¹ Jesu waishelile afundishi enji o likumi no eli pofoci no kuwapa maci peulu thzo mupepo wo mathzilo, kupunisha pola, no kupolisha mishovo thzothzihe thzo methzi no mifuta thzothzihe thzo ikola. ² Ne mathzina awo apositola. Wo matatekelo, Simoni(hoyu waishangile ci Pitolosi), no minenji Andreasi; Jakovo mwana Zebedea, no minenji Johani; ³ Felipi, no Bartolome; Tomasi, no mateu mutelisi ; Jakovo mwana Alfea, no Tadea; ⁴ Simoni mukalikan'i, no Juda Isikaliota, oyu wa paishile Jesu. ⁵ Jesu epo atuma awo alikumi no eli. wawa tumine no kuambela, "Mwathza kushivaka shinga shingana shiyoya malicaba, kalo mwakengena muliumbo shinga lingana lio Mathsamaria. ⁶ Ne muthze lika ku ngu oyu na yongo wo munjiyo thzo Isilaele; ⁷ Ne ou muthza, mukutathze no kuamba, Ofumu wokuwilu uli popepi.' ⁸ Mupolishe aa akola, mupindule aa anafu, mukenishe akwe ngondwe, no kupunisha madimona. Eli munatambula lika, mupe lika. ⁹ Mwa shimba gauda thzipi no thzipi, silivera, shinga nga kopa muipau pau yenu yo mali. ¹⁰ Mwa shimba shinga mukotana wo mumwendo, shinga mapai amweya, shanga evata yo ku maulu shinga nga shiendelo, ndava mukakukwama aloela ilya yenji. ¹¹ Thzothzihe mbongi inji liumbo muingena, mwipule oyu loela mo, mukale ku kwenji kukumena ou mwa kuthza. ¹² Hou mwingena munjiyo, muwa kandelele. ¹³ Monapo njiyo thza miloela, muthzishile thzikale no kuliyala. Unone ngecipo kathzi miloela, kuliyala kwenu kumihukele. ¹⁴ Awa akana kumitambula shinga kuteelela ku maywi enu, hou mutunda omo mumanjiyo nji mumambongi, mulikukumune likungu kumaulu enu. ¹⁵ Yashemwa namiambela, kenge kukala shiwa kuli litunga lia Sodoma no Gomora muliwa lio katulo kupita ethzo mbong ¹⁶ ''Mukenge, Namituma eci ngu mukaci ko mambungu , ne mukale no unyanyami weci liyoka no kupila omango weci likuci. ¹⁷ Munangule anu! kenge akumitwala mu makuta, kalo kenge aku mifulela mu masinagoge wo. ¹⁸ Ne kalo kenge mwa kutwaliwa kwa a vuthsithsi no afumu mukonda wo yame, ci ukale opaki kuko non ku mbunga. ¹⁹ Hou ami kwatishisha ko, mwa linyenga ici ngepi shinga ei mwa kuamba, yo kuamba po kenge mwa kuipiwa mushikati esho. ²⁰ Ne kali yamwe mwa kuamba, unone mupepo wa tata wenu woliyo wa kuamba kukwenu. ²¹ Mwapa munu kenge akupaa mwapenji, mwana na tata wenji. Ana kenge aku pilukela ashemi wo no kuapaishisha. ²² Kenge mwa kuthzimbiwakwanu wahe mukonda wo lithzina liange. Unone yomuhe wa kuotelela kutwa kuhula ,hoyo munu kenge akuyoyishiwa. ²³ Hou aku minyandisha mumbongi ethzo, mucilele kwethzi thzihata ko,yashwemwa na miambela,kamwa kutunulakupita mambongi a Isilaele Mwana munu koshime kukeya. ²⁴ ''Mufundishiwi kali mukulu ku mufundishi, shanga mupika kaali peulu kwa fumu wenji. ²⁵ Kwa loela ci mufundishiwi akale eci mufundishi wenji no mupika akale eci fumu wenji. Ngecipo anesha fumu wo njiyo thza Beelzebule, kenge akwipishiwa ngepi mathzina aka njiyo thzenji! ²⁶ Ne honi mwawa yapa, kuninga shahi shina thsikiwa shakukana kumonahala, kalo shahi shina holekiwa shaku kana kulimukiwa. ²⁷ Eshi nimitongwela mumilema , mushiambe oku kushikenga kalo eyi amiyaayela ko muikuwelele kumuli peulu thzo manjiyo. ²⁸ Mwa yapa a apaa ilama unone katwesha kupaa moyo. Ne honi, mumuyape hoyu twesha kwiipisha yoihe moyo no ilama mu lihele. ²⁹ Kuninga ci tundumbu twiili twaula ka koini koshonye? kwithsa shanga kofoci kawela pashi tata wenuapile kulimuka. ³⁰ Unone shanga huki thzo ku mitwi thzenu ona thzitala thzothzihe. ³¹ Mwayapa. Amwepo mwa wawa nene kupita ndumbu. ³² Ne honi yomuhe waku niamba kwa anu, Name kenge naku muamba kwa tata wange oli kuwilu. ³³ Unone hoyu wakunihamula kwaanu, name kenge naku muhamula kwa tata wange oli kuwilu ³⁴ ''mwahanekela ci ni neyela kunaleta kuliyala mukaye . kaniiyelile kunaleta kuliyala, unone muele. ³⁵ Ne nineyela kuna tepa munu kwa tata wenji, no mwana kwa njina, no mbuyama kwa ngumwenyenji. ³⁶ Itothzi ya munu kenge akala aka njiyo thzenji. ³⁷ Hoyu hima manene tata wenji shinga njina kupita yame kani loela; hoyu hima nene mwanenji wo mukwelume shinga wo mbuyama kupita yame kani loela. ³⁸ Hoyu kana kushimba mbinda thzenjine anishupwela kani loela. ³⁹ Hoyu nawana moye wenji kenge aupissheliwa. Unone hoyu ipesheliwa moyowenji mulivaka liange kenge akuuwana. ⁴⁰ ''Hoyu mitambula ona nitambula, ne kalo hoyu tambula ame ona tambula kalo oyu nanitumu. ⁴¹ Hoyu tambula mupolofita mulithzina lia mupolofita kenge akuwana muyambo kwa mupolofita, kalo hoyu tambula munu yomuwa mulithzina lia munu showawa kenge akuwana muyambo ku munu yomuwa. ⁴² Yomuhe wakupa yofoci kwa anuke owa thzuthzu shanga nganja thzo meyu oku ombola ci anwe mulithzina lia afunndishiwi, yashemwa namiambela, kaa kukala no likun'wa lio kuipisheliwa muyambo wenji.''