¹ Mu mayuwa ao lio sabata Jesu ayepo pita muilwa. Afundishi enji afile njala aopo a tateka kuyanga yo kulya no kuilya. ² Uno apa awa monine a Falisi, aopo amba kwa Jesu, "Omone, afundishi oe atenda sho kukana kutawethza kutenda lio savata." ³ Uno Jesu ayepo wa ambela eci, "Mushime kubata eyi nakwama Davida apa file njala, na kwelume awo anakala nenji? ⁴ Apa anaengena mu njiyo thza Nyambi, no kukalya ishima yo liyumbu eyi nga kaloilile kuilya nawa aendile nenji uno hime ma pulisita. ⁵ Mushime kubala mu mulao eci lio savata mapulisita mutempele a colanga mulao osavata uno kawa pangile mulandu? ⁶ Uno nami ambela eci yu mweya akupita tempele pali pano. ⁷ Nga mwalimuka eshi na shiambiwa, "Nafota shihemo kali shipaelo, nga ka muatula akwa kupila mulandu. ⁸ Kalo mwana munu yo liyo Fumu o savata" ⁹ Nehoni Jesu ayepo utundako no kuthza mu Sinagoge shoo. ¹⁰ Apo na kukala mukwelume oku kukutela lyoko. Afalisi aopo epula Jesu, ku amba eci, "Kwa tawethza kupolisha lio savata? Apo eci amuatule ku kwama omango. ¹¹ Jesu ayepo wa ambela eci, "Elye mukwelume oyu kalako mukaci kenu, elye, nga oli no lingu lio foci, nga eli lingu aliopo liwela mu liteke lio savata, nga kali kwata kuli tundishamo? ¹² Ne, munu apita lingu! Nehoni kwa tawethza ku kwama sho shiwa lio savata." ¹³ Kalo Jesu ayepo amba kwamunu, "Olole lyoko lyoe." ayepo oliolola, alyopo lipola, kuhukela eci eli limweya. ¹⁴ Uno Afalisi aopo atundamo no kumukanya. Aopo aliyongola kuwana eli amupaa. ¹⁵ Owo alimukile Jesu eyi, ayepo utundano. Anu owangi aopo amushupwela, kalo ayepo polisha wahe. ¹⁶ Ayepo wambela nene eci amutongola kwa enjoo, ¹⁷ eci kutendahale, eyi ambile Isaya mupolofita, kuamba eci, ¹⁸ "Mone, mupika wange oyu wangula, oyu ina himi, oyu unaloela mupepo wange. kenge nipaka mupepo wange ku kwenji,kalo henge akuamba yo kuliyala kwa anu. ¹⁹ Ka kuamba amba shianga kulila kukuwa, kalo shianga munu kuyuba liywi lyenji mu limbanjoela. ²⁰ Ka kucolelela limbungu eli lina petama; ka kuthzima liyeye eli lili no mushi, hime apa aku kwama yo yiwawa, ²¹ kalo mulithzina lenji matunga kenge aku kulupela." ²² Ne munu okufa meho oli no mupepo oumango , kalo oli no Dimona, ayepo amuleta kwa Jesu. Ayepo mupolisha, ne kuhula shiamba ayepo amba kalo no kumona. ²³ Mungi wahe akomokile no kuamba, "Oyu munu mwana Davida?" ²⁴ Uno apa Afalisi ayuvile eyi yimona, aopo amba, "Oyu munu apatwesha kutundisha madimona hime ko kolo wo Beezebulu, mukulu omadimona." ²⁵ Uno Jesu ayepo limuka mayalo oo no kuamba kukwo, "Mulonga okulihanda kenge upiluka mangundu, kalo lyolihe liumbo shianga njiyo thzo kulihanda thzo foci kathza kwimana. ²⁶ Satana apa cithza Satana, ona lihanda aye shinda. Ngepi kalo liumbo lyenji lya kwiman? ²⁷ Nga ame po na cithza madimona ko Beezebulu, honi awa anenu a cithza nalye? ko eli livaka kenge akupiluka a atuli enu. ²⁸ Uno nga na cithza madimona ko mupepo wa Nyambi, apo muvuso wa Nyambi uneya ku kwenu. ²⁹ Ngepi eli munu yomuhe nga atwesha kwingena munjiyo thzo munu shokolo kushime kumuanga tango? Apo munyima thzo kumuanga kenge ethza lufumo lwenji. ³⁰ Yomuhe oyu kana kukala nange ani alukela, kalo oyu kana kungumeka nange a shandaula. ³¹ Nehoni namiambela, omango ouhe no kapopo kenge yaku kwateliwa anu, uno kupopa pa mupepo oukenu koya kutawa ku kwateliwa anu. ³² Yomuhe amba liambo lio kualukela mwana munu, oyo kenge aku kwateliwa uno oyu waku amba kualukela mupepo oukenu, oyo ka kukwateliwa, shianga muno mulitunga, nji shianga mulitunga eli likeya. ³³ Shitondo shoshiwa no ushuka washo uwa, kalo shitondo sho shimango no ushuka washo umango, ne shitondo shalimukiwa ku ushuka washo. ³⁴ Amwe ana ipili, mukonda muli no mango, ngepi nga mutwesha kuamba yoyiwa? Ne shokutunda ku micima sholio shiambiwa mukanwa. ³⁵ Munu omuwa kutunda mushitulekelo shoshiwa mucima wenji a tundisha sho shiwa, kalo munu omumango kutunda mushitulekelo sho shimango sho mucima wenji atundisha sho shimango. ³⁶ Namiambela eci muliyuwa lio kuatuliwa, anu kenge akuwa thsombisha munu no munu kuthza ko liambo eli anamba. ³⁷ Apo ko maambo enu kenge mwa ku loishiwa, kalo ko mambo enu kenge mwa kuatuliwa. ³⁸ Kalo aka kuthsoneka na Afalisiaopo atawa Jesu no kuamba, "Mufundishi, twafota kumona emona kutunda kukoe." ³⁹ Uno Jesu watawile no kuambela shikuta sho matalu no lithsiho shafota kumona emona. uno kwithsa shimona eshi akupiwa kukwo hime shimona sha Jonasi mupolofita. ⁴⁰ Apo Jonasi wakalile mayuwa ahatu no mashiku ahatu mulila lio ethsi sho kulu, kalo no mwana munu kenge akukala mayuwa ahatu no mashiku ahatu mu mucima o litunga. ⁴¹ Anu oku Nenive kenge akwimana ku atuliwa no eshi shikuta sho awa anu kalo kenge sha ku atuliwa. Mukonda ana humbu ku liywi lya Jonasi, kalo mumone, yumweya shokulu kupita Jonasi mwali muno. ⁴² Fumu ombuyama oku mboela kenge a kwimana ku kuatuliwa na anu oshikuta eshi awa atule. Atunda ku hula o litunga kukeya kunoa yuva o nyanyami wa Solomoni, kalo mumone, yu mweya shokulu kupita solomoni mwa alimuno. ⁴³ Apa mupepo oumango unathzi kwako kutunda kwa munu, wa pita mokupila meyu kufota kutulumwisha, uno kauwana. ⁴⁴ Nehoni aopo uamba, 'kenge na kuhuka ku njiyo thzange oko na nitundu.' Mukuhuka, wana wana eci njiyo thzina umbuluka kalo no kuthzi umba shiwa. ⁴⁵ Nehoni aupo uthza no ku kashimba mipepo mutanu nathzili thzo thzimango ku upita, kalo thzo thzihe thza keya kuna kala omo. Apo honi kuhula o mukalelo o oyamunu wa hepa nene kupita matatekelo. Kenge ya kupitula eci eshi shikuta sho shimango. ⁴⁶ Apo Jesu ku amba kengeyo ku mungi, popo, njina na minenji aopo emana pola, kufota kuamba nenji. ⁴⁷ Yu mweya ayepo muambela, "Omone, njinoe na aminoe anemana pola afota kuamba noe. ⁴⁸ Uno Jesu ayepo tawa kalo no kuamba koyu na mutongwela, " Elye mama kalo alye aminenji?" ⁴⁹ Nehoni ayepo olola lyoko lyenji kuneha afundishiwi enji ayepo amba, "Mone, awa olio amama no aminange. ⁵⁰ Apo yo muhe oyu kwama shihima sha tata oyu oli kuwilu, oyu munu yo minange, kalo yo ndumbu thzange na mama."