¹ Omwo mutondo wetele,Tupiliistu bakama boshe na bakulunu baliyongwele kulwitha na kulithzibathana mwa kuthsiila Yesu. ² Bamukutile,na kuya nendi,cho ba mwetethele kuli Ngubulu Pilato. ³ Cho omwo Yundase,ou wamwendele bungungu mwa mwene Yesu bamuhitha,walikonekelele na kwilwitha aje makumi atatu a bimbongo bya siliba kuli Tupilisitu bakama na bakulunu babanu, ⁴ nakwendeka ngwendi, "Njalingi bubi ha kwenda bungungu maninga akweneka mulonga." Oloni bendekele ngwabo, ''Obyo kutwethi nabyo nathimbu yetu? Limwene yobe babenya." ⁵ Cho wombilile bije bimbongo bya siliba hathi mutemebele,cho waile,na kukalishukika." ⁶ Cho tupilisitu bakama bambatele bije bimbongo bya siliba na kwendeka ngwabo, "Kucha telelemo kubyana mu mbango chikasha mwafwa binapu ndando ya maninga." ⁷ Bathimutwiye nang'anda eyi boshe,cho balandele lihya lya mukakushonga bindeho na bije bimbongo ha kushitika bangendthzi. ⁸ Muchifwa echi lije lihwa balikukile ngwabo, "Liya lya Maninga" na lelo lino. ⁹ Cho bije byendekele ka polofita Isaya cha lishulithilile,wendekele ngwendi,"Bambatele makumi atatu a bimbongo bya siliba,ndando iba mulandetheleho bana ba Isilaele, ¹⁰ cho ba yanene kuli liya lya muka kushonga bindeho,nge omu mwanji kambeyeye shukulu." ¹¹ Oloni Yesu wemanene ku mesho a ngubulu,cho ngubulu wa mwihwile ngwendi,"Yobe mwene wa baYunda?" Yesu wamukumbulwile ngwendi, "Mukemwo muundeka." ¹² Oloni omwo tupilisitu bakama na bakulunu bakele na kumubangeya,ka kumbulwile nambe chimo. ¹³ Cho Pilato wendekele kuli ikeye ngwendi, "Kuwethi kuthziba ebi bing'anda bya bingi bali na kukubangeya?" ¹⁴ Oloni ka kumbulwile nambe lijwi limo,muchifwa echi ngubulu wa likomokelele manene. ¹⁵ Cho haje ha chilika cha chithemwa cha ngubulu cha kwechele chindthzinda umo umo uje mbunga bangwile. ¹⁶ Hathimbu ije kwakele chindthzinda wa mubi wa lithzina lya Mbalambasi. ¹⁷ Cho omu balikungulwile hamo,Pilato wendekele kuli bakebo ngwendi,"Iya mutondo nji myecheleye? Mbalambasi,indi Yesu ou Kilisitu?" ¹⁸ Wathzibukile ngwendi ba munenelele Yesu mwafwa wa chipululu. ¹⁹ Omo wachikele ha chitumamo cha kusompela,munakathzi wa mu tuminine lijwi cho wendekele ngwendi, "Kethi ulinge chimo kuli owo munalume wa kwanene mulonga.Omu nja yanda manene lelo mwafwa ya chilota nja mulotela." ²⁰ Oloni tupilisitu bakama na bakulunu ba thindwiyiye mbunga kulomba ku bechela Mbalanbase,cho na kuthsiya Yesu Kilisitu. ²¹ Ngubulu wabehwile ngwendi, "Iyajo hakati ka aba babli imushaka nji myeneye?" Bamukumbulwile ngwabo, "Mbalambasi." ²² Pilato wendekele kuli bakebo ngwendi, "Bikajo nji linga kuli Yesu ou ibakathana Kilisitu?" Boshe bakumbulwile ngwabo, "Mushukike." ²³ Cho wendekelengwendi, "Mwafwa yabikajo,bubi muka bwa nalingi?" Oloni batambakenene helu manene ngwabo, "Mushukikeni." ²⁴ Cho omu Pilato mwa mwene ngwendi chahi chamukwatha,oloni kufumbukila chaputukile,wambatele mema,wajwelele ku maboko endi kumesho a mbunga,cho wendekele ngwendi, "Kunjethi na mulonga ha maninga ou munalume. Cho bipangi byeni." ²⁵ Bnanu boshe bendekele ngwabo, "Maninga endi akale hali yetu na bana betu." ²⁶ Cho wathzitwile Mbalambasi na kubanaye. oloni wabanene Yesu linga bakamushukike. ²⁷ Cho maswalale ba ngubulu batwalele Yesu kulipela lya fulumende na ku kungulula maswalale babengi. ²⁸ Bamushulwile na ku muthzika mukanjo wa kubenga. ²⁹ Babindile chilonga cha mambimbo na kumuthzikacho ku mutwe wendi,na kumwaka mbweti mu liboko lyendi lya chilyo. Ba bulikile ha lutwe lwendi na ku mushendumuna,na kwendeka ngwabo," Kalombo.Mwene wa baYunda!" ³⁰ Bamujekulile mate,cho batambwile mbweti na kumupupa mutwe lalo na lukwabo. ³¹ Hakumanetha kumushendumuna,ba mushulwile uje mukanjo na ku muthzika buthzalo bwendi,cho ba mutwalele kuya na kumushukika. ³² Omwo bakele na kutuhuka,bawanene munalume waku Siyilene wa lithzina lya Simona,ou iba thindwiye kuya nabo mangana a mwambatele chilindakano chendi. ³³ Batele ku mutambela batumbulwe Ngolongota,ou ulumbununa "Mutambela wa chikola." ³⁴ Ba mwanene binyu bya kukumbathana na nyanga mangana anwe. Oloni omu mwai makelelele,wa byanene kuinwa. ³⁵ Omu bamanethele kumushukika,balipangelele buthzalo bwendi hanima yakuta ng'ela. ³⁶ Cho batumbamene na kumunyunga. ³⁷ Helu lya mutwe wendi bakeleho mulonga uje bamwanene,ou bathonekele,ngwabo, "Ou ikeye Yesu,mwene ya baYunda." ³⁸ Bamushukile na kakupikula babali,umo kuchilyo chendi mukwabo kuchimoshwe. ³⁹ Baje bakele na kwita kuje bakele na kumutuka,na kuli nyukumuna mitwe yabo. ⁴⁰ nakwendeka ngwabo, "Yobe uka thiula tembele na kukaitunga mu matangwa atatu,lyobole yobe babenya! oshe umuna Njambi,shulukaho oho ha chilindakano." ⁴¹ Mungila eyi tupulisitu bakama bamushendumwine,hamo na bakakusoneka na bakulunu,bendekele ngwabo, ⁴² "Wobwele bakwabo,oloni kathi kulyobola babenya.Ikeye mwene wa Isilaele.Mwecheni ashuluke ha chilindakano,cho athinoni tukamutaba. ⁴³ Wa kulahela muli Njambi,echeni Njambi amwamene,oshe Njambi atabetha ku mwamena, Mwafwa wendekele ngwendi, 'Yange nji muna Njambi.''' ⁴⁴ Mungila eyi mapwepwe babashukikile hano nendi na bakebo nawa bamutukile. ⁴⁵ Kushangumuka litangwa hakati ka mutwe lithuthulungu lya fwikile kaye koshe kweta na thili kiloko ya mangwethzi. ⁴⁶ Muyetele thili kiloko ya chingwethzi,Yesu wa tambekele na lijwi lya kama cho wendekele ngwendi,"Eli, Eli,lama sabachitani?" eyi ilumbununa,"Njambi yange, Njambi yange,bikajo wa njechelela?" ⁴⁷ Omwo bamo bemanene kuje bathzibile ebi,bendekele ngwabo,"Ali na kuthana Eliya." ⁴⁸ Hajebene umo wabo wa shatukile na kwambata mupelo,wakushula wa binyu bya kuwawata,wakele ku lihongo,cho wa mwanene ngwendi anwe. ⁴⁹ Bathaleleho bendekele ngwabo,"Mwecheleni linga lyendi. Tumone ngwe Eliya aija naku mwobola." ⁵⁰ Cho Yesu watamabakanene lalo na lijwi lya kama lya kukanguka cho wechele mwonyo wendi. ⁵¹ Hajebene,nanga ya mutembele ya tabukile ha bali kutunda helu kwakweta kwithi,na lubu lyandengangele,chona mamanya atabukile kuli panga. ⁵² Bimbumbo bya shokolokele,cho na mibila ya banu baje bathsile bakujela ba thangukile. ⁵³ Batuhukile mubi mbumbo hanima ya kuthanguka kwendi.ba kobelele munganda ya kuthzila cho basholokele kubangi. ⁵⁴ Hajebene omu mukulunu wa maswalale na baje bakele na kumunyunga Yesu bamwene kujaja kwa libu na bije bya lingiwile,bathzibile lyoba manene cho bendekele ngwabo, "Chili bene ou wapwile Muna Njambi. ⁵⁵ Banakathzi ba babengi baje ba kabangeyele Yesu kutunda ku Ngalileya bathele kumwena halako. ⁵⁶ Hakati kabo hakele Maliya Mandelena,Maliya baina ya Yakomba na Yosefa,na baina ya bana na Zembendiya. ⁵⁷ Omu chetele chingwethzi,Kwethzile munalume wa kufuma ku Alamatiya,wa lithzina lya Yosefa,ou wapwile lalo ndongethi ya Yesu. ⁵⁸ Waile kuli Pilato na kukamulomba mubila wa Yesu.Cho Pilato washikile ngwendi bamwenewo mubila wa Yesu. ⁵⁹ Yosefa wambtele mubila,wauthzengelele munanga ya kujela ya linyu. ⁶⁰ Nakuwaka mu mbumbo yendi yaiha ya chokwele mu limanya.Cho kuchikolo cha mbumbo wathindumwinineko limanya lya kama,cho watundileko. ⁶¹ Maliya Mandalena na mukwabo Maliya kubakele,batumabmene na ku kenga mesho abo mbumbo. ⁶² Omwo lya kile,lyapwile litangwa lya ha nima ya kuli bwahethela,tupilisitu ba kama na ba Faliseo ba kungulukile hamo kuli Pilato. ⁶³ Cho bendekele ngwabo, "Mwene,tunanuka echi uje muka kukwitha mwakele na mwonyo,wendekele ngwendi, 'Hanima ya matangwa atatu njikathanguka lalo.' ⁶⁴ Cho honi shika ngwobe ije mbumbo bainyunge manene noho litangwa lya muchitatu,kutewa bandongethi bendi hamo bakaya na kumwibamo cho bakendeka ku banu ngwabo,'Nathanguka kutunda kubathsi;cho makuli aku manathelako akapwa amabi manene kutubakana aku libanga. ⁶⁵ Pilato wendekele kuli bakebo ngwendi, "Ambateni maswaalale.Yeni na ku kanyunga na kukanyunga mwoshe omwo mu mwa shakela." ⁶⁶ Cho baile na kuka nyunga mbumbo,bakele chimwetho ha limanya na kwakako baka kunyunga.