,cilingo,cikhulupililo, kuvutika, kupilila, cikondi, kudekha mtima, ¹¹ mazunzo, mavuto, na vecititka kwa neo mu Antiyokeya, mu Ikoneya, na mu Listiya. Nepilila mumazunzo. Mumavuto ayo yonse, Ambuye enifumyamo neo. ¹² Onse ofuna kunkhala munjila ya umulungu mwa Kristu Yesu akazunzike. ¹³ Banthu aipa na onyenga akipiletu kutaikisha ayao nakuzitaikisha beve beka. ¹⁴ Koma weo, unkhazikike mu vinthu vawaphunzila na vawa khululpilila. uziba kwawa viphunzila. ¹⁵ uziba kuti ukali mutontho weziba malemba opatulika. Aya yokwanilisha kukupa nzelu za cipulumuso kupitila mucikhulupililo mwa Kristu Yesu. ¹⁶ Liu lililonse niloujyilika na Mulungu. niyaphindu pakuphunzisa, pakushushana, kuongola, malangizo mu cilungamo. ¹⁷ Ici cili teti kuti lidoda la Mulungu libe lokwanila, libe navo vonse vofunika pa nchito yonse yabwino.