¹ Chohoni buthsiki bwa Sambata,omu wetele mulungulungu wa kukya kwa litangwa lya kulibanga mu chalumingu,Maliya mangandalena na Maliya mukwabo baile na kumona ku mbumbo. ² Kengeni,kwangele mandunduma,mwafwa kangelo wa Shukulu wa shulukile kutunda mwilu,wethzile na kutundithako limanya,cho wa tumaneneho. ³ Chifwa chendi chapwile ngwe muhyato,na buthzalo bwendi bwa tokele ngwe meme a chibwe. ⁴ Maswalale bajajele mwafwa ya lyoba cho ba pwile ngwe banu ba kuthsa. ⁵ Kangelo wendekele kuli banakathzi cho walekele ngwendi, "Kethi muthzibe lyoba,mwafwa njathzibuka mgwange muli na kuthetela Yesu,ou iba shukikile. ⁶ Kethi kuno,oloni na thanguka,nge muje mwendekele. Ijeni mumone mu mwela mwa lalele Shukulu. ⁷ Yeni bwathi cho mukaleke bandongethi bendi ngweni, 'Nathanguka kubathsa. Kengeni,ali nakulibanga ku Ngalileya. Kuje muka mumona.' Kengeni,njamileke." ⁸ Baja banakathzi batundileko bwathi bwathi kujeku mbumbo na lyoba na ku bwahelela manene,cho ba shatukile na ku kuleka bandongethi bendi. ⁹ Kengeni, Yesu waliwanene nabo na kwendeka nabo ngwendi, "Mitende yeni!" Banakathzi bethzile,ba kwatele mendi endi na kumulemetha. ¹⁰ Cho Yesuwendekele kuli bakebo ngwendi, "Kethi muthzibe lyoba,yeni muleke bandolome bange baye ku Ngalileya. Kuje bakanjimona." ¹¹ Chooni ha thimbu banakathzi bakele nakuya haje bene,bamo maswalale baje banyungile mbumbo baile ku nganda na kuleka tupilisitu bakama byoshe bije bya lingiwile. ¹² Omu tupilisitu muba liwanene na bakulunu ba thimutwiiye ije ng'anda hamo nabo,banene bimbongo bya bingi kuli maswalale ¹³ na kubaleka ngwabo, "Lekeni bakweni ngweni, "Bandongethi ba Yesu banetghzile mathsiki na kwiba mubila wendi yetu omwo twalalele.' ¹⁴ Oshe ou muthzimbu weta kuli Ngubulu,tuka muthindiya cho yeni kethi muli jakamene." ¹⁵ Cho maswalale bambatele bimbongo na kulinga muje babakambeyeye. Muthzimbu ou wa tandale mukati ka ba Yunda cho uchitwalela na lelo. ¹⁶ Oloni bandongethi likuni na umo baile ku Ngalileya,kuje ku munkinda kwa balekele Yesu kuya. ¹⁷ Muba mu mwene,ba mulemethele,oloni bamo bakele na bimata. ¹⁸ Cho Yesu wethzile kuli bakebo na kwendeka nabo kwendeka ngweni, "Ndthzili yoshe ya mwilu na hathi bana njanayo. ¹⁹ Yeni oni na kupwitha bandongethi bakamafuti oshe. Muba mbwitike mulithzina lya Tate,lya Mwana, neli lya Mundthzindthzime wa kuthzila. ²⁰ Mubalongethe ku kabangeya byuma byoshe binja mikambeya yeni, Kengeni,njili neni thimbu yoshe, kweta na kumamanethelo a kaye.