¹ Ne Afalisi amweya no an'oli po akeya kwa Jesu kutunda ku Jelusalema. Po amba, ² ''Ine afundishiwi oye ei aipishela mulao wo ithzo ya kulu? Mukonda awo kalihupangile ku moko kwalya. ³ Ayepo tawa no kuwa ambela, ''Ne amwe shine muipishela mulao wa Nyambi mukonda okuhima shithzo shenu? ⁴ Mukonda Nyambi wambile ci, 'Olemeke tata woye na njinoye,' kalo 'Oyu omba yoyimango kwa tayta wenji hianga kwa njina henge akufa shemwa.' ⁵ Unone mwa amba ci, 'Yomuhe amba kwa tata wenji hianga kwa njina, ''Ouhe okwathsi nga munatambula kukwange po muyambo wokupa Nyambi,'' ⁶ oyo munu kakufoto kulemeka tata wenji.' Mlikun'wa eli munepisha litwi lya Nyambi mukonda o ithzo yenu. ⁷ Amwe mwkalikamba! Isaya kuma apolofitile yenu shuwana apa ambile ci, ⁸ 'Awa anu anilemeka no tunwa, unne micima thzo thzili kokule nange. ⁹ Anilombela mukenge mukonda efundisha yo milao thza anu.''' ¹⁰ Ne ayepo ishela mbunga kukwenji nokuanbela ci, ''Mutelele kalo muyuvishishe- ¹¹ Kwithsa shokuingena mukanwa esho shithzilaula munu. Unone eshi shitunda mukanwa, sholiyo shinathzilaulanga munu.'' ¹² Ne afundishwi po akeya no kuna ambela Jsu, ''Onalimuka ci afalisi kanaliyuvu shuwana apa nayuvu ou muambelo?'' ¹³ Jesu po tawa no kuamba, ''Shoshihe shikuniwa anakana kukuna tata o kuwilu henge shakutukuliwa. ¹⁴ Muwashiye wafoci, woliyo akakuendisha aka kufa meho. Ngeci mukakufa meho po endisha mungenjenji mukakufa meho, wili wo henge awela muliteke.'' ¹⁵ Pitolosi watawile no kuambela Jesu, ''Otutongwele shuwa ethzi nguli.'' ¹⁶ Jesu po amba, ''Namwe kalo mushime kuyuvishisha? ¹⁷ Kamumono ci shoshihe shithza mukanwa sha kengena mulila ne kalo shakapuna kuthza mushimbuthzi? ¹⁸ Unone inu itunda mukanwa yatundelela ku mucima. Yoliyo inu ithzilaulisha munu. ¹⁹ Mukonda mumucima moliyo kutunda maayalo oamango, kupaa, ohuka, luthziho, withzi,upaki on'anda, no kuhopa. ²⁰ Ei yoliyo inu ithzilaulisha munu. Unone kulya no moko okukana kuhupa kali kakuthzilaulisha munu.'' ²¹ Ne Jesu po thza kwako kutundako kutamba ku mambongi a Tire na Sidoni. ²² Nehoni, mbuyama o mukanana po keya kutunda omo mulitunga. Ayepo kuwelela no kuamba, ''Oniyuvele n'eke, Fumu, mwana Davida! Mwanange o mumbanda onaingeniwa manene ko mipepo thzothzimango.'' ²³ Unone Jesu kanamutawa hianga liywi lyofoci. Afundishiwi enji po akeya kunamulomba, kuamba ci, ''Omuhushe, mukonda atukuwelela kutushupwela.'' ²⁴ Unone Jesu po tawa nokuamba ci, ''Kananitumiwa kwa munu yomuhe hime ku mangu anayongo o munjiyo thzo Isilae.'' ²⁵ Unone ayepo keya kunatongama ku manwi pa posho thzenji, nokuamba, ''Fumu, onikwathse.'' ²⁶ Ayepo tawa no kuamba, ''Kakuloile kushimba ishima ya anuke no kuikonjela tumbwaana.'' ²⁷ Ayepo amba, ''Ee, Fumu, unone hianga tumbwaana twalyanga ku mwamwa ou unawanga ku methsa thza n'athsile wato.'' ²⁸ Nehoni Jesu po tawa no kumuambela ci, ''Mbuyama, kulitawa kwoye kukulu; kukwamahale kukwoye eci eli ofota.'' Mwanenji o mumbanda po pola mushikat esho vene. ²⁹ Jesu po shiya esho shivaka no kuthza popepi no liwate lyo Galilea. Ayepo kakanduka pa mukinya no kukakalapo. ³⁰ Mbunga thza anu owangi po akeya kukwenji. Aletile elema, okukana kumona, iamba, na anu o kutenyangela, no wamweya owangi awa akolile. Awopo awapaka ku maulu a Jesu, ne ayepo wapolisha. ³¹ Honi mbunga akomokile apa amonine iamba koiamba, akakutenyangela kwaenda shuwana, elema kwa enda, na akakukana kumona kwa mona. Awopo ashangala Nyambi wo Isilaele. ³² Jesu po isha afundishiwi enji nokuamba ci, ''Nayuvela mbunga n'eke mukonda anekala nange mayuwa ahatu kalo kali nei yokulya. Kanifotile ci niwahushe kwanakana kulya atwesha kupwelelela mulikun'wa.'' ³³ Afundishiwi awopo amba kukwenji, ''Kupi tuwana ishima muno mulihalaupa yokukwana wahe awa anu ci aikute? ³⁴ Jesu po wambela, ''Muli nomikasha thzingahi?'' Awopo amba, ''Mutanu na thzili, no tuthsi toshonye.'' ³⁵ Honi Jesu nga pa atuminine mbunga kukala pashi. ³⁶ Ayepo shimba ethzo mikasha mutanu na thzili ou amanine kulombela, ayepo kuyaula ethzo mikasha no uthzipa kwa afundishiwi. Afundishiwi awopo athziela ku mbunga. ³⁷ Anu wahe awopo alya no kuita. Honi awopo atolatola umwamwa ou washiyalile kuyala tutanda mutanu na twili. ³⁸ Awa alile hime akumine pa ita makumi ane akwelume, ambuyama na anuke. ³⁹ Honi Jesu ayepo ambela mbunga ci athze ne ayepo ingena mushisepe nokuthza mulitunga lyo Magadani.