¹ Nehoni ku shikati esho Heroda fumu wa kambekile moko wamweya awo akalile mu chechi ici awa nyandishe. ² Aye wapaile Jakobo mina a Johani no mwele. ³ Munyima thzo kumona ci eshi sha loelishile MaJuda, ayepo henya kukonga Pitrothsi kalo kuma yakalile mu mayuwa o mashima okupila manene. ⁴ Munyima thzo kumwanga, aye amupakile mutolongo, kumupa mu maumbu ane oma thswalale icia munyunge, kuma afotile kumuleta kwanu munyima thzo pathseka. ⁵ Nehoni Pitrothsi atulekiwile mutolongo, unone malombelo akalileko no kuthsepahala kwa Nyambi ku kwenji kwawo aka chechi. ⁶ Ku ushiku koshime Heroda kuthza kuka mupunisha pola ci na thsombe, Pitrothsi kuma alalile mukaci ko mathswalale eli, kona angiwa muma wenge eli, anyungi pa lupala lo shelo okwa nyunga tolongo. ⁷ Ngamumone, lingeloi lia fumu kupinda kuvuka lia monahalile kukwenji, kalo liyeye lia munyekile mu muthsiyo o tolongo. Aye po fula Pitrothsi ku manyonga no ku mupindula kalo no kuamba, "Katuke wangu-wangu, "kalo mawenge po awa kumoko enji. ⁸ Lin'eloi ayepo amba kukwenji, " Oliange kalo ovate ekwangala yoe.'' Pitrothsi wa kwamine hengeyo. lingeloi aye po amba kukwenji, ngovate evata yoe yopola kalo onishupwele." ⁹ Ne Pitrothsi ayepo shupwela lingeloi no kupuna. kana limuka ci eshi sha kwamiwile ku lingeloi yea shemwa. kuma ayalile ci emona a monine. ¹⁰ Munyima kwana pandakana munyungi omutatakelo no oyu omushili, awa akeile ku shelo sho-ifu eshishitwala ku shikun'a; shawa yanjulukile shoshinda. Awo po apuna pola no kuthza kuulumuka mulikun'wa, kalo lingeloi ayepo mushiya popo mwene, ¹¹ Ou Pitrothsi a kaile yofoci, aye po amba, "Pano honi nina limuka ci fumu ona tumu lingeloi lienji no kunani amwena mu nyala thza Heroda, kalo no muinu yoihe anu o shiJuda atatelelile.'' ¹² Ou ana ngulile eyi, aye po athza ku njiyo thza Maria mama wa Johani, ishiwao kalo mareka, oko anu owangi hime aliwana no kulombela. ¹³ Ou ambolile pa shikwalo sho kushelo, ngamba ombuyama naishiwa Rhoda wakeile kuna tawa. ¹⁴ Ou anangulile muambelo wa pitrothsi, mukunyanyuka nene wakwangile kuyanjulula shelo, kupita, wakeile ko ndandumuka munjiyo; ayepo no tongolaa ci Pitrothsi kuma naimana ¹⁵ pashelo. Ne awo poamba kukwenji, ''Wathzaluka." unone aye watanalishile ci lio yakalile. Awo ambile, "elio lingeloi lienji!" ¹⁶ Uno Pitrothsi wa otelelile kumbombola, ne kalo ou ayanjulile shikwalo, awo amumonine kalo ayovolile. ¹⁷ Pitrothsi wa mbile no lioko kukwo ci atutwale, kalo no kuwa tongawela eli fumu Nyambi namutundisha mutolongo.Aye po amba, "Mukatongole eyi inukwa Jakobo na apenji.'' Ne aye po katuka kalo no kuthza kumweya. ¹⁸ Ne ou liavile oko kakwakalile kamuyoyo mukaci ko mathswalale kuwela kwei ya kwamahalile kwa Pitrothsi. ¹⁹ Munyima thzo Heroda kumufotafota kalo katweshilekumuwana, ayepo waipulile anyungi kalo no kutumina ci apaiwe. ne aye po ulumuka kutunda Judea kuthza coesarea kalo no kuka kalako. ²⁰ Nehoni Heroda kuna anjipelile nene kuanu oku Tire no ku Shidoni. Awo athzile kukwenji no maayalo ofoci, kalo kwanamana kulakwisha Blastuthsi, mukwathsi wa fumu, ci awa kwathse, kuma alombile kuliyala mukonda litunga lio kuma nalitambula ilia yalio ku litunga lia fumu. ²¹ Pa liyuwa lia shishiwile Heroda waliyengile muito yo shifumu kalo no kukongomana pa shikalo, ayepo pa muambelo kukwo. ²² Anu atambakanine, "Ou o muambelo wa muthzimu, kali wa munu!'' ²³ Popo mwene lingeloi lia fumu Nyambi lia mufulile, mukonda aye ka thzinekile Nyambi; aye wa liwile ku mavinyo kalo no kufa. ²⁴ Unone liywi lia Nyambi lia thzile posho no ²⁵ kuyandumuka. Ne ou barnabathsi na Thsaule atunulile shikwama sho, awo ahukile ku Jeruthsalema, kuleta Johani,kalo ishiwa mareka.