¹ Nukupa lamulo ili pameso pa Mulungu na Kristu Yesu, wati akaweluze amoyo nabakufwa, nacifukwa cakuonekela kwake na ufumu wake: ² Lalika mau; nkhala okonzekela pa nthawi yake na pasali pa nthawi yake. shusha, zuzula, cenjejya, naciyembekezo na ciphunziso. ³ Ndaba nthawi ikuza yakuti banthu bakalimbikile lini ku ciphunziso ca mau abwino. Koma bakaziunjikile ophunzisa kulingana na vofuna vao, olabila vakufuna kumvwa mumatu mwao munyelejya. ⁴ Akaleke kumvwilila coonadi nakumvwilila vawenye. ⁵ Koma weo, nkhala na maganizo ozika mu vinthu vonse. Vutika molimba: Gwila nchito ya mlaliki; kwanilisha nchito yako. ⁶ Pakuti nilikale uthiliwa kunja. Nthawi yakuya kwangu yafika. ⁷ Nacita mpikisano wabwino; nasilijya mpikisano; nasunga cikhulupililo. ⁸ Cisote ca cilungama casungiwila neo, kuti Ambuye, oweluza oyela, akanipe pa siku ila, osati neo neka, koma naonse okonda kuonekela kwake. ⁹ Cita cabwino pakuwela kwa neo kamsanga. ¹⁰ Ndaba Dema wanisiya. Okonda calo calomba ici ndipo waluta ku Tesalonika. KresIKEeluta ku Galatiya, ndipo Tito eluta ku Dalimatiya. ¹¹ Ni Luka tyala ali na neo. Tola Maliko uwelenaye ndaba niofunikila kwa neo pa nchito. ¹² Tukiko nemutuma ku Efeso. ¹³ Coyambata cenesiya ku Trowa kwa Kapo, ulete pakuza, na mabuku makamaka na vikopa velembewapo. ¹⁴ Alesandro mukhoma nyundo enicitila viyipa vinyinji. Ambuye akamuwejyele monga mwa nchito zake. ¹⁵ Weo nawe unkhale meso na yeve, ndaba eshusha ngako mau basu. ¹⁶ Pa nkhani yangu yoyamba, paliye epanama nane. Mumalo mwake, aliyense eniutuka kunisiya neka. Pasaikiwe mulandu pa beve. ¹⁷ Koma Ambuye epanama nane nonilimbikisha kuti, kupitila mwa neo, uthenga ungalalikiwe mofikapo, nakuti onse Amitundu akamvwe mau. Ndipo nelondeshewa mu kamwa ka nkhalamu. ¹⁸ Ambuye anilondeshe ku viyipa vili vonse vingacitike naku nipulumusha kamba ka ufumu wake wa kululu. Kwa yeve kube ulemelelo wosasila nthawi zonse. Ame. ¹⁹ Umupe moni Priska, Akula na banja ya Onesifolo. ²⁰ Erasto enkhala Mkorinto, koma Trofimo nemusiya ni olwala ku Mileto. ²¹ Uwele msanga ikaliye fika nthawi yamvula. Eubulo okupa moni, na Pude, Lino, Klaudiya, na anekwanu onse. ²² Lekani Ambuye ankhale na mzimu wako. Lekani cisomo cibe pa weo.