¹ Omwo Yesu wathikumukile hathi kutunda helu lya munkinda,mbunga ya kama ya mukabele. ² Kengeni,muka mbumba wethzile kuli ikeye na kumuthsikamena,wendekele ngwendi, "Mwene,oshe washaka,watha kunjijeletha." ³ Yesu wollwele liboko lyendi na ku mukwata, wendekele ngwendi, "Njashaka.pwa wakujela." Hajebene wa jelele kuli ije mbumba yendi. ⁴ Ywesu wqendekele kuli ikeye ngwendi, "Kethi ulekethe munu woshe. Ya munjila yobe, lisholole kuli mukulunu wa tupilisitu cho ukane bwana bwa kapeyeye Mosesa, bukapwe bukaleho kuli bakebo. ⁵ Omu wakele na kwija mu Kapenauma, mukulunu wa maswalale wethzile kuli ikeye, wamulambelele ⁶ cho wendekele ngwendi, "Shukulu,ngamba yange nalala munjibo alina kubabala mushongo wa kalepa cho ali mutuyndo manene." ⁷ Cho Yesu wendekele kuli ikeye ngwendi. "njija naku mukangwiltha." ⁸ Mukulunu wa maswalale wa mukumbulwile na kwendeka ngwendi, "Shukulu, kuchatelele yobe kukobela mu njubo yange.Endeka lika lijwi cho ngamba yange a kanguka. ⁹ Mwafwa nange nji munu umo iba shakwile kupwa na moka,cho njili na maswalale mwithi lyange.Njikendeka kuli umo, "Ya," cho aya,cho kuli mukwabo umo, 'Ija,' cho aija,cho kuli ngamba yange; 'Linga echi,' cho aka chilingiwa." ¹⁰ Omwo Yesu wathzibile echi,wa likomokelele cho wendekele kuli baje bakele na ku mukabangeya, "Chili bene njendeka kuli yeni,kanda njichi waneho umo walikulahelo ngwe ou mu Isilaele. ¹¹ Njimileka,babengi ba katundilila ku mbwela na kuya mulauko,cho batumama ku mesa na Abilahama,Isaka,na Yakobo mubu mwene bwa mwilu. ¹² Oloni bana ba munganda ya kwilu bakaba shekela hanja mu lithuthulungu,okwo kuba kathikoka na ku lungenja ku mayo." ¹³ Yesu wendekele kuli mukulunu wa mwaswalale ngwendi, "Ya! nge omu una kulahela,chilingiwe kuli yobe." Cho ngamba wa kangukile ha ola ije bene. ¹⁴ Omu Yesu mwethzile munjubo ya Petulu,wa mwene ina mweno ya Petulu na lala na binji lithikathika. ¹⁵ Yesu wa kwatele liboko lyendi,cho na lithikathika lya hwile. Cho wendekele na kupatuka ku mupangela. ¹⁶ Omu chapwile chingwethzi, banu banenele banu babengi bakele na maamba kuli Yesu. Washekele na masipilitu na lijwi cho wa kangwile boshe bakele na ku babala. ¹⁷ Mungila eyi byendekele kapolofita Isaya bya lishulithilile wendekele ngwendi, "Ikeye babenya wa mbatele mathzi etu na kutunditha mishongo yetu." ¹⁸ Hajebene omu Yesu wa mwene mbunga ya muthzengeleka,wa kambeyeye ku katuka kuya kumutambela wa lishali lya lya Ngalileya. ¹⁹ Cho mukakusoneka wethzile kuli ikeye na kwendeka ngwendi, "Mulongethi,nji ku kaba kwoshe okwo ku uya. ²⁰ Yesu wendekele kuli ikeye ngwendi, "Bimbanje bali na bina,na tuthzila ba mwilu bali na mashwa,oloni Muna Munu kethi naha ha kuthindamena mutwe wendi." ²¹ Umo wa bandongethi wendekele kuli ikeye ngwendi, "Shukulu,njitabethe tahi njiye na kuthsinde tate." ²² Oloni Yesu wendekele kuli ikeye ngwendi, "Kaba yange,cho thethza bathsa ba thsinde babenya." ²³ Omu Yesu wa kobelele mubwato,bandongethi bendi ba mukabele na kukakobelamo. ²⁴ Kengeni,hajebene kwakatukile lihunthzi lyakama mu lishali,cho ngechi mang'imba a fwikile bwato.Oloni Yesu wa lalale. ²⁵ Bandongethi bethzile kuli ikeye na ku mwindula, na kwendeka mgwabo, "Twobole.Shukulu; kutonda kuthsa." ²⁶ Yesu wendekele kuli bakebo ngwendi, "Bikajo muthzibila lyoba,yeni ba likulahelo lya lindondo?" cho wakatukile na kutenukila lihundthzi na lishali. Cho kwakele kwoloka kwa kama. ²⁷ Banalume balikomekolele na kwendeka ngwabo, "Munalume wa chifwa muka ou, ou nambe lihundthzi na lishali bi mwonokela?" ²⁸ Omu Yesu waile mu lifuti lya Ngandalene muthambwa ikwabo,wa liwanene na banalume ba babali aba bakele na maamba. Bakele na ku tundilila ha bimbumbo cho bakele na bukenya manene,ngechi bene kukwethi mukakwenda wa kwita muuije mu ngila. ²⁹ Kengeni haje bene,ba tambakanene na kwendeka ngwabo, "Bika bi ushaka tulingi kuli yobe,Muna Njambi? Uneja kuno na kutuyandetha oho kanda thimbu yete?" ³⁰ Hajebene hakele na kulila butanga ba bingulu ba bengi,kethi halyala manene nabo. ³¹ Baje bene maamba ba twaleleleho ku lambelele Yesu na kwendeka ngwabo, "Oshe utu tundithamo,tutume mubutanga bwa bingulu." ³² Yesu wendekele kuli bakebo ngwendi, "Yeni!" Baje maamba batuhukile na ku kobela mubingulu; cho taleni hajebene, butanga bwoshe bwa shatukilile kwithi ya munkiinda cho boshe bathsile mu mema. ³³ Baje bakele na kunyunga bingulu batewele cho baile mu nganda cho bambwilile byoshe,manene ebi bya lingiwile kuli banalume baje bakele na maamba. ³⁴ Taleni, nganda yoshe yethzile na kuliwana na Yesu. Omu ba mu mwene,ba mulambelele kutanda mu lifuti lyobo.