¹ Saa umwe tamwizhi, nubakwesu (kaambo ume ndaamba ku bantu babo bezhi mulawo), kwaamba ati mulawo uleendelezha muntu ku chiindi checho choonse nchaapona? ² Kaambo mukaintu utwelwe ulyaangilwe ku mulawo wa mulumi ku chiindi naachipona, pele naakuti mulumi wafwa, ati waanguluka kuhwa ku mulawo wa lutwalo. ³ Ubobo, lelyo mulumi naachipona, kuti wapona u mulombwana unji, ulatewa ati ngu shibumambe. Pele naakuti mulumi wafwa, ati waangululwa kuhwa ku mulawo, u bobo ati tali shibumambe pe kuti wapona u mulombwana uumwi. ⁴ Ubobo, nubakwesu, amwe mwakaba bafwu ku mulawo kwiita mu mubili waka Kilisito. Checi tachaamba ati ulyeelele kuswaanganyiwa kuli chimwi, nkukuti, wezo walo wakabushiwa kuhwa ku bafwu, kwaamba ati tweezhe muchelo waka Leza. ⁵ Kaambo nitwakaakuchili mu mubili, kuzandisha sha mubili, shitahwumizhiwe ku mulawo, kachisebeza ku shizo sha mibili yesu kuzhala muchelo wa lufwu. ⁶ Pele ninzho twakaangululwa kuhwa ku mulawo. Twakafwa kuli checho chalo nchitwakaakwangilwe kuli chicho. Chechi chilibolya kwaamba ati tusebeze mu bupiya bwa Moza, alimwi kutali mubukulu kulu bwa lukalata. ⁷ Nchiinzhi nchitu kaamba ninzho? Saa mulawo wini nchibi? Tachili bobo pe. Nikuba bobo, Ume nindatakazhiba chibi, kuti nikwatakaakuli kwiita mu mulawo. Ubobo nindatakazhiba kuchilila mulawo chita mulawo niwakaamba ati, "Tweelele kulikumbuzha." ⁸ Pele chibi chakayana inzhila kwiita mu malailile alimwi chakazhala mishobo yoonse ya kulikumbuzha mulyuume. Kwaakwiina mulawo, chibi nchifwu. ⁹ Ume ndakaakupona kwiina mulawo, pele lelyo malailile naakashika, chibi chakazubuluka ¹⁰ amana Ume ndakafwa. Malailile azo aakaleta bumi akalichincha kuba lufwu kulyuume. ¹¹ Kaambo chibi chakayana inzhila kwiita mu malailile alimwi a kanchenga. Kwiita mu malailile ume chakanjaya. ¹² Ubobo mulawo ulasalala, alimwi u malailile alasalala, alilulami, alimwi mabotu. ¹³ Saa checho chibotu nchichakandetela lufwu? Imbo bobo pe. Pele chibi, kutewa kwaamba ati chitondezhewe kuba chibi, chakaleta lufwu mulyuume kwiita muli checho chakaakuli chibotu, alimwi kwiita mu malailile chibi chilakonzha kuba chibi kubaala. ¹⁴ Bobo mbutwizhi kwaamba ati mulawo ngwa moza, pele Ume ndiwa mubili. ndakauzhiwa mu buzhike ku chibi. ¹⁵ Shintu nshinchita, shiindi shimwi nshishiteelelesha. Kaambo checho ume chinchita, Ume nshichichiti, alimwi checho nchinswile, nchinchita. ¹⁶ Pele naakuti ndachita nchintazanda kuchita, ndahwuminana u mulawo kwaamba ati mulawo mubotu. ¹⁷ Pele ninzho nshichili Ume u chichita pe, pele nchibi checho chipona mulyuume. ¹⁸ Kaambo ndizhi ati mulyuume, nkukuti mu mubili wangu, tamuponi chintu chili kabotu. Ndazandisha kuchita kabotu, pele shilonzha kuchichita. ¹⁹ Kaambo checho Ume nchinzanda, Ume nshichichiti, pele bubiyabi bobo mbwintazanda, Ume mbwinchita. ²⁰ Naaakuti ndachita checho nchintazanda kuchita, nkukuti shichili ume uchita bobo, pele ati nchibi checho chipona mulyuume. ²¹ Ubobo, ndayana mulawo wakuti: ndazanda kuchita kabotu, acho chibi chilanhwulila. ²² Kaambo ndasekelela chini chini mu mulawo wa Leza mukati ka monzo wangu. ²³ Pele ndabona mulawo uushiyene mushinzo sha mubili wangu. Shilakazhanya u wezo mulawo mupiya uuli mu mizeezo yangu. Ulanchita buzhike ku mulawo wa chibi wezo uuli mushinzo sha mubili wangu. ²⁴ Maawe ndimupenzhi! Nguni u kanhuna kuhwa ku mubili wezu wa lufwu? ²⁵ Pele naalumbwe Leza kwiita mwa Jeso Kilisito Mwami wesu! U bobo, Ume lwangu ndatobela mulawo wa Leza u monzo wangu. Nikuba bobo, mu buntu bwangu ndatobela mulawo wa chibi.