¹ Nehoni mu chechi thzo Antioke, kuma kwakalile wamweya apolofita na afundishi. kuma kwakalile Barnabathsi, thsimioni (oyu ishiwa Nigere), Luciathsi oku Cirene, manaeni (mukulwa Heroda mutetraki) na thsaule. ² Kwali no kulombela kwa fumu no kulikanga yo kulwa, mupepo oshokenu pouamba, " mu nipakele kunyonga Barnabathsi na thsaule ciakwame shikwama esho nina waishela." ³ Munyima thzo kuma kulikanga, kulombela, kalo no kukambeka moko o pa akwelume awa, awa katulile. ⁴ Nehoni Barnabathsi na thsaule, ou atumiwile ku mupepo oshokenu, aulumukile ku Seleucia; kutundapo awo avuile kulithzela ku Ciprathsi. ⁵ Shikati akalile mu shikun'a sha Salamisi, kuma akuwelelile liywi lia Nyambi muma Sinagoge o maJuda. Awo kalo kuma akalile na Johani kupwa mukakuwa kwathsa. ⁶ Ou athzile no kupita mu licoolo momuhe ku paphothsi, kuma awanine muka mahethsi henge, mupolofita okwithsa o shiJuda, olithzina lio Bare-Jesu. ⁷ Oyu mukamahethsi kuma akalile pofoci na Prokansulu, Seregius pauluthsi, oyu wakalile mukwelume omunyanyami. oyu mukwelume waishile Barnabathsi na Thsaule, mukonda kuma afotile kuyuva liywi lia Nyambi. ⁸ Unone Elimathsi "omahehsi" (elio lioliyo lithzina lienji omo linatolokiwela); kuma aelekile kuthsengumuna Prokansulu kumutundisha mukulitawa. ⁹ Unone Thsaule, oyu kalo ishiwa Pauluthsi, wayalile mupepo oshokenu, wamu kengelelile nene ¹⁰ no kuamba ci, "yowe mwana diavulothsi, onayala mishobo thzothzihe thzo n'anda no ofokoli. oshitothzi kuuwa ouhe. kalo kowa kushiya kuthsetulula makun'wa aana oloka a fumu, kowa ku? ¹¹ Honi okenge, lioko lia fumu lili peulu thzoe, kalo henge wa kukala shivofu. Kowa kumona liyuwa pa shikatiana." popomwene kwawile kwa Elimathsi liundu no milema; ayepo tateka kuthza no kufota anu okumu kwatelela kulioko. ¹² Munyima thzo Prokansulu kumona eyi ya kwamahalile, ayepo litawa, mukonda kuma akomokile elia fundishile ya fumu. ¹³ Nehoni pauluthsi na mbushenji poavua kutunda mu paphothsi no kukeya ku Periga mu pamphilia. Unone Johani wawaishile kalo no kuhuka ku Jeruthsalema. ¹⁴ Pauluthsi kalo na mbushenji awo poenda kutunda Periga no kukeya ku Antioke o Pithsidia. Oko awo athzile mu sinagoge liyuwa lio thsavata no kukangamena pashi. ¹⁵ Munyimathzo kutala mulao na polofita, aendishi o sinagoge awa tumenine liywi, ambile, "Mwapange ngeci muli na liywi lio kutanalisha anu kuno ngamuliambe." ¹⁶ Ne pauluthsi ayepo katuka no kuamba no lioko lienji; aye po amba, "Akwekume o ithsilaele namwe mulemeka Nyambi, mutelele. ¹⁷ Nyambi wowa anu o ithsilaelekuma hangulile atata wetu no kukwama anu angi ou akalile mulitunga lia Engepita, kalo no lioko lio kuimaina aye powa tundishamo. ¹⁸ Mukonda pa miaka nane aye kuma awa lelile mumuhonyi. ¹⁹ Munyima konaipisha matunga mutanu neli mu shivaka sha Kanana, aye wapile anu etu litunga lio ciupwe oshwana. ²⁰ Yoihei ikwamisha ya kwamahalile kokuna piti miaka shita thzine no makumi no mutanu. Koinapu yoihei inu, Nyambi kuma awapile aatuli kuleta hime kwa mupolofita Thsamuele. ²¹ Ne anu awo poa lomba fumu, kalo Nyambi aye po wapa Thsaule mwana Kishi, mukwelume kutundela kushikuta showo Mbenjamine, ci akale fumu pa miaka makumi ane. ²² Munyima thzo Nyambi kumutundisha pa fumu, ayepo pindula Davida ciapwe fumu wo. kwa Davida pohuma oko Nyambi apakile, kuamba ci, 'Ninawana Davida mwana Jesse akale mukwelume okumucima wange, oyu na kwamanga yoihe nafota ci akwame.' ²³ Kutundelela kuikuta yoyu mukwelume Nyambi naleta ku ithsilaele mukakuyoisha, Jesu, ecieli akulupelishile kukwama. ²⁴ Kupila no kukuma kwa Jesu, Johani wa kuwelelile kolobethzo thzo kuhumba kwa anu owahe o ithsilaele. ²⁵ Ou Johani amanishile ikwama yenji, aye wa ambile, 'Elie muayala ci yoyame? kaliyame. unone mutelele, kwali oyu keya munyima thzange, ekwangala yo kumauluenji liombo ni twesha kuangulula.' ²⁶ Mwapange, ana mwiya wa Abrahama, nawo mukaci kenu awa alemeka Nyambi, kukwetu oku liywi lio kuyoisha lia tumeniwile. ²⁷ Mukonda awa ayoya muJeruthsalema na endishi o kamulimukile, kalo awo aya lishelelile muambelo wa polofita ou utaliwa lia lihelio thsavata kwa mutomba. ²⁸ Hangaci apilile livaka lio katulo thzo lifu,awo aishile pilato ci amupae. ²⁹ Ou awo atunilile yoihe inu yan'oliwilen kukwenji, awo amuletile pashi kutundisha pa shitondo no kumulangeka mumbumbo. ³⁰ Unone Nyambi wa mupindulile kwa afu. ³¹ Kuma amoniwile pa mayuwa oshongi kukwo awo akeile nenji kutunda ku Galileya kuthza Jeruthsalema. awa anu panohoni anapu mapaki enji kwanu. ³² Nehoni twami tongwela maywi o awa: shikulupelisha shakeile kowa tatawetu ³³ Nyambi aye ona yalishela kukwetu, ano, pakupindula Jesu. Ecieli kuna n'oliwa mulithsamu omushili: 'Yowe mwanange, lelo ninanakala tatawoye.' ³⁴ Ici wamu pindulile kwa afu liombo akuhuka, Nyambi anaamba mulikun'wa eli: Henge mbela nimipa nakene kalo no fiyauthzi shemwa nathzi kulupelishiwa kwa Davida.' ³⁵ Sholio eshi aye kalo aamba mu lithsamu yumweya, 'Kowa kuwethza woye nakene kumona kuola.' ³⁶ Mukonda ou Davida a kwamenine kuhima kwa Nyambi mushikuta shenji, kuma alalile; kuma amu langekile natawenji kalo ilema yenji kuma ya olile. ³⁷ Unone oyu Nyambi na pindula kamonine kuola. ³⁸ Nehoni kulimukiwe kukwenu, mwa apange, ci koyu mukwelume na kukuweleliwa ku kwenu kukwatela ku ivi. ³⁹ Kukwenji yo muhe o kulitawa a kenishiwa kuinu yoihe eyo mulao wa mushe kana utesha kumi kenisha. ⁴⁰ Nehoni munengeke ci inu ya apolofita ambile kai kwamahala ku kwenu: ⁴¹ nga mukenge amwe mwaka masheunuthzi, kalo mukomoke kalo ne mufe; mukonda nahaleta shikwama mu mayuwa enu, shikwama esho amwe kamwakushi tawa, hinga munu kushilimuka ku kwenu."' ⁴² Ou Paulusi na Barnabathsi kwa nathzi, anu kuma awa alombile ci natongaule maywi okulipitula kalo lio thsavata thza hatileko. ⁴³ Ou mukopano thzo Sinagoge thza hulile, ongi oma Juda naka Proselete ashupwelile Paulusi na Barnabathsi, awa aambile kukwo kalo no kuwa tongwela kutwalelela mu shihemo sha Nyambi. ⁴⁴ Eli lia hatileko lio thsavata , okufota kueishana shikun'a kuma aliwanine pofoci kuna yuva liywi lio fumu. ⁴⁵ Ou maJuda amonine a mbunga, kuma ayalile shipululu kalo no ku amba yo kulwisha eye ambile Paulusi kalo amu tukile. ⁴⁶ Unone Pauluthsi na Barbanathsi aambile no kukeshuka kalo ci, ''Kuma kwa loile ci liyi lia Nyambi litateke kuambiwa kukwenu. kumona pano mwa lishindeka kukwenu kalo mwalishimba kukana kuloela moyo okukana kupwa, mumone, atwe henge tuhuka ku malicava. ⁴⁷ Mukonda honi aye fumu shambile kukwetu ci, 'Nina nehe yamwe kukala liyeye kuma licava, ci munaloela kuleta kuyoisha ku matunwelo okaye."' ⁴⁸ Ou malicava ayuvile eyi, awo a nyanyukile kalo no kuthzineka liywi lia fumu. Eli avulile awa anehelile kumoyo okukana kupwa lia alitawile. ⁴⁹ Liywi lia fumu kuma lia yendumukile momuhe mu shivaka. ⁵⁰ Unone MaJuda po ahongaula mbuyama muka tumelo thzo shokulu naka kuendisha mbongi. kuma ahangekile mipingo kulwisha Paulothsi na Barnabathsi kalo awa konjela pola thzo litunga lio. ⁵¹ Unone Paulothsi no Barnabathsi awopo ali kukumuna likungu kumaulu o kuwa kukumwena. Ne awapo athza ku mbongi thza Iconium. ⁵² Kalo afundishiwi kuma ayalile no kunyanyuka kalo no mupepo o shikenu.