¹ Honi kwalile mukwelume mu mbongi thza Sesarea, lithzina lyenji Konele, mukakuendisha maswalale awa naishiwanga ci Italia. ² Neli mukwelume mukakulombela, oyu nayapa Nyambi naka njiyo thzenji wahe, neli akwathsanga anu owangi, nokulombelanga kwa Nyambi kukwatelela. ³ Shikati kushininga 3 thzo mutanya, wamonine shuwanashuwana mu emona lingeloi lya Nyambi kulikeya kukwenji. Lingeloi alyopo liamba kukwenji ⁴ ci, ''Konele!'' Konele aepo lupukela lingeloi nepo yapa manene nepo amba, ''Ine kalo nathsile wange?'' Lingeloi po liamba kukwenji, ''Elombelo no kwathsi yoye inthzi kuwilu kwa Nyambi ne Nyambi onaitambula. ⁵ Co honi otume anu ku mbonji thza Jopa akashimbe mukwelume olithzina lyo Simoni oyu ishiwa kalo ci Pitolosi. ⁶ Akalanga munjiyo thzo mukakunyuka olithzina lyo Simoni, oyo njiyothzenji thzili popepi no liwate. ⁷ Lingeloi eli lyambile kukwenji kolinathzi, Konele po isha eli kwa angamba enji, no liswalale nalombelanga mukaci kawa anamukwamenanga. ⁸ Konele ayepo wambela yoihe naikwamahala kalo ayepo watuma ku Jopa. ⁹ Honi pa liyuwa lya hatileko mushikati sho 12:00hrs mutanya kwali mumuendo kalo kwakokela ku mbongi, Pilosi aepo thza ku njiyo thzo kuwilu kukalombela. ¹⁰ Aepo fa njala kalo nepo fota yo kulya, unone anu kwa shiponda ilya, hime napiwa himonisha, ¹¹ honi ayepo mona liwilu ko liyanjuluka no kangongolo katunda kuwilu, shinu shilipitula no shito shoshokulu koshikeya pano pa kaye, koshinavungiwa mumambango asho. ¹² Mukaci kasho nakukala iyama yoihe yo maulu ane no inu yoihe inaendanga no mala pashi, no inyunyi yo muwilu. ¹³ Co honi liywi po liamba kukwenji ci: ''Okatuke, Pitolosi, opae ne olye.'' ¹⁴ Unone Pilosi ayepo amba ci, ''Kali kengeyo, fumu; mukonda nishime kulya shinu shoshihe shiya shathzilaulile no mathzilo.'' ¹⁵ Unone liywi alyopo likeya kukwenji kalo lomushili: ''Eshi anakenisha Nyambi washitoya ci shakuthzilauka.'' ¹⁶ Ei naikwamahala luhatu, honi popo mwene kangongolo akopo kahushiwa muwilu. ¹⁷ Honi Pilosi kuashilyngana ci shimonisha namono shaimanena ine, popo mwene, anu atumine Konele awopo naimana pa shelo, apa namana kuipula mokuthzela munjiyo. ¹⁸ Awopo aisha no kuipula ci ngeci Simoni , oyu ashsngile kalo ci pitolosi kolyoiyo anaikalnga nji ngepi. ¹⁹ Pilosi kushianekela yo shimonisha, mupepo aopo umuambela ci, ''Omone, anu ahatu akufota. ²⁰ Okatuke kalo oshuluke othze pashi okathze no. Lelo wakatakata kuthza no, mukonda yame ninawatumu.'' ²¹ Co Pitolosi po shuluka kuthza kwawo akwelume po amba ci, ''Yame oyu mufota. Ine munakeyela?'' ²² Awopo amba, ''Mukulu o maswalale o lithzina lyo Konele, munu okukena kalo munu okuyapa Nyambi, alimukiwa shuwana kumu yomuhe mulitunga lyo Majuda napiwa liywi kutunda kwa Nyambi eli naambeliwa kwa lingeloi lyo likenu kalo lyopo limuambela ci akutumene ci okeye kunjiyo thzenji, ci nateelele ku maywi kutunda kukwoye.'' ²³ Honi Pilosi po wa lomba ci aingene nakale nenji. Mashikushiku ahatileko ayepo katuka kuthza no, na anu wamweya akakulitawa oku Jopa awopo athza nenji. ²⁴ Liyuwa lya hatile awopo akuma ku Sesarea. Konele neli awatatelela; neli aisha apenji na ambushenji kunaliwana pofoci. ²⁵ Akwopo nakukwamahala nji Pilosi apa nanengena, Konele ayepo liwana nenji nokutongwama ku maulu enji kumulombela. ²⁶ Unone Pitolosi ayepo mukatukisha, kuamba ci, ''Okatuke! Name nomunu.'' ²⁷ Pitolosi kushi amba nenji, ayepo ingena nokukawana anu owangi kwanaliwana pofoci. ²⁸ Ayepo wambela ci, ''Amwe mwalimuka ci kakuloeli ci mujuda aliwane nji kuhungelisha munu okulitunga lyalyo. Unone Nyambi onanimonisha nji kaniloelile kutoya munu yomuhe ci wakulithzilauka nji wamathzilo. ²⁹ Poliyo apa ninakeya kwisa kukana, apa nanitumena. honi nakuipula ine nonitumena anu.'' ³⁰ Konele po amba, ''Maiwa ane anapu pano pa hola thzino, kuma nalombelile mushikati sho 15:00 munjiyo thzange; amepo nimona, munu naimana posho thzange oyu nabata ito shokenu. ³¹ Ayepo amba, 'Konele, kulombela koye onakuyuvu Nyambi, no okwathsi woye unaletisha ci Nyambi akuvuluke. ³² Co honi otumene anu ku Jopa akaishe mukwelume olithzina lyo Simoni oyo kalo ishiwa Pitolosi. Akalanga munjiyo thza mukakunyuka olithzina lyo Simoni, oyu nakalanga kunyonga thzo liwate owakeya henje naamba noye.' ³³ Apo mwene amepo nikutumena anu. Oli no shihemo poliyo apa onakeya. Honi pano twaheno tunaliwana pa meho a Nyambi ci tuyuve ei anakutongwela fumu ci no tuambele. ³⁴ Pilosi po yanjulula kanwa kenji no kuamba, ''Yoshemwa nina nangula ci Nyambi kahangula anu. ³⁵ Unone , mulitunga no litunga munu yomuhe muyapa no kukwama inu yoiwa amutambula. ³⁶ Mwalimuka maywi natumena ana Isilaele, apa nawambela iamba yoiwa yokuliyala ko Jesu Kelesite, fumu o munu yomuhe_ ³⁷ amwe mwalimuka ei yakwamahalile, ei yakalile mu Judea yomuhe, kutatekela ku Galileya munyima thzo kolovethzo ethzi ambile Joani; ³⁸ ekwamahala ya Jesu oku Nathzareta, omo Nyambi amuweshelile no mupepo oukenu no ukolo. Ayepo thza no kukwama owa no kupolisha wahe awa analyateleliwa ko Diavulothzi, mukonda Nyambi wakalile nenji. ³⁹ Twa mapaki muinu yoihe nakwama Jesu, mulitunga lyo Majuda no mu Jelusalema. Amupaile ko kumapaka pa shitondo, ⁴⁰ unone Nyambi wamupindulile pa liyuwa lyo mushihatu ayepo mumonahalisha, ⁴¹ kali kwa anu wahe, unone ku mapaki angulile Nyambi kumatatekelo_ atwe natuli no kunwa nenji apa apindukile kwa afu. ⁴² Watutuminine kuambela anu no kupaka ci yoliyo ahangulile Nyambi ci apwe muatuli wa anu ayoya nawa anfu. ⁴³ A polofita wahe apaka yenji, ci munu yomuhe oyu litawa kukwenji henge akuteteliwa ku shivi mulithzina lyenji.'' ⁴⁴ Pitolosi kushiamba ei inu , mupepo oukenu awopo uwela wahe awo namutelela. ⁴⁵ Anu awkalile nokulitawa ko mukanda_ awo akeile na Pitolosi _ hime akomokile, mukonda mbuyo thzo mupepo oukenu nathzipiwa ku anu anga nawo. ⁴⁶ Mukonda ayuvile awa anu angana kwa amba mu mishobo thzo kulishiya shiya no kushangala Nyambi. Pitolosi ayepo watawa, ⁴⁷ ''Kwali munu twesha kukanisha meyu ci awa anu akolovethziwa, awa anatambula mupepo oukenu eci yatwe?'' ⁴⁸ Nepo wambela ci akolovethziwe mulithzina lya Jesu Kelesite. Awopo amuambela ci akale no maiwa oangi.