¹ Cho ba Faliseo bamo na bakakuthoneka bethzile kuli Yesu kutunda ku Yelisalema. Chojo bendekele kuli ikeye ngwabo, ² "Omu bikajo bandongethi bobe bakajeneka kuthingimika mashiko a bakulunu? Mwafwa kubethi kujwala ku maboko abo athimbu ya kulya likende." ³ Chojo nendi wa kumbulwile na kwendeka kuli bakebo ngwendi, "Indi yenioni bikajo muka jombokela lishiko lya Njambi a mulonga wa kuthingimika mashiko eni? ⁴ Mwafwa Njambi wendekele ngwendi, 'Thingimika baisha na banyoko,' cho na uje 'Uje woshe yendeka bya bibi hali baishe na baina cho chili bene athsa.' ⁵ Olonini yeni mukendeka ngweni, 'Uje woshe yendeka kuli baishe nambe baina ngwendi "Bukwathi bwoshe buje bumunapandele kutambula kuli yange bunapwoni bwana nji nana kuli Njambi." ⁶ cho uje munu wa ngachije kapandelenioni kuthingimika baishe.' Cho na mungila bene eyi muna fwefulula lijwi lya Njambi. ⁷ Yeni baka chibembulu! Kumani chili bene Isaya wa polofitile bwino aliyeni omwo wendekele ngwendi, ⁸ 'Aba banu baka njithingimika lika na tunwa twabo olojo bimbunge byabo bili ku lyala nange. ⁹ Ngechi bakanjilemetha mu ngocho ngocho mwafwa baka longetha mashiko a banu kupwoni ngwe bikebyo bilongetha byange.''' ¹⁰ Cho wathanene ije mbunga ya banu kuli ikeye na kwendeka kuli bakebo ngwendi, "Tolilileni cho lalo thzibithiteni bwino - ¹¹ Na chimo chahi chije chikakobela mu kanwa chi chatha chije chi kakaobela mu knwa chi chatha kujwaletha munu. Olojo,chije chituhuka mu kanwa,echi chikecho chi chi natha kujwaletha munu." ¹² Aje bene bandongethi bethzile kuli Yesu na kwendeka kuli ikeye ngwbo,"Una tanekeya ngwe baje ba Faliseo bana lubaleleomu bana thzibile ebi unendekele?" ¹³ Chojo Yesu wkumbulwile na kwendeka kuli bakebo ngwendi, "Mbuto yoshe ije Tate wa mwilu ka kunine baka itukulamo. ¹⁴ Betheleni mwafwa banapu bantwama ba tupuputwa. Chojo ngwe kapuputwa a twamenena kapuputwa mukwabo,cho boshoni bawila mu chiteke." ¹⁵ Cho Petulu wa kumbulwileko na kwendeka kuli Yesu ngwendi, "Kuchitu lumbunwine bwino mu china ila echi chithimo echi." ¹⁶ Cho nendi Yesu wendekele ngachije ngwendi, "Kumani neni "Kumani nenei lalo anga ku mwatha kuthzibithitha? ¹⁷ Kumani ku mwatha kuthzibithitha ngweni chije choshe chiya mukanwa chi chika tubakanena mu mwimo cho na hanima chikatuhuka kuyoni ku mushondo? ¹⁸ Olojo bije byuma bije bika tundu mukanwa bika tundilila mu mbunge. Chojo bije bikebyo byuma bije bika jwaletha munu. ¹⁹ Mwafwa mu mbunge mukemwo muka tundilila bithinganyeka bya bibi,bya kuthsiya,bya bukaleho bwa makuli,na kutomba. ²⁰ Chojo ebi bikebyo byuma bije bika jwaletha munu. Olojo kulya na maboko a kwilika kujwala kuchatha ku kujwaletha munu embwe." ²¹ Cho na hanima Yesu watundile kuje na kuyoni ku mutambela ya binganda bya Tile na Sindoni. ²² Cho kengeni,munakathzi waku Kanana wethzile ku tundilila kuli uje mutambela. Cho wa tambekelele na kwendeka ngwendi, "Njithzibileko mema ku mbunge,Mwene,Muna Ndaviti!Munange wa munakathzi bana mu kwata manene maamba." ²³ Oloni Yesu ka mukumbulwile nameme lijwi limo. Chojo na bandongethi bendi bethzile kuli ikeye na ku mulomba,ngwabo, "Mutume aye kulyala,mwafwa ali na kulila mu nima yetu." ²⁴ Olojo Yesu wamukumbulwile na kwendeka ngwendi, "Kubanji tumine kuli boshe kubanga lika kuli baje bamanga bakuthzimbala ba mu njubo ya Isilaele. ²⁵ Olonini ikeye wethzile na ku bukyama kuli ikeye,na kwendeka kuli ikeye ngwendi,"Mwene,nji kwathe." ²⁶ Cho na ikeye wakumbulwilw na kwendeka kuli ikeye ngwendi, "Kuchapandele kwambata likende lya bana na ku lyumbila ku bana ba bandondo batutali." ²⁷ Olojo nendi lalo wendekele ngwendi,"Eyo,Mwene,olonini nambe bene bana ba tutali ba kali kuli buje bungululu bubu kau ku metha ya shukwaina." ²⁸ Cho Yesu wakumbulwile na kwendeka kuli ikeye ngwendi, "Obe munakathzi,likulahelo lyobe lya kama manene;ocho chi uthetela nachi linge kuli yobe." Chojo na munendi wa kangukile bene kutunda ha hola ije. ²⁹ Cho Yesu wathethzele lalo mwela uje na kuya kuyehi na lishali lya Ngalileya.Ngechi wa kandukile ha munkinda na kuya na kuka tumbama kuje. ³⁰ Chojo mayongomena abanu athzile kuli ikeye. Cho banenele kuli ikeye batutengu,na tupuputwa,na tubebebe,na banu baje bakele na kubinja. Cho babanenele ku mendi a Yesu,cho nendi wa ba kangiwthile. ³¹ Cho na aje mayongomena abanu ali komokelele amowoni amwene tubebebe bendeka,baje ba kuthekwa mendi na mabako balyoni bwino,na tupuputwa bali na kumona. Chojo balemethele Njambi wa Isilalele. ³² Cho Yesu wathanene bandongethi bendi kuli ikeye na kwendeka kuli bakebo ngwendi, "Njili na ngothzi ali lukungayando lya banu mwafwa bana kala laja nange matangwa atatu cho kubethioni nameme chimo cha kulya.Cho kunjitondo nji ba tume ku lyala a kujeneka kulyako tai chimo,mwafwa banatha ku lethzumukila mu ngila.'' ³³ Chojo bandongethi bendekele kuli ikeye ngwabo, "Kulijo kutunatha kuwana mikasha ya kutethamo ya makende muno mu ngundu manganoni awa mayongomena abanu alye akute?" ³⁴ Cho Yesu wendekele kuli bakebo ngwendi, "Mulijo na mikasha ingayi?" cho bamulekele ngwabo, "Itanu na ibali,na tubithi twa tundondo." ³⁵ Cho Yesu walekele lije likungayando lya banu ngechi ba tumbame hathi. ³⁶ Cho wamabatele ije mikasha itanu na ibali na baje bithi ,na anima ya ku kandelela cho wa punjwile ije mikasha na ku yana kuli bandongethi. Cho bandongethi ba yanene kuli aje mayongomena a banu. ³⁷ Chojo baje banu boshe ba lile na kukuta. Cho banonongolwele buje bungululu bwali tulileho na kushulitha mitonga itanu na bibali. ³⁸ Cho banu boshe baje balile bakele makulukathzi awana (4000) a banalume,kujeneka kwakako banakathzi na banike. ³⁹ Cho na hanima Yesu wa shandwele aje makulukathzi abanu cho nendiyoni wa kobelele mu bwato na kuya ku mutambela wa Mangandani.