¹ Nehoni wahe mafumu wahe awa tungile thsambwa a lino thza Jodani ku litunga lyo mukinya, ne no mulyanda kutwalelela no ku makamba o likulwale lyoshokulu kukengisha Lebanoni---ma Hiti, ma Amori, ma Kanana, ma Perizi, ma Hivi, no m Jebusi--- ² Awa ayepo alibandakana muliywi lyofochi, lyo kuka lwisha Joshua no ma Isilaele. ³ Awa tungile mu Gibioni owu ayubile eyi a kwamine Joshua ku Jeriko no ku Ai, ⁴ ayepo ayala kwaangela no nyanyami. Ayepo athza echi okutumiwa. Ayepo ashimba masaka okale oku yatauka kuathsika embomgolo yoo. Kalo ayepo ashimba mikotana yhzo ikanda yokale waine, yo ku yatauka ne ina luka lukiwa. ⁵ Ayepo abata kumaulu ekatulo yokale ya kuwanathzeka, no kubata eto yokale yoku yatauka. Elya yoihe yo mufaho omo aishimbelile kuma ya kukutelile no kwo ⁶ Ne ayepo athza kwa Joshua mushilombo sho ku Giligali ne ayepo aka mwambela kenge na kwelume a Isilaele, ''Twa ha tundelela kulitunga lyo kule, honine mu kwame umbusha netu.'' ⁷ A kwelume a Isilaele ayepo atawa ma Hivi kenge, ''Kunahimi mwa muna tungu popepi netu, ngepi tukwama umbusha umbusha nenu'', ⁸ Ayepo atawa Joshua echi, ''Twa ngamba oe.'' Joshua ayepo wa tawa echi, ''Yamwe mwalye, mwaha tunda kupi.'' ⁹ Ayepo amutawa echi, ''Angama oe aneya kuno kutundelela kulitunga lyo kule shemwa, mukonda wo lithzina lya shinda sha moyo Nyambi woe. Tuna yuvu eyi inatongoliwa yenji ne nei yoihe ana kwama mu Egepita--- ¹⁰ ne noi yoihe ana kwama kwa fumu Eli oma Amori muthsambwa liya thza Jodani---no Sihoni fumu wo Heshiboni ne no Ogo fumu wo Bashani oyu wakalile ku Ashitaroti. ¹¹ Akulu etu ne nowa wahe anatungu mulitunga lyetu wana twaambela kenge, ''Mushimbe mufaho mumoko enu omuendo. Muthze mukawahangane ne mukawa ambele echi, ''Twa ngamba enu. Mukwame shitawashano netu.'' ¹² Eyi yoliyo eshima yetu, kuma twaishimbile kuishipya kuma tengwe etu muliyuwa elyo twa katukile ku keya ku kwenu. Ambene honi, ngamumone, ina kukutela no kwola. ¹³ Eyi ikanda yo waine kuma naikala yoipe owu twai yalishile, ne ngamumone, pano yaha biya. Eto yetu no makatulo etu ina kulupalela mu muendo woule.'' ¹⁴ Honine ma Isilaele ayepo ashimba kumufaho wo, uno kaipulile shinda sha moyo mukonda echi awa nehethze. ¹⁵ Joshua ayepo liyuvashana no ne ayepo a kwata umbusha no, echi a washiye ayoye. A eteleli o mbunga nawo ayepo awa kulupelisha mu kwethza kutaka. ¹⁶ Munyima thzo mayiwa a hatu kutunda apo ma Isilaele na kwamena ou umbusha no, ayepo alimuka echi kuma alihatile no ne kuma atungile popepi no. ¹⁷ Honine mbunga thza Isilaele athzopo thzi katuka ne ayepo akeya mumaumbo oo muliyuwa lyo mushihatu. Maumbo oo kuma akalile Gibioni, Kepira, Beeroti ne no Kiriati Jearimi. ¹⁸ Mbunga thza Isilaele kathza wa lwishile mukonda aeteleli oo kuma ethzile kutaka mukonda woo pa meho ashinda sha moyo, Nyambi wa Isilaele. Ma Isilaele wahe kuma hopa hopile kupaa aeteleli oo. ¹⁹ Ambene wahe aeteleli ayepo aambela mbunga thzothzihe echi, ''Tuna mana ku wethzela kutaka mukonda wo pameho a shinda sha moyo, Nyambi wa Isilaele ne pano katutwesha kuwa kwama omango. ²⁰ Kuma tuwa kwama kenge; Kuyapisha echi twa keyela omango mukonda wo kulyethza oku na tulyethzela papoo, kenga tuwashiya echi ayoye.'' ²¹ Aeteleli ayepo amba ku mbunga echi, ''Muwa shiye a yoye unone akale okucha ekunyi no kubeta meyu oshilombo. Honine, ma Gibioni ayepo a kala okucha ekunyi no kubeta meyu o ma Isilaele wahe, echi eli aambile aeteleli mukonda wo. ²² Joshua ayepo wesha ne ayepo nawa ambela kenge, ''Yin`e mwa twangelelile uya mwaambile echi, 'Twa tunda kwokule' kantipo mwa tunga netu. <sup>23</sup> Pano honi mukonda wethzi n`anda, munafu milao ne wamweya kukwenu kuma akukala apika shikati shoshihe, awo acha ekunyi no kubeta meyu o njiyo thza nyambi wange.'' ²⁴ Ayepo atawa Joshua echi, ''Mukonda angamba oe kuma nayuvu echi shinda sha moyo Nyambi woe kuma alaelelile ngamba wenji Mushe echi akupe litunga lyolihe, ne no kuthzilisha wahe awa ana tungu mulitunga pa meho oe---honine kuma natuyapa mukonda wo mioyo thzetu mukonda woe. Yoliyo nailetisha tu pelemeke yoihe eyi. ²⁵ Honine, ngomone, tuli mumoko oe. Yoihe eyi imonahala echi iwa ne ya loela mukonda woe kuikwama kukwetu, oikwame.'' ²⁶ Nehonine Joshua ayepo kwama eyi eyi mukonda wo; Ayepo waamwena mumoko ombunga thza Isilaele, honine echi ma Isilaele, lelo awa paa. ²⁷ Elyo liuwa Joshua ayepo kwama ma Gibioni achi oyi kunyi na beti omeyu o shilombo, ne no aletare thza shinda sha moyo, kuleta no lelo lino, mushibaka eshi ana hangula shinda sha moyo.