¹ Chasholokele omu Yesu wamanethele majwi oshe,wendekele kuba ndongethi bendi ngwendi, ² "Mwathzibuka ngweni hanima ya matangwa abali Paseka ili na kwija,na Muna Munu baka mwana baka mwana kubanu linga baka mushukike. ³ Cho bakulunu baka ku lombelela na bakulunu bakaungulukile hamo hamo kulilapa lya mukakulombelela wakama,ou bathanene Keifase. ⁴ Balithzinathanene hamo ngwabo bakwate Yesu kimuthebunyutha na kuka muthsiya. ⁵ Bakele nanwendeka ngwabo, "Kethi ino thimbu ya chilika,mangana kulipupanga kethi chikaleko hakati kabanu. ⁶ Omwo Yesu wakele ku Mbetani munjibo ya Simona wakalepa, ⁷ Omu wakele na kulibwaethela kuya ku metha, cho munakathzi wethzile kuli ikeye na njaba ya mathzi a ndando yakama,wa wetille mathzi ku mutwe wendi. ⁸ Oloni omwo bandongethi bendi bamwene echi,balubalela na kwendeka ngwabo, "mwafwajo nabiithila? ⁹ Awa ngwe babawalandethele handando yakama na kwana kubaka kuyanda." ¹⁰ Oloni Yesu.hakuthzibuka echi,wendekele kuli bakebo ngwendi, "Bikajo muli nakupakethele ou munakathzi? mwafwa nalingi cha chuma chibwa kuli yange. ¹¹ Mwakala na bakakuyanda thimbu yoshe,oloni kumukakala nange thimbu yoshe. ¹² Omu netile mathzi ha mubila wange,wachilingile hakushitikiwa kwange. ¹³ Mwabuthunga njimileka,kwoshoko muthzimbu waubwa bali na kuwambulula mu lifuti lyoshe,byanalingi ou munakathzi bakabyendeka na kumwanukilaho." ¹⁴ Cho umo wabaje likumi na babali.ou bathanene Yundase Sakalyote,waile kuli mukulunu baba kakulombelela ¹⁵ nakwendeka ngwendi, "Bika munatha kunjana njikamyaneye yeni?" cho bamufwetele makumi atatu a bimbathzubwila bya siliba. ¹⁶ Kufuma hajebene wakele na kushakathzeka thimbu yaka mwana kuli bakebo. ¹⁷ Cho litangwa lya kulibanga lya likende lya kujeneka chimbalwila bandongethi bendi bethile kuli Yesu na kwendeka ngwabo, "Kuli kunashaka yetu tukubwahethe yobe kwa kulila Paseka?" ¹⁸ Wendekele ngwendi. "Yeni mu munganda ku munalume umo mukendeke kuli ikeye ngweni, 'Mulongethi ngwendi, "Thimbu yange ili muyehi.Njikala na Paseka munjubo yobe hamo na balongethi bange,"" ¹⁹ Balongethi bendi balingile muje mwabalekele Yesu,cho babwahethele kulya cha Paseka, ²⁰ Muchapwile chingwethzi,watumamene na kulya na bandongethi bendi likumi na babali. ²¹ Omu baakele na kulya wendekele ngwendi, "Mwabuthunga njimileka ngwange umo weni akanjenda bungungu." ²² Cho bakele na buthiwa manene, cho umo na umo waputukile kumwihula, "Chili bene kethi Yange, Shukulu?" ²³ Cho wabakumbulwile ngwendi, "Ou umo ambwitika liboko lyendi hamo nange mu lilonga ikeye umo akanjenda bungungu. Muna Munu akaya,ngwe muje mubachisonekele hali ikeye.Olojo ngongo yendi uje munalume ou akamwenda bungungu Muna Munu! ²⁴ Cha chibwa ngwe kuli uje munalume ngwe kathemukile." ²⁵ Yundase,uje akamwenda bungungu wendekele ngwendi, "Yange ndi, Mulongethi? wendekele kuli ikeye ngwendi. "Unendekamo yobe babenya." ²⁶ Cho omwo bakele na kulya,Yesu wamabtele likende,walikwiswile, na kuli pujula. Walyanene kuli bandongethi bendi na kwendeka ngwendi, "Ambateni,lyeni.Ou ukewo mubila wange." ²⁷ Wambatele nganja na kwana kukandelela, cho na kubana nakwendeka ngwendi, "Nweni, mubaboshe. ²⁸ Mwomwo awa akewo maninga ange alitabathano anetikila hali halibabengi ha kukonekela lwa bubi. ²⁹ Oloni njimileka ngwange,kunjikanu lalo kubushuka bwa binyu,kubanga lije litangwa omu njikanwa neni chachihya hamo neni mu bumwene bwa tate." ³⁰ Omwo bamanethele kwimba mwatho,baile kuje kumunkinda wa oliveta. ³¹ Che Yesu wendekele kuli bakebo, "Muba boshe mukanjitewa mathsiki a lelo, mwafwa bachisoneka, ' Njiakabulumuna kanyungi linga bimanga bakalishandoka.' ³² Oloni hanima ya kunjithangula, njikatwama kulutwe yeni mu Ngalileya." ³³ Olojo Petulu wendekele kuli ikeye ngwendi, "Nambe boshe bakakutewa, yange kunjika takutewa." ³⁴ Yesu wendekele kuli ikeye ngwendi, Mwabuthunga njikuleka ngwange,buno buno bene buthsiki,omwo ndemba kanda atambeke, ukanji byana lutatu." ³⁵ Petulu wendekel kuli ikeye ngwendi,nambe ngocho njikathsa nobe,kunjikaku byana." Nabakwabo boshe bandongethi bendekele chuma chimo. ³⁶ Cho Yesu waile nabo kuje batumbwile ngwabo NGetesimane na kwendeka kuli bandongethi bendi ngwendi, "Tumbameni hano thimbu chichiya na kulombela." ³⁷ Wambatele Petulu na bana babali ba Zembendiya baputukile kuthziba buthiwa na lipaketha. ³⁸ Cho wendekele kuli bakebo ngendi, "Mwonyo wange uli na buthiwa manene, kweta kukuthsa. Thaleni hano na kutona nange." ³⁹ Waile halako nabo kabundondo,wakulamenene hathi, na kulombela. Wendekele ngwendi, Batate,ngwe chinathiwa,echeni eyi nganja njitubakane.oloni, kuthi chithzango kwange, oloni chithzango cheni." ⁴⁰ Wethzile kuli bandongethi bendi wabawanene bana lala cho wendekele kuli Petulu, "Bika, wajenekele kutona nange mu hola imolika? ⁴¹ Toneni na kulombela linga kethi mukobele mubyatheko. Sipilitu ina shungwiya,oloni mubila una thzeye." ⁴² Waile kamuchibali na kulombela.Wendekele, "Batate, nga echi kuchatha kwita kubanga njichinwe,chithzango cheni chilingiwe." ⁴³ Wethzile lalo na kubawana bana lala,mwafwa mesho abo analeme. ⁴⁴ Cho wabathethzele lalo,waile na kulombela lwa muchitatu,wendekele majwi amolika. ⁴⁵ Cho Yesu wethzile kuli bandongthi bendi nakwendeka kuli bakebo ngwendi, "Muchili muna lala na kuhwima? Kengeni,thimbu ili muyehi, cho Muna Munu bakamwenda bungungu ku maboko abaka bubi. ⁴⁶ Indukeni,tuyeni,kengeni, omo uje akanjenda bungungu a;i muyehi. ⁴⁷ Omu wakele na kwendeka, Yundase,umo wa baje likumi na babali, wethzile. Mbunga yethzile yethzile nendi kufuma kubaka ku lombelela babakulunu na bakulunu. Bethzile na mikwale na makunga. ⁴⁸ Cho uje munalume akenda Yesu bungungu wabanyateyeye, wendekele ngwendi, "Uje injika thsemba ikeye.Mukwateni." ⁴⁹ Hajebene wethzile kuli Yesu na kwendeka ngwendi, "Tamboka,Mulongethi!" cho wa muthsembele. ⁵⁰ Yesu wendekele kuli ikeye ngwendi, "Kabuthamba,linga bije biuneja na kulinga." Cho bethzile, makukwatele na ku mukuta. ⁵¹ Kengeni,umo wabaje bakele na Yesu watandubwile liboko lyendi, wa mbatele mukwale, na kubatula uje ngamba yauje mukakulombelela wa mukulunu,wabatwile litwi. ⁵² Cho Yesu wendekele kuli ikeye ngwendi, "Ilwitha mukwale wobe muchindalo chawo.mwafwa boshe baje bakambata mukwale bakanyonga ku mukwale. ⁵³ Cho unathinganyeka ngwe kunjatha kuthana hali batate,banatha kunjitumina bakutubakana likumi na babali ya mbunga ya tungelo? ⁵⁴ Olojo bithoneka binapnde kulithulithila,echi chinapande kulingiwa?" ⁵⁵ Haije thimbu Yesu wendekele ku mbunga ngwendi, "Muneja kuli yange na mikwale na makunga na kunjikwata ngwe chi mwithzi? Matangwa oshe njatumbamene neni na kulongetha mu tembele,cho ku mwajikwatele. ⁵⁶ Oloni byoshe ebi binalingiwa linga bithoneka bya bapolofita linga byathe kulishilithilila." Cho bandongethi bendi bamu thethzele na kutewa. ⁵⁷ Baje bakwetele Yesu bamutwalele kuli Keifase mukulunu waba kakulombelela,kuje baka kusoneka majwi a mashiko na bakulunu bakungulukile. ⁵⁸ Oloni Petulu wamukabele hanima na hanja ya kapilisitu wa mukulunu wakobelele mukati na kutumbama hamo natunyungi na kushaka kumona bika bikalako. ⁵⁹ Hajebene tupilisitu baba kulunu na boshe mahako bakele na kutonda bukaleho bwa kubangeya Yesu mangana bawaneneho mumo mwakumuthsiila. ⁶⁰ Kubamuwanene mulonga,nambe bakaleho bamakuli babengi bethzile,oloni hanima babali bethzile halutwe ⁶¹ nakwendeka ngwabo,"Ou munalume wendekele, Njatha kubujula tembele ya Njambi na kuitunga mumatangwa atatu."' ⁶² Kapilisitu wamukulunu wemenene na kwendeka kuli ikeye, "kuwethi na kukumbulula? Bika bene ebi bali na kukubangeyeya bukaleho bwa makuli hali yobe?" ⁶³ Oloni Yesu wolokele kulu. Kapilisitu wa mukulunu wendekele kuli ikeye ngwendi, "Njakukambeya yobe hali Njambi wakuyoya, tuleke ngwe yobe bene Kilisitu,muna Njambi." ⁶⁴ Yesu wamukumbulwile ngwendi, "Yobe babenya unendekamo,kufuma hanobene umona muna munu natumbama ku liboko lya chilyo lya nthzili,alinakwija ha mashelwa mwilu. ⁶⁵ Cho kapilisitu wa mukulunu watabwile buthzalo bwendi na kwendeka ngwendi, "Nendeka mwa likamba mwafwa bika tuchi tondela bakaleho? Kengeni,mwathzibyoni likamba. ⁶⁶ Mwathinganyeka bika?" Bakumbulwile na kwendeka ngwabo, "Napandela kuthsa." ⁶⁷ Cho bamu jekwilile ha mesho na kumu pupa, na kupupa na mimbanda, ⁶⁸ na kwendeka ngwabo, "polofita kuli yetu,yibe kilisitu. Iyajo na ku pupu. ⁶⁹ Cho Petulu watumbamene hanja ya thzango, na ngamba wa munakathzi wthzile kuli ikeye na kwendeka ngwendi, "Yobe nobe wakele na Yesu wa ku Ngalileya." ⁷⁰ Oloni wabyanene halutwe lwabo boshe, wendekele ngwendi. "Kunjithzibuka ebi bimuli nakwendeka." ⁷¹ Omu watundile hachikolo,mukwabo ngamba wa munakathzi wamumwene nakuleka baje bakeleko ngwendi. "Ou munalume naikeye wakele na Yesu wa ku Nazaleta." ⁷² Wamubyanene lalo nakulithinga,"Kunjimuthzibuka ou munalume!" ⁷³ Hanima ya thimbu yaindondo baje bemanene bethzile na kwendeka kuli Petulu ngwendi, " Chili bene yobe nobe umom wabo,endekathi yobe yasholwetha." ⁷⁴ Cho waputukile kuthinga na kulithinga, "Kunjimuthzibuka ou munalume," hajebene na ndemab watambekele. ⁷⁵ Petulu wenukile majwi aje Yesu wendekele ngwendi, "Thimbu kanda ndemba atambeke ukanjibyana lutatu." Cho watuukile hanja na ku kulila manene.