¹ Hathimbu bene ije, ngubulu Helonda wathzilbile muthzimbu wa Yesu. ² Chojo wendekele kuli bangamba bendi ngwendi, "Ou ikeye Yowano Mukakumbwitika;nenduka ku bathsi.ngechi bene ebi bindthzili bilinakupanga muli ikeye." ³ Mwafwa Helonda wa kwatele Yowano,cho wamukutile,nakumwaka muka kamenga ha mulonga wa Helonda,munakathzi wa ndolome yendi Filipu. ⁴ Hakulinga Yowano wendekele kuli ikeye ngwendi, "Kcha tethele mu mashiko kulinga ngwabo yobe umu pwithe munakathzi wobe." ⁵ Cho Helonda ngwe wamuthsile haje bene,oloni wa tewele banu,bamwambatele kupwa kapolofita. ⁶ Omwo litangwa lya kwanuka kuthemuka kwa Helonda omwo lyetele, muna Helondiyasi wa munakathzi wakinene mukati kabo cho wabwahelethele Helonda. ⁷ Chojo wa na lwangu ngwendi a mwana chuma choshocho cha lomba. ⁸ Hanima ya kumukambeya kuli baina.wendekele ngwdendi, "Njanene ano bene,alilonga lya kama, mutwe wa Yowano Muka kumbwitika." ⁹ Chojo mwene walubalele manene na kuje kulomba kwendi,oloni a mulonga wa luje lwangu lwa lithingile,cho lalo ha mulonga wa baje boshe bakele na lulya nabo cha kulalela,cho washikile ngwendi chilingiwe bene. ¹⁰ Cho watumine na kuya na kutapa mutwe wa Yowano mu kamenga. ¹¹ Cho na mutwe wendi baunenele mulilonga lyakama na kwija nakuwana kuli ije mumbanda cho nendi lalo wautwalele kuli baina. ¹² Chojo bandongethi bendi bethzile,cho bambatele mubila wendi,cho baile nakuka uthsinda.Hanima yechi,cho baile kuli Yesu nakukamuleketha. ¹³ Choni omwo Yesu wathzilebile ebi,watundile mu bwato na kuya ku mwela uje wa shondolokele kuje. Oloni omwo mayongomena abanu athzibile echi,bamukabela ha mendi kutunda ku binganda byabo. ¹⁴ Chojo na Yesu wethzile kuli bakebo cho wamwene ije mbunga ya kama. Cho waba thzibilile mema ku mbunge cho wa kangwithile babethzi babo. ¹⁵ Omwoni ethzile mangwethzi,bandongethi bendi bethzile kuli ikeye na kwendeka ngwabo, "Muno mumambo,cholalo lithathe lya toko laja. Kumani shandola awa mayongomena,manganoni baye mu membo na kuka lilandela bya kulya bakebo babenya." ¹⁶ Olojo Yesu wendekele kuli bakebo ngwendi, "Nebi bene bibaila byahi. Yeni bene bene baneni bya kulya." ¹⁷ Chojo bendekele kuli ikeye ngwabo,"Hano tuli lika na mikasha itanu ya makende na bithi babali." ¹⁸ Chojo Yesu wendekele kuli bakebo ngwendi,"Bineni byoshe kuli yange." ¹⁹ Cho Yesu washikileije mbunga ngechi itumbame kathi a mwila. Cho wamabtele ije mikasha itanu an baje bithi babali.Cho wandwile mesho endi kwilu,cho wakwithwile na pujula ije mikasha itanu na kuyana ku bandongethi bendi,cho na nabandongethi bayanene kuli ku ije mbunga. ²⁰ Chojo boshe ba lile na ku kuta. Na hanima ba nonongwele bungululu buje bwa lithupeleho bwa thaleleho kuli bije bimbathzumbwila bya bilya - bya shulile bithzuma likumi na bibali. ²¹ Baje balile bapwile banalume ba ku tetha mu makulukathzi a atanu,kufumithako banakathzi na banike. ²² Cho haje bene walekele bandongethi bendi ngechi ba kobele mu bwato mangana bali bange kuya ku lutwe lwendi. mumthambwa,managanoni ikeye achi shandole aje mayongomena. ²³ Cho hanima ya kushandola aje mayungomena. Wakandukila ha munkinda nakuya na kukalombela.omwo mangwethzi ethzile,wakele kuje lika lyendi lika. ²⁴ Oloni buje bwato bwakele kulako na nunda,oku buli na kundenganga na kubupekumuna ku mankimba,mwafwa lihundzthi lya kele na ku pupa ali bakebo. ²⁵ Cho hathimbu ya mungulungu Yesu wethzile kuli bakebo oku ali na kwenda ha mema. ²⁶ Omwo bandongethi bendi bamumwene ali na kwenda ha mema,bathzibile lyoba cho bendekele ngwabo, "Ndumba ya munu, ou" chojo batambekele na lyoba. ²⁷ Oloni Yesu wendekele kuli bangebo baje bene ngwendi, "' Thimpeni! Yange! Kethi muthzibe lyoba." ²⁸ Cho Petulu wamukumbulwile na kwendeka ngwendi, "Mwene,ngwe chili bene yobe,njishike ngechi bene njije okwo kuli yobe a mema." ²⁹ Cho Yesu wamukumbulwile ngwendi, 'Ija." Haje bene Petulu watundile mu bwato na kuputuka kwenda ha mema na kuya kuli Yesu. ³⁰ Oloni Petulu omwo wamwene lihundthzi,wathzibile lyoba. Omwo waputukile ku bombela,wolwile na kwendeka ngwendi, "Mwene,Njobole!" ³¹ Cho haje bene Yesu wolwele liboko lyendi,na kukwata Petulu,nakwendeka kuli ikeye ngwendi, "Yobe,wa likulahelo lwa ndondo,bikajo ulina kuluwathano?" ³² Cho omwo Yesu na Petulu baile muje mu bwato,na lihundthzi lyechele ku pupa. ³³ Cho bandongethi baje bakelo mubwato balemethele Yesu na kwendeka ngwabo, "Chili bene u Munu Njambi." ³⁴ Omwo balingile ban jabuka kuya muthambwa,cho bathulikile ku nunda ku mwela wa Ngenesaleta. ³⁵ Cho omu baje banalume bakele muje mu mwela ba thzibubile Yesu,batumine mitambi ku mitambela yoshe ya muje mu mwela, chojo bamunenele bakakubinja boshe. ³⁶ Cho bamulambelelele ngwabo aba tabethe ngechi bakwate lika kumungundo wa buthzalo bwendi,chojo babengi baje ba kwateleko ba kangukile bene.