¹ Yesu wendekele nawa kuli bakebo mubithimo,nakwendeka ngwendi, ² "Bumwene bwa mwilu bunapu ngwe uje wabwahethele chilika cha bulo bwa munendi wa munalume. ³ Watumine bangamba bendi kuya nakuthana baje babalanyene kwija kuchilika cha bulo,oloni kubethzileko. ⁴ Cho lalo mwene watumine bangamba bendi,nakwenda ngwendi, 'Balekeni baje babalanyene, ''Kenga,njina bwaletha kulya chamangwethzi. Ngombe yange na bangombe bakununa banaba thsiyi,na byuma byoshe bana bibwahetha. Ijeni kuchilika cha bulo."' ⁵ Oloni kubakeleko mane na kuya baile,umo waile kumahya endi,mukwabo waile kumingotho yendi. ⁶ Bakwabo babombolwele bangamba ba mwene,nakuthzibitha shwama,na kuba thsiya. ⁷ Cho mwene walubalele,cho watumineko mashwalale bendi baile nakukabathsiya baje bathsiyile bilothzi bendi nakwenyeka bimbongo byabo. ⁸ Cho wendekele kuli bangamab bendi ngwendi, 'chilika cha bulo chinabwaha laja,oloni banje babalanyele kuba fwililile. ⁹ Cho muye mu thamba lya bingila na kulanya banu bababgi boshe ba muwanako beje kuchilika cha bulo.' ¹⁰ Cho bangamab baile muthambwa lya bingila na kukungulula banu boshe hamo baba wanene,boshe bababi na bachili. Cho munjubo ya bulo mwashulile na bangethndthzi. ¹¹ Oloni omwo mwene wethzile kwija na kukenga bangethzi,wamwene munalume uje kathzalele buthzalo bwa bulo. ¹² Cho mwene wendekele kuli ikeye na kumwihula ngwendi, 'Mukwetu,wakobela bati muno mukatikwakwonowa kuthzala buthzalo bwa bulo?' Oloni ou munalume wahonene nebi bya kwendeka. ¹³ Cho mwene wendekele kuli bangamba bendi na kubaleka ngwendi, 'Ou munalume mukuteni kumaboko na kumikono,mumumbile hanja hali lithuthulungu,haje linga alile nakuli ngenjanga kumayo.' ¹⁴ Omo banu babangi banabathana,olojo babandondo babanangula." ¹⁵ Cho bafaliseho baile nakuyongola mwakumwethekela Yesu mubi byendeka byendi. ¹⁶ Cho bamutumine bandongethi,amolika na baje ba Helonde. Bendekele kuli Yesu ngwabo, "Mulongethi,tuthzibuka ngwetu wapwa wa buthunga, na kulongetha bingil bya Njambi mu buthunga.Mwafwa ukakongweya bithinganyeka bya mumbunge ya munu woshe,na kuhonowa kwaka mbunge yeni kubihanga bya banu. ¹⁷ Cho tuleke, wathinganyeka bati? Indi chinapande kufweta lithimu kuli Sezale tahindi? ¹⁸ Cho Yesu wathzibukile laja bubi bwabo nakwendeka ngwendi, "Bika mulina kunjethekele, yeni baka chibembulu? ¹⁹ Njimwetheni mbongo ya fweto ya lithimu.'' cho bamwanene mbongo imolika. ²⁰ Yesun wendekel kuli bakebo na kubehula ngwendi, "Cheyajo chihanga na lithzina lyeya eli?" ²¹ Bamukunbukwile ngwabo, "Cha Sezale." Cho Yesu wendekele na kubaleka ngwendi, "Cho aneni kuli Sezale byuma bije bya kundama kuli Sezale,Cho lalo nakuli Njambi byuma bije bya kundama kuli Njambi." ²² Omwo bathzibile ebi,balikomokelele.Cho boshe bamuthethzele na kuya baile. ²³ Halitangwa lije bene basanduki bamo,baje nendekele mgwabo kukwethi kuthanguka kubathsi,bethzile kuli ikeye. Bamwihwile, ²⁴ ngwabo, "Muongethi,Mosesa wendekele ngwendi, 'Mona munalume nathsi,kwakujeneka kuthethza bana,cho ndolome yendi napande kwambata munakathzi wendi managana akala na bana bandolome yendi.' ²⁵ Kwakele bandolone batanu na babali. Wakulibanga wambatele munakathzi cho uje munakathzi wendi wathsile.Kwa kujeneka kuthethza bana,wathethzele munakathzi wendi kuli ndolome yendi. ²⁶ Cho ndolome wamuchibali naikeye lalo wathsile mungila imo yakujeneka kukita bana,cho uje wamuchitatu nendi wathsile mumolika na kweta kuli ndolome yabo wa muchitanu na wa muchi balai. ²⁷ Hanima yabo boshe aba,na munakathzi nendi wathsile. ²⁸ Chohoni hakuthanguka ou munakathzi akapwa weya hali aba boshe bandolome bendi batanu na babali? Mwafwa akuloinga boshe bamwambatele. ²⁹ Oloni Yesu wabakumbulwile na kubaleka ngwendi, "Mwathebuka mwafwa kumuthzibuka bithoneka name bindthzili bya Njambi. ³⁰ Omwo bakathanguka kuba kambata nameme kubaka bana malao. Olojo bakapwa ngwe tungelo ba mwilu. ³¹ Oloni kutheteketha kuthanguka kwa bathsi,kumwatandele bije byendekele Njambi kuli yeni,nakwendeka ngwendi, ³² 'Yange Njambi wa Abilahama,Njambi ya Isaki na Njambi ya Yakobo'? Njambi kethi Njambi wa bathsi,oloni Njambi waba kakuyoya." ³³ Cho omwo mbunga ya banu yathzibile ebi,bali komokelele a kulongetha kwendi. ³⁴ Oloni omwo bafaliseo bathzibile ngwabo Yesu nolwetha basanduki,balikungulwile bakebo babenya amolila. ³⁵ Umo hakati kabo,wapwile wakukuluka mumashiko,wamwihwile chihula,chakumwetha - ³⁶ "Mulongethi,cho lishiko muka lyapwa lyakama ku mashiko oshe?" ³⁷ Yesu wamukumbulwile ngwendi, '"Thzema Shukulu Njambi yobe na mbunge yobe yoshe, na mwonyo wobe woshe na mana obe oshe,' ³⁸ Eli likelyo lishiko lya kulibanga lya kama manene." ³⁹ Cho lishiko lya muchibali linapwe ngwe - 'Thzema mukweni mu mulyatela ngwe omwo muwalithzemena yobe babenya.' ⁴⁰ Hali ano mashiko abali anemaneneko mashiko oshe na tupolofita ba Njambi. ⁴¹ Omwo bafaliseo bachikele na kuli kungulula hamo,Yesu wabehwile chihula. ⁴² Wabehwile ngwendi, "Mwathinganyeka bika hali Kilisitu? Ou napu mwana wa munalume weya?" Bamukumbulwile ngwabo, "Mwana wa munalume wa Ndavita." ⁴³ Cho Yesu wendekele kuli bakebo ngwendi, "Omo bikajo Ndavita mundthzindthzime wakuthzila amuthana ngwendi Shukulu,kwendeka ngwendi, ⁴⁴ 'Shukulu wendekele kuli shukulu yange,ngwendi, "Tumabama kuliboko lyange lya chilyo, njaka bitothzi bobe mwithi lya myanja yobe"'? ⁴⁵ Mona Ndaviti athana Kilisitu 'Shukulu,' Cho batijo apwa muna Ndavita wa munalume?'' ⁴⁶ Naumo wahi wethekele kumukumbulula nambe lijwi limo,nambe kutunda halitangwa lije naumo munu wethekele kumwihula bihula.