¹ Jesu ayepo tunda mu tempele no kulithzela. Afundishiwi enji po akeya kukwenji kunamumonisha manjiyo o tempele. ² Unone ayepo watawa no kuambela ci, ''Kamumono oahe aa manjiyo? Yoshemwa namitongwela ci, kwithsa liwe shanga lyofoci eli lyakushiyala peulu o liwe limweya eli lyakukana kuwisheliwa pashi.'' ³ Ou akalile pa mukinya o itondo yo Olive, afundishiwi awopo akeya kukwenji kunthzimba no kunaamba ci, ''Otutongwele, shikati mwine yakukwamahala ei enu? Shimonsha mwine eshi shakumonisha kukeya koe no kupwa ko kaye?'' ⁴ Jesu po tawa no kuambela ci, ''Mumone ci munu lelo amiangela. ⁵ Mukonda owangi kenge akukeya mulithzina lyange. Kenge akuamba ci, 'Yame Kelesite,' ne kenge akuangela owangi. ⁶ Kenge mwakuyuva manthzita no kuvuma ko manthzita. Mumone ci kamuyapa, mukonda ei enu ili nokukwamahala; unone mahunulelo ashime kwiya. ⁷ Mukonda anu kenge akulwisha anu angenjo, no muvuso ulwishe muvuso ungenjao. Kenge kwakula njala thzoshokulu no kulingunga ko litunga mu ivaka yoingi. ⁸ Unone yoihe ei matatekelo lika o likando. ⁹ Nehoni kenge akumitwala kukaminyandisha no kumipaa. Kenge mwakuthzimbiwa ko anu wahe mu lithzina lyange. ¹⁰ Owangi henge akukun'uka, no kulipiteka no kulithzimba. ¹¹ Mapolofita owangi o n'anda kenge akukeya no kunaangela anu owangi. ¹² Mukonda omango kenge wakuvula, shihemo sho anu owangi kenge shakuombola. ¹³ Unone oyu wakukwatelela kutwala kuhula kenge akuyoishiwa. ¹⁴ Ethzi evangeli kenge thzakuambiwa mukaye kokahe ci ukale upaki ku anu owahe. Nehni mbeci kwakukeye mahulelo. ¹⁵ ''Honine apamumona omango ou ushandaula, ou ambile mupolofita Daniele, kounemana mushivaka shoshikenu'' (mukakutala anangule), ¹⁶ awa ali mu Judea acilele ku mikinya, ¹⁷ oyu li peulu thzonjiyo lelo ashuluka kuthza pashi kukashimba shinu munjiyo thzenji, ¹⁸ noyu li mushilwa ahuka kukashimba evata yenji. ¹⁹ Unone umai wao awo akukala na anuke nawa akuyamwisha omo mumayuwa ao! ²⁰ mulombele ci kucila kwenu kwakukwamahala kufu nji pa liyuwa lyo savata. ²¹ Mukonda kenge kwakukala likando lyoshokulu , eli lininga ci shimbi katanga kano kaye kuleta no lelo lino lishime kukalako, ne kalo kalyakukalako. ²² Napoci ao mayuwa kenge akuonyishiwa, inga kwithsa eshi shiyoya eshi yakuyoishiwa. Unone mukuningisha ci kwali awa anahanguliwa ao mayuwa kenge akuonyishiwa. ²³ Nehoni ngeci munu ayepo miambela ci, 'Mumone, Kelesite oyu kuno! nji, 'Kelesite oya kuya!' lelo mwatawa. ²⁴ Mukonda Akelesite o n'anda na mapolofita o n'anda kenge akukeya no kunakwama imonisha no ikomokisha , ci naangele owangi, ngeci kwatweshahala, nawa anhanguliwa nawo nahanguliwe. ²⁵ Mumone, ninamitongwela cimo. ²⁶ Honine ngeci amiambele ci, 'Mumone, oyu mulihalaupa,' lelo mwathza oko kulihalaupa. Nji, 'Mumone oyu munjiyo,' lelo mwatawa. ²⁷ Mukonda weci eli kunaninga kuethsa kutatekela kumavelo o liyuwa kwakamonahala no kumatokelo no liyuwa, lyokwakukala no kukeya ko mwana Munu. ²⁸ Kokuhe oku kuli shima sho kufa, koliyo thzinakaliwanenanga ngonga. ²⁹ Unone popomwene kutunda mulikando lyao mayuwa liyuwa kenge lyakuilaula, ngonda kathzakula no mwethzi, matungwethzi kenge akuwa kuwilu, no okolo okuwilu kenge wakulingunga. ³⁰ Nehoni shimonisha sho Mwana Munu kenge shakumonahala muwilu, ne anu wahe pano pa kaye kenge akulia. Kenge akumona Mwana Munu kukeya mumavui o muwilu ko okolo oukuklu no kutethzima kokulu. ³¹ Kenge akutuma mangeloi enji no kuvuma kokulu ko tolombita, ne kenge akupaka pofoci awa anahanguliwa enji kutunda ku mipepo thzine, kutunda kuhula limweya lyo liwilu kuthza kuhula limweya. ³² Mulifundishe kushitondo sho feiga. Ou mitai thzasho thzaninga wotowoto no kukumuka mamuna, mwalimuka ci ndombo oli popepi, ³³ Napa napo, ou mumona yoihe ei enu, mulimuke ci oli popepi, oli pashelo. ³⁴ Shoshemwa namiambela ci, eshi shikuta kashakupwa shime ei enu nyoihe koinakwamahala. ³⁵ Liwilu no kaye kenge yakupwa, unone my maywi ange kakupwa. ³⁶ Unone eci elyo liyuwa no hola kwithsa oyu lilimuka, shuwanga mangeloi o muwilu kalimuka, shuwanga Mwana Munu kalimuka, shime Tata yofoci. ³⁷ Eci eli kwakalile mumayuwa a Nuwe, lyokwakukala no kukeya kwa Mwana Munu. ³⁸ Mukonda eli kwakalile omo mumayuwa ao limina kulishime kukeya kuma nali no kunwa, kuma nayeke no kuyekisha kukakuma pa liyuwa Nuwe aingenine mu aleka, ³⁹ kalo kwithsa ei alimukile shime ou lyakeile limina nokunawapukisha wahe-lyokwakukal no kukeya kwa Mwana Munu. ⁴⁰ Mushikati esho akwelume eli awa ali mushilwa -yofoci kenge akushimbiwa yofoci kenge akushiiwa. ⁴¹ Ambuyama eli awa atwa mukakunju-yofoci kenge akushimbiwa, yofoci kenge akushiiwa. ⁴² Honine mumamele, mukonda kamulimuka liyuwa akeya Fumu wenu ⁴³ Unone mulimke ei, ci inga shinda sha njiyo alimuka shikati sho ushiku eshi akeya mwithzi, inga akalanga kunyunga njiyo thzenji ci thza yukuliwa. ⁴⁴ Honine muliloishele, mukonda Mwana Munu kenge akukeya pa shikati munakana kutatelela. ⁴⁵ Honi elye ngamba okukulupeliwa no unyanyami oyo anapaka n'athsile wenji kuendisha njiyo thzenji ci awapange ilya pa shikati shiloela. ⁴⁶ Oli no fiyauthzi oyo ngamba n'athsile wenji ou akeya anamuwana kukwama kengeyo. ⁴⁷ Yoshemwa namitongwela ci n'athsile wenji kenge amupaka kuendisha lufumo lwenji loluhe. ⁴⁸ Unone ngeci oyo mupika mumango ne aliambela mumucima wenji ci, 'N'athsile wange onakathzihama,' ⁴⁹ no kutateka kufula angenjenji angamba, no kulya no kunwa no inwa walwa, ⁵⁰ nehoni n'athsile oyo ngamba kenge akeya pa liyuwa eli anakana kumutatelela oyo ngamba no pa hola akana kulimuka oyo ngamba. ⁵¹ N'athsile wenji kenge amucinauna no kumushiya ci akakale nakalikamba, oko kwakukal;a kulila no kukweca maeo.