¹ Apoa twatanekelile ci twa swanela kuyavukela muthsambwa thzo Itali, kumahaliyuvile na Paulusi no amweya kwa mapantiti mumata thzo mukulu wo maswalale ishiwa Jaliusi omulicimente. ² Epo tuingena mu shisepe shoku Adramiti eshi sha fotile kuthza kuliya lia Asia. Ne one atwe po tuthza kuliwate. Aristarko woku Tesalonika athzile netu. ³ Liiwa liahatileko twa kumine mu shikun'a sha Sidoni, oku Juliasi wakwamine shiwana Paulusi no kumutawethza kuthza kwa mbushenji ci akawakwate nawa. ⁴ Kutunda po thzile ku liwate nokuka vuwela kushithsiko sho Sipera popepi no licoolo, mukonda mupepo kumanau tuhalukela. ⁵ Apa natu vuwela muthsambwa thzo liwate kushiya Silisia no Pamfilia, twana na shekelile ku Mira, shikun'a sho mu Lisia. ⁶ Oko, mukulu wo maswalale wawa wanine sisepe shoku Alexandria eshi sha vuwelile ku Itali. Epo tuyomekamo. ⁷ Apa na tuvuu kamanana-kamanana pa mayuwa omangi no kuhula twakakumine no ukalu popepi no Knido no mupepo kawa tutawethzile kupita mulikun'wa elio, atwe po tuvuwa muhule kuli toololo lia Kreta, muthsambwa thzo Salmone. ⁸ Twavuwile mumun'alo noukalu, Shime apa natukumu pashivaka shishiwa lipuma lioliwa,eli lili popepi no shikun'a sha Lasea. ⁹ Atwe twashimbile honi shoshikulu, shikati sho Majuda sho kuliyumena ilia nashipu, kalo kumakwakelile ukalu kukuyavuka. Ne Paulusi wawalimukishile, ¹⁰ no kuamba, "Akwelume namona ci mwendo tufota kutateka kenge ukala wo kukuluka kuipisheliwa, kali pohuma yo ito no shisepe, uno no mioyo thzetu. ¹¹ "Uno mukulu wo maswalale wa teelelile nene ku muendishi noku kwa shinda sho shisepe kushiya inu eyi ambile Paulusi. ¹² Mukonda muliya kamwatawile kukala mo kufa, ungi wo avuwi awatongwelile yoku fuwekelanga mo, Kalo shoshiwa po shime kuka fuwekela kushikun'a sho Fenekisi, kuka litulumwishelako kufu. Fenekisi liya liomu Kreta, ina likenge no wiko wo mboela no wiko wa mutulo. ¹³ Ou mupepo wo ku mboela nautateka kupepa shiwa, avuwi anekile ci anawana eyi afotile. Ne opo apima maokora no kuthza pepi no likanda. ¹⁴ Unone munyima thzo shikatiana mupepo opa meyu wishiwa Eurakilo, watatekile kuna fula pa licoolo. ¹⁵ Shisepe apa nashikwatiwa kuli pepo, kanatutwesha kuyenya mumupepo, twapile lipepo likun'wa no kupitela kwa pilile mupepo. ¹⁶ Atwepo tuvuwa muule wo shithsiko sho licooloana lishiwa Klaudi twatweshile kuthsilelethza moyo wo wato. ¹⁷ Apa akayelulelile muwilu, alikwathsileshile miothzi thzako thzipita kushi thzo shisepe. Shime ayapile ci alukela kucilela pa luheke loku Sirte, epo awisha pashi seile no kuliendela kenge yo mwene. ¹⁸ Epo tushimba yokukuluka kulipepo ci liwa lia hatile ko atwepo tukuwanena ito muliwate eyi na tushimbi. ¹⁹ Muliwa lio mushihatu avuwi akonjanine ikwamisha yo mushisepe no nyala. ²⁰ Liyuwa no matungwethzi apa ya kanine kutumunyekela mumaiwa omangi, no lipepo lyolikulu kolishitufula, shikolupela shoshihe shokuninga ci kenge tuyoishiwa shapwile. ²¹ Ou awo athzile kupile shokulya, ne Paulusi katuka mukaci ko avuwi no kuamba, '' Akwelume, inga munaniteelela, kushime kuvuwa kutunda ku Kreta, Kali kuna kuluka no kwipishelwa kenge. ²² Oni na miambela ci mukolope kakukakala kuipishelwa mioyo kukwenu unone shime kuipishelwa shisepe. ²³ Ushiku wapwile lingeloi lia Nyambi oku niwela, oyu ni lombela kalo lingeloi lienji lia imanine kunyonga thzange ²⁴ Kalo no kuamba, wayapa, Paulusi. waloela kuimana posho thza Sithzare, no kumona, Nyambi mushiemo shenji ona kupa aa ovuwa nawo.' ²⁵ Nehoni otanale, akwelume! Mukonda nina kulupela Nyambi ci kenge ikwamahala ci ei naitongola kukwange. ²⁶ Unone twaloela kundandumuka pa likanda kuthza kuli coolo lingana." ²⁷ Apa mashiku olikumi no ane akumine, kotupita eli likun'wa eli lili mu liwate lia Adria, pakaci po koushiku avuwi aanekelile ci ahenyenine kulikanda. Afotishishile uthzungi no kuwana uthzungi wo makumi eli, munyima thzo shikatiana, ²⁸ Afotile uthzungi manene no kuwana uthzingi wo likumi no mutanu. ²⁹ Shime ayapile ci kenge tukuluka ku mane, epo awishela pashi maankora ane okulihuto no kulomba ci live wangu. ³⁰ Avuwi shime afotile mo kushiela shisepe no kuhusha pashi wato wo moyo muliwate, no kumonisha weci afotile kuusha pashi maankora oukulihuto. ³¹ unone Paulusi apo amba komuka kutumena no ku maswalale, ''Shime konji aa akwelume aikale mushisepe, kamutwesha kuyoishiwa. ³² Ne maswalale epo aci ninunine miothzi thzo kuwato no kuushiyelela koupuka. ³³ Mutanya ou wakeile, paulusi wawa ambelile owahe ci hashimbe yo kulya. wa ambile, "Eli liiwa liolio lio mulikumi no mane eli munakala lika mutatelela no kuenda kupila shilya -shai eshi munali. ³⁴ Nehoni namiambela ci mulitepele yo kulya, mukonda oku kolyo kuyoishiwa kwenu. Kwithsa shanga yofoci kukukwenu wakuluthza shanga kahuki kofoci ku mutwi wenji." ³⁵ Apa ambile eyi, washimbile ishima kukandelela kwa Nyambi mumeho o munu yomuhe. Epo ocola ishima no kutateka kulya. ³⁶ Ne awo wahe watanalishiwile kalo nawo alile. ³⁷ Atwe twa pwile 276 myoyo mushithsepe. ³⁸ Apa aikutile,alethzupishile shithsepe pakukonjanena uloto muliwate. ³⁹ Apa lyavile, kana limuka litunga, unone amonine shiko shakalile no liya, alitongwelile nji atwesha kuendisha shisepe ci atwalemo. ⁴⁰ Nehoni awopo acinauna miothzi thzo maankora no kuthzishinga muliwate. Mushikati esho mwene ahangululile miothzi thzikwata manela no kuemeka seile kumupepo; nokuthza pa liya. ⁴¹ Unone Shisepe kuma sha fulile pa muhekeheke no ku ndandumuka pa likanda. Muongo awopo ukakatela po kalo washiyalile no kukana kuhenya, kalo lihuto kuma liacokile ku maci thzo man'ithsingi. ⁴² Maanekelo o maswaniso apwile akupaa mapantiti ici kupila kuko oyu twesha kuyo wa no kupala. ⁴³ Unone mukulu wo maswalale wafotile kuyoisha Paulusi, nehoni ayepo imeka ihanekela yo; kalo hayepo tumina awo atweshile kuyowa kuleya muwato matatekelo no kuthza pa likanda. ⁴⁴ Ne awanathsala akwelume alowela kushupwela, amweya pa mapulanga, amweya pa inu yo mushisepe. Mulikun'wa eli kwakwamahalile ci twaheno tukehe shiwana ku likanda.