¹ Apo apositola no waya ana litawa a wa kalile mu Judea ayubile ci waya akwa matunga nao na tambula liywi lio Nyambi. ² Apo Pitrosi na keya ku Jerusalema, awo a waniwile ci a kwa kuthza mukanda a muthsombeshile; ³ Awopo amba, "Ona liwana no wa kwelume a ku mukanda no kulia no!" ⁴ Unone Pitrosi wa tatekile ku ambela iamba mu ungi, kuamba, ⁵ "Kuma na nitombela mushikun'a sho Joppa, na kalile no shimona sho shitenga ko shiwiya pashi, eci shito sho ku shuluka ku wilu sho mambango ane. Ashitumine ku kwange. ⁶ Hapa na okelilepo ona hayalile. Namonine iyama ine yo mahulu ane yo pano pashi, ekondwama, nei enda no lila, no inyunyi yo kuwilu. ⁷ Nehoni na yubile liywi lio ku amba ku kwange, 'pinduka, Pitrosi; o paye no kulia!" ⁸ Apo ni amba, 'kali kengeyo, Fumu; kwithsa shoshimango shengena mukanwa kange.' ⁹ Unone liywi a liopo litawa kalo kutunda ku wilu, 'Esho Nyambi ana kenisha, wa shisha ci shimango.' ¹⁰ Ei aepo itendahala luhatu, nehoni inu yoihe epo ihuluka ku wile kalo. ¹¹ "Hapo kwa kalile a kwelume a hatu a wo aimanine pa shelo thzo njiyo omu twa kalile; a wa tumine kutunda ku Kaesarea kwiya ku kwange. ¹² Mupepo wani ambelile ci nithze no, no ku kana kufunguluka kuthza ku kwoo. Awa apange oku kwana mutanu no yofoci athzile nange, wo twathzile munjiyo thza mukwelume. ¹³ Watu ambilile omo amonenine mangeloi kwa nemana munjiyo ku Joppa no kukaleta Simoni oyu wishiwa Pitrosi. ¹⁴ Henge a kuamba ku koe shiamba eshi sha kuyolisha -yowe na kwa njiyo thzoye wae; ¹⁵ Apo na tatekile kuamba no, mupepo ou kenu wa keile kukwo, eci kukwetu ku matatekelo. ¹⁶ Aepo ni buluka liywi lia Fumu, eli a ambile, Johani shemwa a mu kolobethzile no meyu, unone henge waku kolobethziwa mu mupepo ou kenu.' ¹⁷ Ngeci po Nyambi wa wapile sho kupiwa eci lie natupile natwe apo twatawile kwa Fumu Jesu kilesite, Apo enge amba ci yame nolie, eci nikane Nyambi? ¹⁸ Apa ayubile ei inu, kwithsa ei ya ambile, unone shangalile Nyambi no kuamba, Nehoni Nyambi wapile ci mbunga a bakele moyo thzo.'' ¹⁹ Nehoni awo ali shandaukile mukaci ko likando lio Setefani wa thzile ku Fonisia,Sipela, no Antioke, kuamba liywi pohuma kwa Majuda. ²⁰ Unone amweya ku kwo, akwelume atundile ku sipela no sileni, weile ku Antioke no kuamba kalo kwa Ma Gelike, kukuthza kuko hiamba yo iwa ya Fumu Jesu. ²¹ Lioko lia Fumu lia kalile no; mungi wa tawile no ku alukela kwa Fumu. ²² I amba ya ambile wa iyubile ku chechi Jerusalema, wa tumine Barnabasi ku ²³ Antioke. Apa keile wamonine shiemo sha Nyambi, wanyanyukile no kuotela wahe ci akale na Fumu ko micima thzo. ²⁴ Apo wa kalile mukwelume omuwa no kuyala muoepo ou kenu no kulitawa, nehoni anu owangi aekethzehile kwa Nyambi. ²⁵ Barnabasi wathzile ku Tosias kuka fota Saule. ²⁶ Apa amuwanine, wa muletile ku Antioke, Kwa keile, eci akalile mwaka pofoci mu chechi no ku longethsa anu o wangi. Afundishi kwa matatekelo wa weshile ci alumeli mu Antioke. ²⁷ Nehoni mayuwa a amweya apolofita weile kutunda ku Jerulusalema kuthza ku Antioke. ²⁸ Yu mweya kukwo, olithzina lio Agabasi, wemanine mupepo ou kenu opoumu monisha ci henge kwa kukala njala mulitunga lio lihe. Ei ya kwama halile muma yuwa a Claudius ²⁹ Afundishi, ci munu no munu watweshile,aliketelile kutundisha yo ku kwathsa wa kukutawa waya ali ku Judea. ³⁰ Akwamine ei, atumine mali ko akulu wa keleke mu lioko lio Barnabasi na Saule.