¹ Paujlusi ayepo kenga kwa kamulao no kuamba, "Andengenu" nina kala pa meho a Fumu ko owa ouhe kukuma lelo." ² Mukulu oma pulisita wa tumine awo emanine pepi nenji kumuthsetulula kumilomo. ³ Ne Paulusi wambile ku kwenji, "Nyambi kenge wakumilwisha, amwe aka mamota oakenu. mwa kalela kuni atula ko mulao, apo waamba eci ani kulukishe pa meho o mulao?" ⁴ Awa emanine ambile, "lio tukathzana kenge yo mupilisa shokulu wa Nyambi?" ⁵ Paulusi wambile, "Kani limukile, andengenu, eci mupulisita shokulu. Apo kuna n'oliwa, wa kuamba sho shimango kwa vusi o anu oe." ⁶ Apa paulusi amonine eci pati thzi mweya kwa ka mulao po Asaduki wa mweya Afalisi, wa ambile no liywi liolikulu munjiyo thzo mulao, "Andengenu no mufalisi, mwana omukwelume omu Falisi. Ne mukonda nili no kukulupela kupinduka kwa kakufa oku ani atulela." ⁷ Owa ambile eyi, likan'i lia tatekile mukaci ko a Falisi no Masaduki, nehoni anu ali handile. ⁸ Kwa Asaduki ambi eci kwithsa kupinduka, kwithsa mangeloi, kwithsa mupepo, uno a Falisi ahailimuka yo yihe eyi. ⁹ Nehoni apa po kukala muyoyo oukulu, ne wamweya kwa an'oli wahukile kwa Afalisi wemanine no kukanana, ku amba, katuwanine omango koyu mukwalume. Ngepi nga mupepo nji lingeloi liamba ku kwenji?" ¹⁰ Apo kwa pindukile likanyi lio likulu, mukulu wa mathswalale wa yapile eci paulusi kenge amu yataula tu pithsi-pithsi, wa ambile mukulu wa mathswalale eci athze pashi nokuka mushimba mukaci koo kutunda kwa ka mulao, no kumuleta munjiyo thzo thzikolo. ¹¹ O shiku wa hatileko Fumu wemanine ku kwenji no ku amba, "Okale no ndume, eci eli noni shangala mu Jelusalema kalo oni shangale no Muroma." ¹² Apa liavile, wa mweya kwa MaJuda awo po akwama katengo no kulianga, eci kali shokulia no kunwa shimweya kupitela apo akupaa Paulusi. ¹³ Akalile okupitelela makumi ane o akwelume awa akalile no mulelo. ¹⁴ Wathzile kwa kulu oma pulisita no kwa kulu no kuamba, "Tuna lianga eci kwithsa eshi tulya hime apaa twipaa Paulusi. ¹⁵ Ne, honi, oshie akwa mulao alombe mukulu oma thswalale kuleta Paulusi kukoe, eci wana mwipule kethza. Eci atwe, tuna liloeshela kumwipaa kushime kukuma kuno." ¹⁶ Uno mwana ndumbu thza Paulusi omu kwelume wamuyuvile eci amukanya ne wathzile no kukangena munjiyo thzo thzikolo no kutonwela Paulusi. ¹⁷ Paulusi weshile yumweya mukulu oma mathswalale ku amba, "O shimbe oyu mwanuke omukwelume omutwale ku mukulu omathswalale, apo oli no shimweya shokuamba kukwenji." ¹⁸ Nehoni mukulu yumweya omathswalale washimbile mwanuke omukwelume no kumu twala ku mukulu shokulu omathswlale no kuamba, "Paulusi lipanditi ona ni shela kukwenji, no kuni lomba kuleta oyu mwanuke omukwelume ku koe. Oli no shimweya sho kuamba kukoe." ¹⁹ Mukulu sho kulu omathswalale wa wamushimbile kulyoko kumutwala kumu kunda no kumwipula, "Ine eyi ofota kuni tongwela?" ²⁰ Mwanuke omukwelumeayepo amba, "Majuda analiyuvu kukulomba kuleta Paulusi peunja kumulao, eci afota ku mwipwelekethza shiwana shiamba shenji. ²¹ Uno wa kuwa mupa, mukonda kwali akwelume okupitelela makumi ane awa ana mundamena. Ana lianga eci kaali no kunwa kupitela apa akumupaa. shanga pano analiloishela, kutatiela kutawa koe." ²² Ne mukulu sho kulu omathswalale washile mwanuke omukwelume eci athze, munyima thzo kumupa mamela, "Waha ambelako munu eci onani tongwela eyi yinu." ²³ Ne weshile akulu omathswalale uli no kuamba, " Oshimbe mathswalale oku kwana ita ili athze kuka kaesalia, no akwelume oku thzina tu kambe to makumi mutanu no eli, no ita ili yo akwelume oma kothzi. wa kuthze muluula." ²⁴ Ayepo kalo owa ambela eci aloishele Paulusi eyama yo kuendala eyo imushimba shiwa ku mutwala kwa muvusisi Felekisi. ²⁵ Ne wathsonekile lin'olo kenge: ²⁶ "Kilaudias Laisia kukoe omukulu sho kulu ko muvusisi Felekisi, nakuvumenena. ²⁷ Oyu mukwelume na muanga Majuda no kufota kumupaa apa nanikeya no mathswalale no ku muamwena, nalimuka eci oyu munu wa Muroma. ²⁸ Nafotile kulimuka eci yine eyi anamupela mulandu, nani mushimbi kumu twala kwa akwa mulao woo. ²⁹ Na ni lingethsa eci na muatula kuthza ko milao thzo, uno kwithsa mulandu kukwenji oku mutwala kufa nji mutongo. ³⁰ Ne wa ni tongwelile eci ko uli mulandu o una waniwa koyu mukwelume, nepopo namutumenine ku koe no kuambela nene ko awa na muatula eci alete omu namuatulela kukoe. kushialisha." ³¹ Mathswalale akutekile miambelo thzo. Awo po ashimba Paulusi no ku muleta oshiku kwa Antipatris. ³² Muliyuwa lia hatileko, ongi o mathswalale ashimbile akwelume okuthzina tukambe kuthza nenji ne awoshemwa ahukile kunjiyo thzo thzikolo. ³³ Apa a kwa kuthzina tukambe akumine kwa Kaselia no kupa lin'olo kwa muvusisi, wa mwipule kalo Paulusi. ³⁴ Apa muvusisi atalile lin'olo, we pulie litunga lipi Paulusi atunda. Apa alilongithsile eci atunda ku Silisia, ³⁵ wa ambile, " Kenge nakukuyuva shemwa apa awa nakuatula akwiya kuno. "Ne wa muambelile kumu tuleka mu mulonga wa Heroda mu mbongi thzo shokulu.