¹ Cho bumwene bwa mwilu bwapwa ngwe likumi lya bambanda bambatele malambi abo na kuya na kuliwana na shombolwa. ² Batanu akele bakweva na batanu bakele bakunyanyama. ³ Omwo bakweba bambatele malambi,kubambatele mathzi eka embwe. ⁴ Oloni baje bakunyanyama bamabtele binjaba bya mathzi hamo na malambi abo. ⁵ Omu shombolwa weshwalele,boshe banengukile na kukotha. ⁶ Oloni hakati kabuthsiki kwakele kulila, 'Kenga,shombolwa! yeni hanja mukaliwane nendi.' ⁷ Cho boshe bambanda bendukile nukushwameka malambi abo. ⁸ Bakweba bendekele kuli bakunyanyama, 'Twaneniko mathzi malambi etu ali nakuthima.' ⁹ "Oloni baje bakunyanyama bakumbulwile na kwendeka ngwabo, 'hakulinga kutwethi na mathzi akupwithamo netu neni,yeni kuli bakakulandetha mukalilandele yeni babenya.' ¹⁰ Omwo baile nakulanda,shombolwa wethzile,na baje balibwahethelele baile nendiku chiwano cha bushombolwa,cho lipito balishokele. ¹¹ "Omwo kwetile thimbu baje bambanda bakwabo bethzile na kwendeka ngwabo, 'Mwene,mwene,tushokolweleko netu.' ¹² "Oloni wabakumbulwile na kwendeka ngwendi, 'chilibene njimileka yeni,njimithzibuka yeni.' ¹³ Cho toneni,kumuthzibuka litangwa nambe thimbu. ¹⁴ "Chili ngwe omo munalume washakle kuya ku lifuti lyeka.Wathanene bangamba bendi nakubana bufuko bwendi. ¹⁵ Hakati kabo umo bamwanene matalenta atanu,mukwabo wamwanene abali, namukwabo lalo talenta imo. Umo na umo watambwile kweththeketha nabinthzili byendi,Cho uje munalumne waile bungethzi bwendi. ¹⁶ Umo uje watambwile matalenta atanu hajabene waile na kuwaneneho akwabo matalenta atanu. ¹⁷ Muchifwa chimo bene nauje watambwile matalenta a bali wa waneneho abali. ¹⁸ Oloni kuli uje ngamba watambwile talenta imo waile,wendile china hathi,na ku ishweka bimbongo bya mwene wendi. ¹⁹ Mwetile thimbu yakama manene uje shukulu ina,wethzile,bingamba welukile na kumona mubanapangela. ²⁰ Uje ngamba watambwile matalenta atanu wanenele matalenta atanu. Wendekele, 'Shukulu, wanjanene matalenta atanu, kenga, njawaneneho lalo atanu.' ²¹ Cho uje Shukulu wendekele kuli ikeye ngwendi, 'Walingi mwa mubwa,ngamba wa mubwa na likulahelo! wakulahelele ha byuma bya bindondo. Kobela mukujolela mubwathe na Shukulu yobe.' ²² Uje ngamba watambwile matalenta abali wethzile nakwendeka, Shukulu mwanjanene matalenta bali, Kenga, cho njinawaneneho abali hakamwa.' ²³ Uje shukwaina wendekele kuli ikeye ngwendi, 'Walingi mwa mubwa, ngamba wamubwa na walikulahelo! wakulahelele ku byuma bya bindondo. Njikakupwitha muka kunyunga byuma bya bibingi.Kobela nakubwahelela na shukulu yobe.' ²⁴ "Cho uje ngamba watambwile talenta imo wethzile na kwendeka, 'shukulu, njathzibuka ngwange umunu wamukalu. Ukateje muje kuwa kubile. cho ukakungulula muje kuwashandwelele. ²⁵ Njathibile lyoba, njaile na kuishweka talenta yobe hathi. Kenga, byuma byobe ebi.' ²⁶ "Oloni mwene wakumbulwile na kwendeka kuli ikeye,obe ngamba wamubi na kuluwa,wathzibukile ngwabo njikateje muje kunja kubile na kukungulula muje kunjashandulwele. ²⁷ Kumani ngwe wanene mbongo yange kuli bakakulandulula,noho ha kwiluka kwange ngwe njinawana kamo kahakamwa. ²⁸ Kumani munyekeni muyane kuli uje ngamba wakele na likumi lya matalenta. ²⁹ Kuli uje alinabyo, baka mwana bya bingi - cho bya bingi bakamwanabyo. Oloni ou kethi na byo,nambe bije ali nabyo bakamunyekabyo. ³⁰ Mumbileni ou ngamba wakujeneka theho mu lithuthulungu,kuje kukakala kulila na kulingenjenga ku mayo.' ³¹ "Omu Muna munu akaija mubumpahu bwendi na tungelo boshe hamo nendi,cho akatumbama halitanda lyendi lya bumpahu. ³² Halutwe lyendi miyati yoshe ikakunguluka, cha akangununa banu umo kufuma kubakwabo,ngwe omwo kanyungi akangununa bimanga kufuma ku bimembe. ³³ Akaka bimanga ku liboko lya chilyo,oloni bimembe ku liboko lya chimwoshwe. ³⁴ Cho Mwene akendeka kuli baje ba ku liboko lya chilyo ngwendi, 'Ijeni,yeni bana bethzikitha kuli tate,swaneni bumwene banamibwahethela kutunda ku kutanda kwa kaye. ³⁵ Omu njakale na njala wanjanene bya kulya; Omwo njakele na lihwila cho wanjanene bya kunwa; Njakele njimungethzi cho wanjitambwile; ³⁶ Njakele mushelengwa cho wa wanjithzikile; Njakele nakubinja mwa njinyungile; njakele mukamenga cho mwethzile nakunjimona.' ³⁷ "Cho baje baka buthunga baka mukumbulula na kwendeka ngwabo, "Shukulu, litangwa likajo twakumwene ulina njala cho twakulithile? nambe ulinalihwila na kukwana bya kunwa? ³⁸ LItangwa likajo twakumwene kupwa mungethzi cho twakutamwile? nambe uli mushelengwa cho twakuthziokile? ³⁹ Cho litangwa likajo twakumwene uli nakubabala cho twathzile nakukumona nambe uli mukamenga cho twethzile na kukumenekela?' ⁴⁰ Cho mwene akabakumbulula ngwendi, buthunga nji mileka ngwange, bimwalingile kuli omo wamundondo kuli ba bandondo bange,mwachilingile kuli yange.' ⁴¹ Cho akendeke kuli baje bakuliboko lya chimoshwe lyendi, 'Tundeni kuli yange,yeni bakithingiwa, mutuhya twa myaka tuje banamibwahethela na satana hamo natungelo twendi, ⁴² mwafwa njakele na njala,oloni kumwanjanene bya kulya,njakele na lihwila,oloni kunjanene bya kunwa, ⁴³ Njakele mungethzi,oloni kumwa njitambwile,njakele mushelengwa,oloni kumwanjithzikile; kubinja na mukamenga,oloni kumwanjitalele.' ⁴⁴ "Cho bakamukumbulula ngwabo, ' Shukulu, thimbu muka twakumwene uli nanjala, nambe lihwila, nambe mungethzi, nambe buthzu, nambe kubinja, nambe mutolongo, twahona kukulingilacho yobe?' ⁴⁵ "Cho wakumbulwile ngwendi, ' buthunga njimileka ngwange, omo kumwachilingile kuli omo wamundondo wabo, kumwachilingile kuli yange.' ⁴⁶ Aba akaya mutuyondo twa myaka yoshe, oloni bakabusunga bakakobela mumwonya wamyaka na myaka."