¹ Cho Yesu wendekele ku mbunga na kuli bandongethi bendi. ² Wendekele ngwendi, "Bakakuthoneka na bafaliseo bakatumbama mu chitwamo cha Mosesa. ³ Ngachije bili byoshe bamikambeya yeni kulinga,bilingeni na kubitulika. Oloni kethi mutemwine bilinga byabo,mwafwa bakendeka byuma oloni kulinga kwahi. ⁴ Eyo,bakakutu biteli bya kulema ebi bikabakaluwila kwamabata,nakubyaka ha bithsili bya banu.Oloni bakebo kubatha kutanubula munye na kwambata kwahi. ⁵ Bakalingi bilinga byabo linga babamone kubanu. Mwafwa bakametha filakitalisi yabo,na kwametha bishop bya buthzalo bwabo. ⁶ Bakashaka byela bya bukulunu ha bilika na bitwamo bya bukulunu muma Sinangonga, ⁷ nakunmeneka kwa kulimamanene mu byela bya kulandethela,nakubathana "Labbi' ku banu. ⁸ Oloni yeni kethi bakamithane 'Labbi,' mwafwa muli lika na mukakulongetha umo,neni boshe muna ndolome. ⁹ Cho kethi mukathane munu umo wahathi kupwa Ishweni,mwafwa mwakala na Ishweni mo lika.cho wakala mwilu. ¹⁰ Nambe kumithana 'bakakulongetha,' mwafwa nwakala na mukakulongetha umo lika,ou Kilisitu. ¹¹ Oloni ou alyametha hakati keni akapwa ndungo yeni. ¹² Aliwoshe akalijundula babenya baka mwononwetha,cho aliwoshe akononoka babenya baka mujundula. ¹³ Oloni malwa kuli yeni,bakakuthoneka naba faliseo,bakamakuli! Mukashoko bumwene bwa kwilu ku banu. Mwafwa kukakobelamo yeni babenya,nambe kutabetha baje batela kukobelamo kulinga ngocho. ¹⁴ Bihoneka bya bibwa bya kuthang'ulu kubyethi na mbathzubwila (bikwabo byakeleko eyi mbathzubwila hanima ya mbathzubwila 12). Malwa kuliyeni,bakakuthoneka bakathoneka naba faliseo,bakamakuli! mwafwa mukatambula binjubo bya bantuliwe,na kusholola kulomba manene. Ngachije mukatambula kulwitha chakama. ¹⁵ Malwa kuli yeni,bakakuthoneka naba faliseo,bakamakuli! mwafwa mukai ha mashali na binunda nakulingitha umo kutenguluka,cho nga napu umo,mumupwitha muna munangekena lubali kutubakana yeni. ¹⁶ "Malwa kuli yeni,baka kutwamenena tuputwa,yeni mukendeka ngweni, 'Uliwoshe akalithingila ha tembele,nebi nalingi byahi. Oloni ou woshe akalithingi ha ngolinde yamu tembele,akakutiwa na kulithinga chendi.' ¹⁷ Eni tupuputwa bakkweba! chakama chili,ngolinde indi tembele ije akanenetha kuthzila cha ngolinde? ¹⁸ Cho,woshewo akalithingila ha litanda,chili changocho. Oloni ou akalithingila ha bwana buli halitanda,akakutiwa na kulithinga chindi?' ¹⁹ Eni tupuputwa twa banu! chakama chili,bwana indi litanda lije linenetha bwana kukala bwakuthzila? ²⁰ Ngachije honi, ou walithingile ha litanda na lithingi nahali byoshe bikakalaho. Ou walithingila ha lithingi na hali byoshe bikakalaho. ²¹ Ou wathimpa ha tembele na lithingi hali ikeyo na hali woshe akayoyelamo. ²² Cho ou alithitha mwilu na lingithila na litanda lya Njambi na uje akatumbaho. ²³ "Malwa kuli yeni,bakakuthoneka naba faliseo,bakamakuli! mwafwa mukalambula minti na ndili na kyumin,oloni muthethza byuma bya kulema bya mashiko - bya bukalaho na ngothzi na likulahelo chakwitila kulinga. Oloni ebi mwatelele kulinga kethi kubithenthza kubilinga kethi kubithethza kwa kujeneka kubilinga. ²⁴ Eni bakakutwamenena mubupuutwa,mukanyunguko kachela na ku myanako ngamela! ²⁵ "Kayando kuli yeni, bakakuthoneka naba faliso,baka makuli! mwafwa mukakashu nganja hanja ya lilonga nunashulu lithsita na kulishaka. ²⁶ Eni tupuputwa twa ba faliseo! Bangeni kujeletha mukati ka nganja na lilonga lyeni,mangana hanja haije na kujela lalo. ²⁷ Kayando kuli yeni,bakakuthoneka naba faliseo,bakamakuli! mwafwa munapu ngwe bihilo bya kujeneka chimo,echi hanja haije oka cha chibwa,oloni mukati chinashulu na bithsiya bya banu na byoshe bya bibi. ²⁸ Mungila imoloka,neni hanja musholoka kuthungama ku banu,oloni mukati munashulu na makuli na kuliula mashiko. ²⁹ Kayando kuli yeni,bakakuthoneka naba Faliseo,bakamakuli! mwafwa mukutunga bihilo bya tupolofita na kwaku butongwe ha bimbumbo bya babuthunga. ³⁰ Mukendeka ngweni, 'nga twayoyelele mu matangwa aba kakulwila betu,nga kutwalipandathanene nabo mukwitila maninga a tupolofita.' ³¹ Ngachije mukalilumbunwina yeni babenya ngweni mu bana babaje bathsile baje tupolofita. ³² Cho neni lalo mukashulithiwa na theteko yaba kukulwila bene. ³³ Eni manyoka,bana bamambwambwa,mukatewa bati kubatula kwa ngehena? ³⁴ Ngachije bene,kengeni,njinakumitumina tupolofita na bakamana nabakakuthoneka. Bamo mukabathsiya na kubashukika,bakwabo muka ba pupa muma Sinangonga eni nakubashatukitha kutunda nganda kuya nganda ikwabo. ³⁵ Kumamanethelelo akakala ngwabo,maninga abaka kuthungama boshe aje banetila ha lifuti bakamwanena,kutunda kumaninga amukakuthungama,Ambele,kweta ku maninga a Zakaliya muna Mbelekiya,ou mwathsiyilile mukati ka njubo ya kuthzila na litanda. ³⁶ Buthunga njendeka kuli yeni ngwange,byuma byoshe ebi bikaja ha mitwe ya chithemunwino chino. ³⁷ ''Yelusalema,yelusalema,yeni mukathsiyi tupolofita na kwasha mamanya baje banatumina kli yeni! Lungahi njikathsila kukungulila bana beni hamo,ngwe muje kashumbi akakungulula bana bendi mumambaba endi,oloni kumwashakele! ³⁸ Kengeni,njubo yeni banamithethzelayo ha bulika. ³⁹ Mwafwa njendeka kuli yeni ngwange,kutunda lelo kumukanjimono kubanga nomu mukendeka ngweni, 'Nabethzika ou aija mulithzina lya Shukulu."'