¹ Mu ruvedhe ro, Herode gho muraghuri gha yuvere mangando gho kwa Jesusi. ² Gha ghambire kwa wa pikendi eshi, ''Gho yune Johannisi gho mukadiyoyero, ghana pinduka mwa wafu. Podiwo mancgcamu gha ghana kurughana.'' ³ Ghopa Herode gha kwatire Johannesi no ku mughanga no gha mupakire modorongo yo yishi Herodighasi, gho mukamadi wa menendi Philiposi. ⁴ Yoyishi Johannesi gha muningire kadi kwa roghera pa muragho ku mo shimba gha kare mbuyama wendi.'' ⁵ Herode ngo gha mupayire, ene gha yapire hanu, yoyishi ha momonine yira muporofita. ⁶ Apa mashamurukero gha Herode gha kuminepo, mwana Herode gho mukamadi gha kinine pakatji kawo gha ghafithire Herode. ⁷ Ha muhuthire no makwedhero gho kuninga eshi, kehethino mbo gho kumbera nganyi na kuthimupe. ⁸ Munyima dho ku mu honga nyina, mwana Herode gho gha kumberire mutwi wa Johannesi gho mukadiyoghero pa karonga. ⁹ Fumu gha patire thikuma muyikumbera yendi, ene pamurandu gho makwedhero ghendi no yo yishi hanu wahe ha karire pa yidha yo runguro nendi, gha raghure eshi ha tende kemo. ¹⁰ No gha wa tumine no kutwara Johannesi mu kashitiko no ka teta mutwi wendi. ¹¹ Mutwi wendi ha gho pakere pakaronga no gho gha ghu tapire kwa nyina. ¹² Munyima ha ka thishongero wendi heyire, no ha ka shimbire mwimba wendi, no gha ka vumbekire. Munyima dhoyi, ha yendire no ha ka tongwere Jesusi ¹³ Popo Jesusi pa gha yuvire yi, ko ku shwaya kwendi mu mwawo no ka dhina wato ko ka yenda ku dyango dyo diwombi. Mbunga gho pa dha yuvire gho dha muthigharire munyima pa mapadhi dha kutunda mu doropa. Ndani Jesusi gheyire pawudho wagho gha monine mbunga. ¹⁴ Ko ku wa yuvera thinyeke no gha porithire tjitju dhawo. ¹⁵ Mu runguro hakathishongero ha ningire eshi, ''pano pa dimboreya, no ruvedhe ru na pite. Shuture mbunga, dhika yende mu maghumbo no ha kakughurere yo kudya.'' ^{16 18} Mara Jesusi gha waningire eshi, mbadi gha roghera kuyenda . Mu hape yo kudya. ¹⁷ Awo ha huthire eshi, gha twene tudi no maghuroto kwoko no thi dhi wadi.'' Jesusi gha ningire eshi, '' mu rete ku kwange.'' ¹⁹ Ndani Jesusi gha ningire mbunga eshi dha hungumane pa muve. No gha shembire maghoroto kwoko no yethi ye wadi gho gha kuperire ku diwiru, gha kandathekire no kuyondora maghuroto no gha ghupire gha kathishongero, ene gha kathishongero gha pire mbunga. ²⁰ Gha dyire no harikanine. Ndani ghashimbire yo yathigharire- ya yarire tokongo dikome no ye wadi. ²¹ Gho wa ha dire ha karire mayovi kwoko, ku shwaethamo hakamadi no hanuke. ²² Popo vene ko kuninga hakathishongero wendi gha ngene mu wato no ha yendire ku thambo diya, gha ye ku pa kurawera mbunga eshi dhiyende. ²³ Apa gha manine kutjitha mbunga, gha dhenine dirundu gha katongamine. Ghopa runguro rwa kengenine, ghaye ku pithendi. ²⁴ Ene wato wa karire ka yenda no diya, kughutjimbaghura mangumbi yoyishi kwa karire mopepo. ²⁵ Mu ruvedhe yo ghuthiku Jesusi gha hukokire ku kwagho ghana kuyenda pa meyu. ²⁶ Apa hakathishongore wendi ha mononine ghana ku yenda pa meyu, ha tokotire no haningire eshi, ''thirumba , ha dirire no ghoma. ²⁷ Ene Jesusi gha ghambire nagho popo ha ningire eshi, ''Mutanare! Yame! Mwa yapa.'' ²⁸ Petrusi ko ku muhutha kwendi eshi, ''Fumu, nitawedhe niye kukoye pa wiru dho meyu.'' ²⁹ Jesusi koku muninga eshi, ''Wiye''. Petrusi ghoku shwaya kwendi mu wato ko ku yenda pa meyu kwa Jesusi. ³⁰ Mara Petrusi ghopa gha monine dipepo dyo ngcamu, gha yapire. Ndani gha tangire kudhama, gha dirire no ku ninga shi, Fumu ni ghamwene!'' ³¹ Jesusi pa wanguwangu gha ghomonine dyoko dyendi, gha kwatire Petrusi, no kumuninga kwendi eshi, ghowe gho matawero gho mambiru ye ghu na ku tamangera? '' ³² Ndani apa Jesusi na Petrusi ha yendire no ha dhinine mu wato, dingundura dya dhemanine. ³³ Ndani haka thishongero wendi ghowa hakarire mu wato ha tongamanine Jesusi no ku ninga eshi, '' shemwa gho mwana Nyambi.'' ³⁴ Ghopa ha reghere ku thambo, haka kumine ku mutara gho Genesarete. ³⁵ Apa ghaka mukunda gho gha dimukire Jesusi, gha tapire yituma keho ghuno mukunda, no gha retire kehe yuno gho kukorwa. ³⁶ Ha mukumbere eshi ha kundame vene kughuhura gho thivata dhendi, ndani wingi gho wu wa mukwatire wa porire.