¹ Jesu wa shamukelile musisepe, no kuyavuka, kalo no kukeya mulitunga lienji. ² Nga 0mumone, ao aletile kukwenji mukwelume okukutela kunalala paulili. Mo kumona kulitawa koo, Jesu wambile ku mukwelume okukutela, "Mwanange, otanele. Ivi yoye jnakwateliwa." ³ Nga mumone, wa mweya wa n'oli ambile mukaci ko, "oyu mukwelume kalo wa kapopo." ⁴ Jesu walimukile iyane kelayo kalo no kuamba, Inu mwine muayulela womango mu micima thzenu? ⁵ Ne shipi shoshoto, kuamba, 'Ivi yoye inakwateliwa, inji no kuamba," oimane kalo oende? ⁶ Unone ci amwe mulimukeci mwana munu oli no ukolo pano pa kaye ku kwatela ivi, "ayepo amba koyu mukakukutela, " Ngo katuke, oshimbe olili woye, kalo uthze kunjiyo thzoye," ⁷ Nehoni mukwelume wa katukile kalo wathzile kunjiyo thzenji. ⁸ Ne ungi wo anu ou wamanine eshi, ao ayapile no kuthzine Nyambi, oyu wapile ukolo oengeyo ku anu. ⁹ Ne Jesu ou apitile kutunda kuya, wamonine mukwelume olithzina lio Mateu kuna kala kutendethza ka kutelisha. wambile ku kwenji, oni shupwele." wakatukile kalo no kushupwela. ¹⁰ Nehoni Jesu kunakala munjiyo kalia, nga mumone, ungi watelishi naka ivi akeile kuna lia na Jesu na afundishiwi enji. ¹¹ Ou Afalisi amonine eyo, ao ambile kwa afundishiwi enji, "Kepici mufundishi wenu alia na kamutelo na ka ivi? ¹² Ou Jesu oyuvile eyi, qambile, "Anu awa atanala muilama lio po afota nganga, imiawo akola. ¹³ Yamwe mwa loela kuthza no kukalifundishi eshi shitoloka: Ame naima shiemo kalo kkali shitabelo. Mukonda ame neile kali kuneshe awanakene ci ahumbe, unone aka ivi." ¹⁴ Ne afundishiwi a Johani akeile kukwenji no kuna amba, "Enu mwine atwe na Afalisi ho shongi twa liyumena yokulya, unone afundishiwi woye kali yumena yokulya?" ¹⁵ Jesu wambile kuko, "Anu ali kushinawenga atwesha kulila mukakuyeka kulino? unone mayuwa henge akeya mukakuyeka enge mbela akushimbiwa kuko, kalo neawo henge aliyumena yokulia. ¹⁶ Kwithsa munu okupaka shipashi sho shito shoshipe pashivata shokale, mukonda shikamba henge shiyatuka pashivata, no kuyatuka oumango. ¹⁷ Shanga anu apaka waine omupe mumabotela oshikanda shokale, ngeci aninge hengeyo, shikanda enge shiyatuka, kalo no waine enge a mwaela, no kalo no mabotela enge afa. unone enge apaka waine omupe mumabotela oshikanda oape ne kalo yoie enge itulekiwa nawa." ¹⁸ Ne Jesu ou ambile eyi inu kuko, ngamumoni, kwakeile muhendishi no kuna kinyama kukwenji. po amba, "Mwanange ombuyama mbeci afe, unone okeye omupake lioko lioye peulu thzenji, ci ayoye. ¹⁹ Nehoni Jesu opo imana kalo no kumushupwela, no afundishiwi enji. ²⁰ Ngamumone, oyu mbuyama wakolike wethzi ou nyinga pa myaka likumi no thzili wakeile munyima thza Jesu no kuno kwata kumu ngundo thzo shito shenji. ²¹ Kuamba mumucima, ngeci nikwate pouma ku shito shenji, enge nipola. ²² Unone Jesu ou lishetukile opo mumona, no kuamba, ''Mwanange, utanalishe, kuli tawa koye kuna kuyoisha." kalo no oyu mbuyuma opo polishiwa mushikati esho. ²³ Ne Jesu owo aingenine munjiyo thzo muendishi, imi amonine awa ashikile pala no ungi wombunga aw akwamine muyoyo. ²⁴ Ayepo amba, "Mutende apa, mukonda mumbanda kofile, unone ona lala pohuma.''Unone amuhekile no kumu shomolola. ²⁵ Nehoni mbunga thzothzie ou wa thzi punishile pola, naye opo ingena munjiyo no kukamushimba kuna mukwata palioko, kalo mumbanda wapindukile. ²⁶ Nehoni eyi yaamba yathzile n'uwa mulitunga lyolie ²⁷ Jesu ou apitile kutunda kuya, akwelume eli okufa meo amushupwelile. Kuma nakwatelelile kukuwelela no kuamba, "Okale no n'eke kukwetu, mwana Davida!" ²⁸ Nehoni Jesu ou keile munjiyo, akwelume okufa meo akeile kukwenji. Jesu aye po amba kuko, "Mwatawa ci natwesha kukwama eyi ?" ambinle kukwenji, "E, Fumu." ²⁹ Nehoni Jesu wawakwatile pameo wo no kuamba, "Kukwamahale kukwenu kuthza kukulitawa kwenu," ³⁰ ne meo wo amonine. Nehoni Jesu watanalishile kuwatongwela no kuamba, "Mumone ci kupile shanga yofoci okulimuka peyi," ³¹ Unone akwelume eli wathzie no kukatwala n'uwa poyi ya amba mulitunga lyoliye ³² Unone awa akwelume eli owo athzile, ngamumone, Jesu amuletelile mukwelume oshiyanganoyu wakalile no madimona. ³³ Apo awo mademona atundile, oyu shianga po amba. Mbunga opo thzi komoka no kuamba, 'Eyi eshime kumonahala po muno muisilaele!" ³⁴ Unone Mafalisi ambile, "Muendishi omadimona,atundisha madimona." ³⁵ Jesu wathzile matunga no maumbo. apo akethza kufundisha muma Sinagoge wo, kuamba evangeli o Fumu no kupolisha mawithzi okulishiyashiya no mikolelo thzo kulishiyashiya. ³⁶ Ou amonine mbunga, aye wayubelile kukola, mukonda ime akalile muukalu no kukana kutanalisha. Ali pitula ci mangu okupile mulishi. ³⁷ Aye wambile kwa afundishiwi enji, "Liyanga linakulu, unone akakuyanga aonye. ³⁸ Nehone popanu mwene mulombele kwa Fumu wo liyanga, ci aye atweshe kutuma akakuyanga muliyanga lienji."