¹ Kwakeile muikone ci Paulusi na Barnabas ba ingenine wahe mu Sinagoge sho ma Juda kalo ambile mulikun'wa lyo ku ningaci ungi wo maJuda no Magerike alitawile. ² Unone Majuda awa akanine kumamela mulao ahangekile maayalo omalicaba kalo no kuwafwelela ci ayuvishe akenjo kukola. ³ Nehoni awo akalile shikati shoshile, kuamba kukeshika no maci thza Fumu, aye kupa upaki wo liywi lio shemo shenji. kumakwamine eyi koopa imonisha no ikomukisha ci kwanuwe kunyala kuthza Paulusi na Barnabasi. ⁴ Unone anu amushikun'a alihandulile amweya ahukile ku Majuda, amweya ahukile kwa apositola. ⁵ Wahe malicava no Majuda (mufoci na hendishi wo) ahelekile kuanyandisha kalo no kuwakuwa mawe, ⁶ Unone popo inangulile i ao acilelile kulikoma litunga Lakalisitele no Derbe kalo no shibaka shi thzinguluka, ⁷ Oko awa akatatwalelile kukuwelela evangeli. ⁸ Mu listra kwakalile mukwelume henge, okupila ukulo kumahulu enji, shelema kutunda mulila lia njina, oyu wakanine kuenda po. ⁹ Oyu mukwelume wayuwile Paulusi kuamba. Paulusi wakengeshile meo ku kwenji kalo wa monine ci wakalile no tumelo nathziloela kuloshiwa. ¹⁰ Kuma ambile kukwenji no liywi lo shokulu, ngokatuke no mahulu oye." Ne mukwelume waleelile muwilu no kuendaula. ¹¹ Ou mbunga apa monine paulusi eye akwamine, ao ayelulile liywi lio, ambile mululimi loshi likonia, "athzimu ananapo ci anu kalo ana hulumuka kukwetu." ¹² awo ashile Barnabasi "Zeus" kalo Paulusi "Hermes," Mukonda kuma kalile muka kuamba nene. ¹³ Mu prisita oku Zeus lawo tempele thzo kuma thza kalilepola thzo mbongi, Waletile mapulu no kabalo wo kushelo; aye na mbunga afotile kupa shitabelo. ¹⁴ Unone o apositola, Barnabasi no Paulusi, aiyubile, ayataulile yiitoyo kalo popo mwene aingenine mukaci ko mbunga,kwa kuwelela ¹⁵ "A kwelume, inu mwene muikwamena eyi? natwe kalo twa anu, weci yamwe. Atwe twamitongwela maywi oawa eci mutunde kuinu eyi yokukana kukwathsa mukeye kwa Nyambi omuyumi, oyu wa kwamine mawilu, kaye, liwate, kalo no inu yoie ilimo. ¹⁶ Ku myaka thzo kukale, aye watawethzile matunga oahe kuenda mu miendelo thzo. ¹⁷ Unone hanga, aye, kalishile shinda ko kupila paki, mukuninga ciaye wa kwamine uwa kalo wamipile fwula kutundelela ku wilu kalo no shikati shoishuka, kuyalisha micima thzenu, no ilya kalo no kunyanyuka." ¹⁸ Hanga na maywi, Paulusi na Barnabasi kanu kethzile mbunga kukwama itabelo ku ko. ¹⁹ Unone wa mweya Majuda awa atundile mu Antioke no Mukonia no kulakwisha mbunga. Ao apobaulile Paulusi kalo no kumukokela pola thzo mbongi kwa yalaci onafu. ²⁰ Unone afundishiwi enji kwashime kuimana kumupaka mukaci, wakatukile no kuingena mushikun'a. liyuwa lahatileko, kuma athzile ku Derbe na Barnabasi. ²¹ Munyima ao thzo kukuwelela evangeli mushikun'a shiya kalo no kukwama afundishiwi wahangi ao ahukile Kulitela, ku Likonia, no ku Antioke. ²² Ao kumetanalishanga mioyo thza fundishiwi no kuwatanalisha kuekethza kuku litawa ko, poamba, "twaloela kuingena mumu vuso wa Nyambi no likando lio shokulu. ²³ O ao wanehelile akulu muchechi no chechi, kalo alombelile no kulikanga yo kulya, no kukulupela wa Fumu, oyu awo alitawile kukwenji. ²⁴ Ne awo apitile mu Pisidia no kuiya ku pamphylia. ²⁵ Kwana mana ku amba liywi mu Perga, awo po aulumuka ku Attalia. ²⁶ Kutunda apo avuile kuthza ku Antioke, oko a kalipile kushihemo sha Nyambi kushikwama eshi awo anatunula. ²⁷ Owo ao akakumine mu Antioke kalo no kuka waneka chechi pofoci, opo wa tongwelile yoihe inu ci Nyambi kumena kwama no, neli shelo shokulitawa kumalicaba. ²⁸ Awo kakalile shikati shoshile na fundishiwi.