¹ Omu Yesu wamwene bimbunga byakama,waile ha minkinda,cho watumbamane bathi,bandongethi bendi bethile kuli ikeye. ² Washokolwele kanwa nakubaleketha ngwendi, ³ "Banabethzika aba banahutwa mu sipilitu, omwo bumwene bwa mwilu bunapu bwabo. ⁴ Banabethzika baje bali nakulila, omwo bakabathzembeleka. ⁵ Banabethzika bali nakukongpomeka, omwo bakebo bakaswana kaye. ⁶ Banabethzika baje bali nanjala na lihwila lya buthunga, omwo bakabakutitha. ⁷ Banabethzika bali na ngothzi, omwo kabebo baka bathzilbile ngothzi nabakebo. ⁸ Banabethzika baka kujela mubimbunge, mwafwa bakamona Njambi. ⁹ Banabethzika baka kwolwetha banu,omwo bakathana bana ba Njambi. ¹⁰ Banabethzika banayanda ha buthunga,omwo bumwene bwa mwilu bunapu bwabo. ¹¹ BNabethzika omwo banunbamishaula yeni na kumibangeya yeni na kwendeka nyuma byoshe bay bibi bya makuli mwafwa wange. ¹² Joleleni na kubwahelela,omwo cah bwana bweni chakama chili mwilu. Omu mukemwo banu bayandethelele tupolofita ba yoyele ha lutwe lweni. ¹³ Yeni munapu mongwa wahano ha kaye,oloni nga mongwa washamuka,wartha kupwa bati lalo mongwa? kukakala waubwa lalo oloni kumbila kuti na kuulyatangela kuli banu. ¹⁴ Yeni munapu cheke cha kaye.NGanda batundile hamunkinda kubakayatha kuishweka. ¹⁵ Nambe banu kubeku shwameka ndeya na kuayaka mwithi ya lyendeko,oloni kubanga ha chiti cha ndeya,cho iwtiola cheka kuboshe bali munjubo. ¹⁶ Echeleni ndeya itwile cheke ha mesho abanu mungila bathe kumona bipangi byeni bya bibwa cho bakashangala Isweni ali mwilu. ¹⁷ "Kethi muthinganeyke ngweni njineja na kuthsiya mashiko nambe tupolofita. KUnjethzile na kuwathsiya, oloni na kuwa shulithila. ¹⁸ Mwa busunga bene njinendeka kuli yeni kubanga lilu na kaye bikahita,kukwethi limo limbathe nambe lya lindondo lipwe muchifwa muka likaita kufuma ku lishiko,kubanga byuma byoshe binashulithilila. ¹⁹ Cho woshe uje apokola kamandondo kamo kawa mashiko na kulongwetha bakwebo kulinga ngachije akapwa wa mundondo mubu mwene bwa mwilu. Oloni uje akawa nyunga nakuwalongetha baka muthanena mu bumwene bwa mwilu. ²⁰ Cho njendeka kuli yeni ngwange kubanga kukulahela cheni chitubakana kukulahela cha bakakusoneka majwi a mashiko na ba Faliseo,kumukawana ngila yakukobela mubumwene bwa mwilu. ²¹ "Mwatzhibi laja muchendekele kuli bakebo muthimbu ya kuthangulu, 'kethi uthsiye,' na, "woshe owo akathsiya akakala mu mulonga kusompetha.' ²² Oloni njendeka kuli yeni ngwange woshe owo alubala na ndolome yendi akakala mu mulonga kuchisompeselo:na woshowo endeka kuli ndolome, 'yobe chilema cha munu!' akakala mu milonga kuba ku lunu; na woshe owo endeka ngwendi, 'Yobe chikema!' akakala na mulonga wakuya mumbulu yatuhya. ²³ Cha nga ulunakwana bwana bwobe kuchikombelelo na kuje wanuke ngwobe ndolome yobe ali chuma chimo nobe, ²⁴ thsethza bwana bwobe kuje kulutwe lya chikombelelo. cho ya.Chakulibanga lithambethseni na ndolome yobe,iluka wane bwana bwobe. ²⁵ Litabathanenei na mukango yobe bwathi thimbu muli nakuya nendi mungila kumbanja,kutewa muka ng'ole yobe akakutwala kuli muka kusompa,na mukakusompa akaukutwala kuli liswalale,na kwatha kuka kumbila mukamenga. ²⁶ Mwa busunga njendeka kuli yobe,ku ukatha kukatundamo kubanga unafwete bimbongo bya wa kolotele. ²⁷ "Mwathzibi muchendekewa ngwabo, 'Kethi ukalinge bupangala.' ²⁸ Oloni njimileka ngwange woshe ou akenga munakathzi na lishungu nalingi nendi laja bupangala mu mbunge yendi. ²⁹ Nga lisho lyobe lya chilyo likutanukitha,lichakubulemo na kulyumbila kuti halako nabe.Mwa mubwa kuli yobe chimo chabilyo byoshe chinyonge kutubakana mubila woshe woshe bakaumbile mumbulu ya tuhya. ³⁰ Nga liboko lyobe lyachilyo likutanukitha,litete na ku lyumbila kuti nobe.Mwa mubwa kuli yobe chimo chabilyo byobe chonyonge kutubakana mubila wobe woshe ukanyungwe mumbulu ya tuhya. ³¹ Bachendekele lalo ngwabo, 'woshe ou akondola mwebwendi,napande kumwana mukanda wakuthsiya bulo.' ³² Oloni njendeka kuli yeni ngwange woshe akondola mwebwendi,kwakujeneka mulonga wa bupangala,amupwitha lipangala.Woshe aka mwambata banima yamukondola nalikeye nalingi bupangala. ³³ "Cho lalo mwathziba chendekele kuli baje muthimbu yakusang'ulu 'kethi wakalithinge bya makuli,oloni ambata,oloni ambata kulithinga chobe kuli shukulu.' ³⁴ Oloni njendeka kuli yeni,kethi muketheke kulithingaho,nambe lilu,omwa lyapwa litanda lya Njambi; ³⁵ nambe bya kaye,mwafwa hapwa habulyatelo bwa myanja yendi; nambe Yelusalema,mwafwa ya pwa nganda ya mwene wakama. ³⁶ Nambe kulithinga na mutwe wobe,omu kuwatha kutoketha nambe kuthzibaletha ching'ambu chobe chimo. ³⁷ Oloni kwendeka kweni chipwe, 'Eyo,eyo; nambe 'Embwe,embwe.' Choshe chakutabukanetha aha chitunda kuli lyabolo. ³⁸ "Mwathzibile mubachendekele ngwabo, 'lisho na lisho,cho na liyo na liyo,' ³⁹ Oloni yange njendeka kuli yeni ngwange,kethi muthinwiye umo wa mubi. ololojo,woshe akapupa kunana lya chilyo,mutendulwile lalo yaku chimwoshwe. ⁴⁰ Cho woshe umo ashaka kukosompetha na kwambata chokobelo chobe,echa uje munu lala ambate kazaku kobe. ⁴¹ Woshe aou ashaka kukuhindwiya nunda imo,yanendi binunda bibali. ⁴² Ana woshe alomba kuli yobe,kethi umine umo alomba kuli yobe. ⁴³ "Mwathzibile mubachendeka.'wapande kuthzema mundambo na kuthzinda bitothzi bobe.' ⁴⁴ Oloni njendeka kuli yeni ngwange,thzemeni bitothzi beni,na kulombelela baje banakumiyandetha. (Mabulu akauthang'ulu kuwethi bethzikithseni baje banamithingi,lingeni mwa mubwa kuli baje bamithzinda yeni. ⁴⁵ Mangana mukapwa bana ba Ishweni ali mwilu.Omwo ikye akatulwithila litangwa kubanu bababi na ba babwa,akanyoketha nyonthzi kuli baka buthunga nabaka kulinga mwa mwa mubi. ⁴⁶ Omwo nga uthzema baje bakulema baje bakuthzema, nganyo muka ukawana? kubekulinga chuma chimo ba kakwambata lithimu? ⁴⁷ Mwe umeneka lika bandolome bobe, bika ukalingi byakama kuhyana bakweni? kethi bikebyo bene bibakalingi na bakamafuti? ⁴⁸ Choni mwetele kupwa bakwoloka,ngwe muje Ishweni ali mwilu apwa wa kwoloka.