¹ "Kethi muyithe, cho neni ku baka miyitha. ² Omwo na chiyitho chimwana, ba ka miyitha nacho, cho na theteko ije mwethekelaho, ikapwa ikeyo thekeko ibaka myethekelayo neni. ³ Bikajo utalela ka chishoni ka kandondo kali mulisho lya ndolome yobe, oloni kuwethi na kumona mungowa uje uli mulisho lyobe? ⁴ Batijo wendeka kuli ndolome yobe, 'Njitabethe nji tundithe ka chishoni kali mulisho lyobe,' ohoni mungowa uli mulisho lyobe? ⁵ Obe muka kulikwitha! Chakulibanga tunditha mungowa uli mulisho lyobe, cho athinoni watha ku monathetha ka chishoni kaje kali mulisho lya ndolome yobe. ⁶ Kethi wane bije bya kuthzila ku tutali, cho kethi umbile byuma bya kulema ku bingulu. Mwafwa ba bilyatanga na bimbemba, cho batenguluka naku kutabothzola a andondo a andondo. ⁷ "Lomba, cho bakwanacho. Thelela, cho uchiwana. ndondomweya, cho ba kushokolwelako. ⁸ Mwafwa woshe akalpmba, akatambula; woshe a kathetela, akawana; cho kumunu aka ndondomwena, baka mushokolwela ko. ⁹ Nambe iya hakatii keni, oshe munendi wa munalume a mulomba mukasha wa likende, cho a mwana limanya? ¹⁰ Nambe oshe a mulomba ithi, a kamwana linyoka? ¹¹ Choni, oshe yeni ba bubi muthzibuka mwa kwanena mabwana a mabwa ku bana beni, chi isheni wa mwilu kutuma cha bwana bwa bubwa muka akatha kwana kuli baje ba mulomba? ¹² Choni, byoshe byuma bi mushaka banu kumilingila yeni, mwatela neni lalo muba lingilebyo, mwafwa eli lisiko na bu polofita. ¹³ "Kkobeleleni kwitila mu kachikolo ka kandondo. Omu chikolo cha kujandumuka na ngila ya kama bika twala ku kunyonga, cho banu babengi ba ketimo. ¹⁴ Oloni ka chikolo kakandondo na yayikalu ije itwala ku mwonyo, ba bandondo ba kaiwana. ¹⁵ "Thzangameni na tupolofita ba makuli, obo baija kuliyeni mubuthzalo bwa manga oloni banapu tungunga bali na njala manene. ¹⁶ Mukathzibukila ku bushuka bwabo kumani banu bakapotola bushuka bwa vinyu ku miti ya mingonga nambe bikuyu ku mumpundu kaina. ¹⁷ Muchifwa chimo, muti woshe waubwa ukemi bushuka bwa bubwa, oloni muti waubi ukemi bushuka bwa bubi. ¹⁸ Muti wa ubwa ku watha kwima bushuka bwa bubi, nambe muti waubi kwima bushuka bwa bubwa. ¹⁹ Muti woshe uje ku wimi bushuka bwa bubwa baubatula na ku umbila mutuhya. ²⁰ Choni, mu kabathzibukila a bushuka bwabo. ²¹ Kethi boshe bakendeka kuli yange ngwabo, 'Shukulu, Shukulu,' baka kobela mu bumwene bwa mwilu, oloni kubanga baje lika balinga kushaka cha tate ali mwilu. ²² Halitangwa lije banu ba bengi ba kendeka kuli yange ngwabo, 'Shukulu, Shukulu, kutwa polofetele mu lithzina lyobe indi, mulithzina lyobe twatundithile mamba, cho mulithzina lyobe twalingile bya kukomowetha bya bingi?' ²³ Cho njikendeka kumesho abo ngwange, 'Kunja mithzibukile! Tundeni kuli yange, eni ba ka kulinga bya bibi!' ²⁴ Choni, woshe ou athziba majwi ange na ku wononokela apwa nge munalume wa mana ou watungilile njibo yendi ha limanya. ²⁵ Nyothnzi ya nyokele, libathnzi lyethnzile, cho lihunthzi lya uwile na kulipupa hali ije njubo nambe ngocho kuyawile, mwafwa ya tungiwilile ha limanya. ²⁶ Oloni woshe ou athziba majwi ange na kujeneka kwononokela apwa nge munalume wa chilema ou watungile njubo yendi ha mushekesheke. ²⁷ Nyonthzi ya nyokele, ma bathzi, na lihunthzi lya uwile na kulipupa hali ije njubo, cho ya wile, na ma manethelelo a kunyinga chayo." ²⁸ Yesu ha kumanetha kwendeka majwi awa, mbunga ya likomokelele ha longethelo yendi, ²⁹ omu ikeye wa balongethele nge umo wa kele na moko cho kethi ngwe mwa baka kulongetha mashiko.