¹ Kwa kalile ci Jesu ou na manisha awa maywi oahe, epo amba kwa afundishiwi enji, ² "Mwa limuka ci munyima thzo mayuwa eeli paseka thza keya, kalo mwana munu henge apiwa ci a kokoteliwe." ³ Ne honi apulisita oa kulu no akulu o anu shime a hangula pofoci mu shikun'a sho mu pulisita sho kulu, wo lithzina lyo kayafa. ⁴ Awopo afota liano pofoci mo kukwatela Jesu mu unyanyami no ku mupaa. ⁵ Mukonda shime a amba, "Kwa kala mu shikati sho mukiti, ici kwa kala kulwa mukaci ko anu. ⁶ Ne honi Jesu koshili mu Betania mu njiyo thza Simoni nakolo mbumba, ⁷ koshili pa kulya ku methsa, mbuyama ayepo keya ku kwenji na kwatelela alabastera thzo sende thzo mu ulo wou kulu nene, epo thzi mwaela ku mutwi wenji. ⁸ Unone afundishiwi enji ou na mono, awopo a anjipa no kuamba, "Livaka mwine lyo kuipisheliwa kenge? ⁹ Eshi inga shina ulishiwa pa mali omangi no kuapa aa ana pili. ¹⁰ Unone jesu, mu kulimuka ei, ayepo amba kuko, "Hime mu umbishela oyu mbuyama? unone ona kwama yoiwa ku kwange. ¹¹ Mwa kalanga naa kaku pila popahe, unone kamwa kukala nange popahe. ¹² Mukonda ou ana mwaela sende pa ilama yange, ona kwamena ku vumbekiwa kwange. ¹³ Yashemwa na amba kukwenu, kokuhe akutathziwa awa maywi o awa mukaye kokahe, eshi ana kwama oyu mbuyama kenge shika ambiwa nasho po kuka mu vulukelanga." ¹⁴ Ne honi yumweya kwao olikumi no eeli, wo lithzina lyo Judas Isikariota, epo thza ku apulisita o akulu ¹⁵ no kuka kuamba, "Shine muni kulupelisha ci nika mu lete ku kwenu? Awopo amu pimena mali o Silivela o makumi ahatu. ¹⁶ Mushiya shikati ayepo fota liano nga amukwata no kumu twala kuko. ¹⁷ Ne honi mu liyuwa lyo matatekelo lyo mashima o kupila mamene afundishiwi epo akeya kwa Jesu no kuamba, "Kupi ofota ci tuka kuloishele ci okalyeleko ilya yo paseka?" ¹⁸ Ayepo amba, "Muthze mu liumbo ku munu mungana ne muka ambe ku kwenji, mufundishi a amba ci, "Shikati shange shili po pepi. Kenge nilyela paseka munjiyo thzoye no afundishiwi ange."" ¹⁹ Afundishiwi epo akwama omu nawa tumena Jesu, ne awopo a loisha ilya yo paseka. ²⁰ Lungulo apa nalu keye, kongoomana no kulya no afundishiwi o likumi no eeli. ²¹ Kuali no kulya ayepo amba, "Ya shemwa nami ambela ci yofoci ku kwenu kenge akuni paishisha." ²² Shime ayena nene, ne munu no munu ayepo tateka kumu ipula, "Heine kali yame nji, Fumu?" ²³ Ayepo tawa, "Oyu ni livandakana nenji mukwelela shi shima mulilonga yo liyo wa kuni veteka. ²⁴ Mwana munu kenge akuthza eci eli kuna n'oliwa yenji. Uno luvinda lwa munu oyu mwana munu ona vetikiwa ko aye! Shili muwa oya mununga kana elekiwa." ²⁵ Judas, oyu nga na muveteka ayepo amba, "Yame, Rabbi?" ²⁶ Apo kwalya, Jesu wa shimbile mbunyani, ayepo thzi fuyaula, kalo no kuthzicinuna. Ayepo thzipa kwa afundishiwi enji no kuamba, "Mushimbe, mulye. Eyi yilama yange." ²⁷ Ayepo shimba kanja kalo no kulombela, no ku wapa kalo no kuamba, "Munwe eshi, mwaheno. ²⁸ Mukonda aa manyinga ange o umbusha ao amwalela kowangi ko kukwatela ivi. ²⁹ Uno na amba kukwenu, kona kun'wa kalo yo ou ushuka o veine, hime elyo liyuwa apa na kunwa yo yipe nenu mu muvuso wa tata. ³⁰ Apa amanine kwimba, aopo athza ku mukinya o olive. ³¹ Ne Jesu ayepo amba ku kwoo, "Mwaheno kenge mulala oshikulu mukonda ko ame, mukonda ina n'oliwa, "Kenge na kulwisha muka kunyunga mangu kalo mangu omulaka kenge aku shandauka.' ³² Uno munyima thzo ku pinduka, kenge na kuthza posho kukwenu mu Galileya." ³³ Uno Pitolosi ayepo amba kukwenji, "Shianga wahe awe mukaci koe, kona ku kukana. "Wahe afundishiwi ambile shinu shofoci." ³⁴ Jesu ayepo amba kukwenji, "Shemwa na kuambela, uno oshiku n'ombwe ku kwia kenge oni hamula luhatu." ³⁵ Pitolosi ayepo amba kukwenji, "Shianga eci naloela kufa noe, kana ku kuhamula. "Wahe afundishiwi aopo amba shinu shofoci. ³⁶ Ne Jesu ayepo thza no mu shivaka shi shiwa Gesmani kalo ayepo amba kwa afundishiwi enji, "Mu kale apa pano nithza kuya ku kulombela." ³⁷ Ayepo shimba Pitolosi kalo no ana a Zevedes eli kuthza noo kalo ayepo tateka ku lishoshomwa no kupila okolo. ³⁸ Ne ayepo wambela, "Moyo wange uli mu kulisho shomwa nene, shianga ku kufa. Mushiale pano kalo mukenge na nge." ³⁹ Ayepo thza posho popepi, no kuwisha ko lupala, kalo no kulombela. Ayepo amba, tata, nga kwa tawa, oshiye ethzi nganja thzi pitelele kutunda ku kwange,uno kali eli nifuna, uno eci eli ohima." ⁴⁰ Ayepo keya kwa afundishiwi enji no kuna wa wana kwa ana lala, kalo ayepo amba kwa Pitolosi, "Ine, eyi mukunena ku kenga nange mushikati shofoci? ⁴¹ Mukengelele kalo no kulombela ci tele mukenge mumi eleko. Mupepo shemwa wafota, unone ilama kaili no okolo. ⁴² Onathzile kalo shikati sho mushili kuka lombela. Amba, "Tata ngeci kashipitelela hime ninwemo, kukale kengeyo." ⁴³ Wakeile kalo no kunawana ci lala, kalo meo wo alemu. ⁴⁴ Muwa shiye kalo awo, wathzile kukulombela shikati sho mushihatu, kuamba maywi ofoci. ⁴⁵ Ne kalo Nyambi wakeile kwa fundishiwi kalo wambile kuko, "Shmbi mwa lalela nji kalo mutulomwisemo? Mukenge, shikati shili mulyoko, mwana munu o angeliwa mumoko aka ivi. ⁴⁶ Mukatuke, tuthzenu. mukenge, oyu niangela ame pepi ali." ⁴⁷ Oku ali na kuamba, Juda, yofoci kwa likumi no eeli,akeya. Mu ungi akeile nenji kutundelela kwa mupulisita oshokulu no akulu o anu. Akeile no mupepo kalo no mbunga. ⁴⁸ Napo munu oyu keya kuna eleka Jesu onalimonahalisha. Amba, "Oyu ni tuveta yoli munu. Mu mukwate." ⁴⁹ Popo mwene aeyepo keya kwa Jesu no kuamba, "Kuvumenena, Rabbi!" kalo aye no kumu tuveta. ⁵⁰ Jesu po amba kukwenji, "Mbusha,oninge esho ona keyela kunakwama." Nehoni awo akeile, kuna paka moko kwa Jesu, no kumukwata. ⁵¹ Nehoni, yofoci kwao akalile na Jesu wa tundishile moko enji, no kutundisha mupene wenji, no kulwisha mupika omukulu wa pulisita, no kumu cinuna litwi. ⁵² Nekalo Jesu po amba kukwenji, "Ohushe mupeni omu ana kalanga, wahe ana kwata mupeni kenge apaishiwa komipeni. ⁵³ Muanekele ci kanitwesha kwisha tata, kalo aye henge anitumena mangeloi okuli shiya shiyaokupitelela pa likumi na eli? ⁵⁴ Unone ngepi ci man'olo ayalishiwe, ci eyi ya kumonahala? ⁵⁵ Mushikati esho Jesu wa ambile mungi, "Ci munakeya no mipeni no mungi kuna nikwata ci mwithzi? liyuwa no liyuwa nili no kufundisha mutempele, no kalo kamwa nihangile. ⁵⁶ Unone yoihe ina kwamahala ci kun'oliwa koma polofita ci kuyalishelelwe." Nehoni wahe afundishiwi wa mushiile no kuthza. ⁵⁷ Awa akwatile Jesu hime amutwalile kwa Caiaphas mukulu omapulisita, oko an;oli no akulu aliwanine wahe. ⁵⁸ Unone Pitolosi wa mushupwelile popale mbicani no lilapa lyo kuta lyo mupulisita o mukulu. Waingenine no kukala no kamalonda kumona eshi shikwamahala. ⁵⁹ Napo mapulisita naka kuta afotishishile opaki okwithsa wa Jesu ci amupae. ⁶⁰ Kawanine shanga yofoci, hanga engeyo ambo kukeya apakiwangi on'anda. Unone munyima wao apo kukeya eli ⁶¹ no kuamba, "Oyu munu aye po amba, natwesha kuipisha tembele thza Nyambi no kuthziumba pa mayuwa ahatu."' ⁶² Mukulu omu pulisita no kuimana no kuamba kukwenji, "Eyene lyai onani kumbulula? Kwei ana kumungelele awa?" ⁶³ Unone Jesu watutwalile lika. Mupulisita omukulu no kuamba kukwenji, "Na kutumina ku Nyambi okuyoya, otutongwele eci yowe kilesite, mwana Nyambi." ⁶⁴ Jesu wamu tawile, "Ona amba owe oshinda. Unone nakutongwela, kutunda panomwana munu enge akukala kulyoko lyo shilyo lyo maci, no akeya pa mavui akuwilu." ⁶⁵ Nehoni mupulisita omukulu poyataula ito no kuamba, "Ona amba kokapopo! Shine eshi mushifotela apaki? mukenge, no kalomunayuvu kapopo kenji. ⁶⁶ Eni muhanekela?" Amutawile no kuamba, alohela kufa." ⁶⁷ Nehoni aapo amuthsipahela mati kumeo no kumutula, no kupumaula no n'okwela thzo mooko, ⁶⁸ no kuamba, "Otu polofite, owe kilesite. Ci elye na kupumaula?" ⁶⁹ Apo Pitolosi kuna kongomana pola thzo kuta, no mupika ombuyama no kukeya kukwenji no kuamba, "Namwe mwakalile na Jesu ku Galileya." ⁷⁰ Unone aye wakanine pa posho thzo wae, wambile, "Ame akanilimuka ei mutongola." ⁷¹ Ou apunenile pola no kuthza, mupika yo mweya ombuyama po mumona no kuamba kwawo, "Oyu munu naye wakalile na Jesu kunathzaleta." ⁷² Aye kalo wa mukanine mushi kulupelisho, kani mulimuka oyu munu. ⁷³ Munyima thzeyo ao aimanine aopo akeya no kuna amba kwa Pitolosi, "Ya shemwa wamweya kwao, mukonda muambelo woye wakumonalisha." ⁷⁴ Nehoni aye potateka kulihamba omango wenji no kulikun'wela, "Kani mulimuka oyu munu, "Popo n'ombwe no kutambeka. ⁷⁵ Pitolosi po anekela maywi ambile Jesu, "N'ombwe kushime kutambeka kenge wakuni kana shikati shokukwana luhatu." Nehoni aye ou wathzile pola no kulila nene.