¹ Omo kwetile matangwa atanu na limo Yesu wambatele Petulu na Yakomba, na Yowano ndolome yendi, na kuba nena helu lya munkinda lya lilaha kwabo lika. ² Cho walumukile mweka kuli bakebo. Chihanga chendi cha byakumine ngwe lithathe, na buthzalo bwendi bwalumukile na kupwa bwa kutoka tooo ngwe cheke. ³ Taleni, Kwabasholokelele ba Mosesa na Eliya bakele na kwendeka nendi. ⁴ Cho Petulu wa kumbwilile na kwendeka kuli Yesu ngwendi, "Shukulu, china bwaha manene kuli yetu kukala kuno. Ngwe ushaka ngocho, cho nji tunge lika mambalanda a tatu kuno—limo lyobe, na limo lya Mosesa, na limo lalo lya Elinja." ⁵ Haje achendeka, Taleni, kwethzile lishelwa lya kubyakuma nakubafwika, cho taleni, kwakele lijwi lya tundile muli shelwa, lyendekele ngwalyo, "Ou ikeye munange inja thema, owo muli ikeye nja bwahelela kutubakana. Tolilileni kuli ikeye." ⁶ Omu baje bandongethi bathzibile ngocho, bawile cha mesho hathi cho ba thzibile lyoba. ⁷ Oloni Yesu wethile na kuba kwata na kwendeka kuli bakebo ngwendi, "Katukeni cho lalo kethi muthzibe lyoba." ⁸ Cho jo bandwile mesho abo oloni ku bamwene nambe umo kubanga Yesu lika. ⁹ Omu bakele nakuthikumuka kutunda haje ha munkinda, Yesu wa ba kambeyeye, ngwendi, "Chithzila mwambulule echi chimona ku munu woshe kubanga muna munu nenduka laja ku bathsi." ¹⁰ Cho bandongethi bendi bamwihwile, ngwabo, "Bikajo baka kuthoneka ba kendeka ngwabo Elinja napande kuli banga kwija?" ¹¹ Cho Yesu wa kumbulwile kwendeka ngwendi, "Chili bene Elinja aka ija mangana aka bwahethe byuma byoshe. ¹² Olojo njimileka, Elinja na ija laja, oloni bakebo kuba muthzibukile. Olojo balingile byoshe bije biba shakele kulinga kuli ikeye. Mungila imo lika, cho muna munu akayandela kumaboko abo." ¹³ Cho haje bene bandongethi ba thzibithithile oni ngwabo wakele na kwendeka kuli bakebo hali Yowano muka ku Mbwitika. ¹⁴ Omwo betele kuje ku mbunga, munalume umo wethzile kuli ikeye, cho wa bulyamene kuli ikeye na kwendeka ngwendi, ¹⁵ "Shukulu, kala na ngothzi hali munange wa munalume, mwafwa muka kushinya cho na yanda manene. Mwafwa aka wila lwa lwingi mutuhya nambe mu mema. ¹⁶ Nja mu nenele juli bandongethi bobe, olojo kubathele kumu kangwitha." ¹⁷ Yesu wakumbulwile ngwendi, "Yeni baka kujeneka ku kulahela nachithemwa chakulinga bya bibi, bithimbu bingahijo nja pande ku kala nenni? Muneneni buno kuli yange." ¹⁸ Yesu wa tenukilile uje lyamba. Cho wa fumine muli ikeye, cho nauje mwanike wakangukile hali ije ibene thimbu. ¹⁹ Cho bandongethi bethzile kuli Yesu mu kubanda na kwendeka ngwabo, "Omwo bikajo twonowelele kulitunditha?" ²⁰ Yesu wendekele kuli bakebo ngwendi, "Hamulonga wa ku kulahela cheni cha chindondo. Mwafwa mwabuthunga bene nji mileka ngwange, nga muli nalukulahelo lwa kulyetheka na nona yambuto ya muthalata, mwatha kwendeka kuli ou Munkinda ngweni, 'Fuma aha uye haje,' cho lyatha lishwena, na chimo chahi chipwa cha chikalu kuli yeni." ²¹ Aje mabulu a mabwa manene aku thañulu ku wethi na mbathzubwila ya 21, "Olojo ou lyamba wa chifwechi katha kutaba kufuma kubanga na malombelo na ku lithzila kulya." ²² Hathimbu ije ba tumamene mu Ngalileya, Yesu wendekele kuli bandongethi bendi ngwendi, "Muna Munu baka mwana mu maboko a banu, ²³ cho baka muthsiya, cho hali tangwa lya mu chitatu baka mwindula lalo." Cho bandongethi bendi bali shoshomenene manene hali echi. ²⁴ Cho omu betele ku Kapelanamu, baje banalume ba kele na kutambula lithimu bethzie kli Petulu na kwendeka ngwabo, "Kuma ou mulongethi weni kethi kufweta lithimu?" ²⁵ Cho wa ba kumbulwile ngwendi, "Eyo." Cho omu mwethzile Petulu muje munjubo, Yesu ikeye wa pwile waku libanga kwendeka kuli ikeye ngwendi, "Wa yongolaho batijo aha, Simoni? Kuli beyajo bimyene ba hano ha kaye ku baka tambula lithimu? Ku bana babo indi ku banu?" ²⁶ "Ku banu beka," Petulu wa kumbulwile. Cho Yesu wamukumbulwile ngwendi. "Ngwe mukemo chili ngochoni cho bana bakala ba kuthamba," ²⁷ Olojo ha mulonga wa kutewa ku tanukitha aba baka ku teletha lithimu, ya kundonga, na kukwat uje ithi aka bangela ku kwata ku kalobo. omu uka fukula mu kanwa kendi, uka wanamo mbongo. Cho uka yambate na kuya na kufweta lithimu lyobe na nge lalo.