¹ Honi Pitrothsi no Johani awopa athza mutempele pahola thzo malombelo, muhola thzo15 mutanya. ² Honi mukwelume oyu watengukelile mulila lya njina amushimbile kumutwala ku shelo thzo tempele thziishiwa owa. Amupakangilepo liyuwa no liyuwa ci alombe waehe awana aingenanga mutempele okwathsi. ³ Owu amonine Pitolosi na Johani kwafota kuingena mutempele inga pa awalombile okwathsi. ⁴ Pitrothsi, wamulupukelile, no Johani, no kuamba, "otutanekele." ⁵ Mukwelume o shilema wawatanekelile, kunakulupela kutambula shinu kutundelela kukwo. ⁶ Unone pitolosi wambile, "Shilivela no gauda kanilinayo, unone nakupa eyi nilinayo, mulithzina lya Jesu Kelesite oku Nathzareta, oende." ⁷ Ku mu kwata ku lioko lio shilio, Pitolosi wa muimaneshile ,kalo popo mwene maulu no mangongo enji yakolopile. ⁸ Ayepo yakuka, mukwelume wo shilema aepo imana no kutateka kuenda ,No ku ingena na Pitolosi na Joani mu tempele, kuenda, kutenyangela, no kushangala Nyambi. ⁹ Anu wo wahe amumonine ku enda no kushangala Nyambi. ¹⁰ Alimukile ci yoliyo oya mukwelume wa lombangile ukwathsi kwa anu pashelo shoshiwa sho tempele ; Akomokile nene mukonda wei yakwamahalile ku kwenji. ¹¹ Owu akakatelile Pitolosi na Joani, Anu wahe andandumukelelile kukwo mumakeke a aishangile ci a Solomoni kwa nakomoka manene. ¹² Honi Pitolosi owu amonine ei, Wa tawile anu, '' Amwe akwelume o Isilaele, mwa komokela ine? ine mututanekela, weci yatwe tuna mweendisha mukolo wetu nji ko shitawo shetu? ¹³ Nyambi wa Abrahama, no Isaka, no Jakobo, Nyambi wa tata wetu, wayelulile ngamba wenji Jesu.Yoliyo mwapile nokumukana pa meho a Pilato , apa a fotile ku mutundisha. ¹⁴ Namukana omukenu no kupila omango , unone mwa lombile ci amipunishele shikevenga wapaile munu. ¹⁵ Munapaa shinda sha moyo ,oyu apindulile Nyambi kwa afu - twa mapaki mu inu ei. ¹⁶ Mu kulitawa mulithzina lyenji, lithzina lyenji linakwama, oyu mukwelume mumona no kulimuka, ukolo. Kulitawa kutundelela kwa Jesu ona mupa kukala shuwana mwaheno komumona. ¹⁷ Honi, apange, nalimuka ci muna ningi ko kukana ku limuka, weci eli na kwama a endishi enu. ¹⁸ Unone inu Nyambi eyo a ambile pa tunwa twa mapolofita owahe ci kilesite a loela ku nyandishiwa, inakwamahala. ¹⁹ Mushiye yoimango, ne, mupiluke, ci evi yenu itundishiwe, ²⁰ ci kukeye shikati sho kulitulumwisha kumeho a Fumu; ci atume Kelesite oyu amihangwelile, Jesu. ²¹ Yoliyo linaloela kutambula liwilu kukakumena pa shikati yakulioishiwa enu yoihe, ko muambelile Nyambi kukale ko tunwa twa mapolofita owakenu. ²² Mushe shemwa wambile, 'Fumu Nyambi henge akumiletela mupolofita okuninga weci yame mukaci ka apenu. Henge mwakuteelela ku enu yoihe ei akumitongwela. ²³ Munu yomuhe wakukana kuteelela koyu mupolofita henge akutundisheleliwa mukaci ka anu. ²⁴ Ee, no mapolofita wahe kutatekela kwa Samuele noku kwawa amukeile munyima, ambile yao mayuwa. ²⁵ Mwaana o mapolofita no kuliyuva oku akwamine Nyambi nowa kuku wakuku wenu, eli ambile kwa Abrahama ci, 'Kumbuto thzoye koliyo thzakuwanena fiyauthzi mikuta thzothzihe pano pa kaye.' ²⁶ Nyambi apa apindulile ngamba wenji hime atatekelile kumutuma kukwenu tango, ci amifuyale ko kumitundisha mwaheno ku umango wenu.''