¹ Inzho uswe nitwakashima kale mu lushomo tulyeelele kubweza mikuli ya balengushi, alimwi kutali kulibotezha lwesu tubeni. ² Ubobo umwi uumwi naabotezhe shimukobonina kuli checho chibotu, kutewa mu muzumye zumye. ³ Kaambo Kilisito wiina nakalibotezha lwakwe mwini. Pele, mbubona mbukulembelwe ati, "Matushi a babo bakakutuka a kawila alyuume." ⁴ Kaambo kufwumbwa checho chakalembwa chakalembwa kwaamba chituyiishe kwaamba ati kwiita mubu shichamba alimwi kwiita mukuzumya zumya bamwi mu malembe tukwate bulangizhi. ⁵ Inzho Leza wabu shichamba alimwi u kuzumya zumya amupe matelaishi womwi noonse kwiingayina Kilisito Jeso. ⁶ Naachite bolya kwaamba ati mu matelaishi womwi kutewa mu mutembaule antoomwi Leza alimwi Ushi Mwami wesu Jeso Kilisito. ⁷ Ubobo amutambulane, mbubona aze Kilisito mbwaakamutambula, ku bulemu bwaka Leza. ⁸ Ume ndaamba ati Kilisito wakaba musebezhi wa babo bapalule ku makani aka Leza a bwini, kwaamba ati azuzukizhe shishomezho shakapewa kuba shaakale besu, ⁹ alimwi abo bahwamashi bakatembaule Leza u kaambo ka luse lwakwe. Mbubona mbu kulembelwe ati, "U bobo ndakakutembaula akati ka bahwamashi alimwi u kwiimba inyimbo shakutembaula inzhina lyako." ¹⁰ Alimwi kulilembelwe ati, "Amusekelele, nu bahwamashi, u bantu bakwe." ¹¹ Alimwi ati, "Amutembaula Mwami, umwe noonse nu bahwamashi; amumutembaule noonse nu mishobo yoonse." ¹² Aze Ayizaya, mushinshimi u laamba ati, "Umwi wa luhwubo lwaka Jese u lakazhiza, wezo ulakazhiza kulela bahwamashi; u mwakwe bahwamashi balakayana bulangizhi." ¹³ Inzho Leza wa lulangilo a muzuzhe kubotelwa alimwi u luumuno mu kuhwumina kwenu, kwaamba ati kwiita munsana sha Moza Usalala kwaamba ati mukakomene mululangilo. ¹⁴ Ume lwangu ndizhishi makani enu, Nubakwesu, Ume ndizhishi kwaamba ati lwenu nubeni mulizwile bubotu bwalo, mulikwete luzhibo loonse. Alimwi ndizhishi kwaamba ati ninzho mulalozha kuyiishanya. ¹⁵ Pele ndamulembela chakubula bukandu ku shintu shimwi kwaamba ati muzhibalule alimwi, u kaambo ka luse ndundakapewa kwa Leza. ¹⁶ Luse lolu kaluli lwakuti mbe musebezhi waka Kilisito Jeso wakatumwa ku bahwamashi, kuba mupayizhi wa mulumbe waka Leza, kwaamba ati mulumbo wa bahwamashi ukonzhe kutambulika, u kusalazhiwa kwiita mu Moza Usalala. ¹⁷ Umwa Kilisito Jeso ndikwete kaambo ka kulyeenshensha ku busebezhi bwangu ku milimo yaka Leza. ¹⁸ Kaambo Ume nshikonzha kwaamba shintu shinji shinji chita bulyo shesho Kilisito nshaakachita kwiita mulyuume kwaamba ati bakunze bachilile. Sheshi nshintu shichitwa kwiita mwizwi alimwi umu michito, ¹⁹ u munsana sha shitondezho u maleele, alimwi u munsana sha Moza waka Leza. Koku nkwaamba ati kuhwa ku Jelusalemu, kuya kushikila ku Ililikamu, kwaamba Ume nchikonzhe kutola mulumbe waka Kilisito. ²⁰ Munzhila yezhi, kuzandisha kwangu kakuli kwa kukambauka mulumbe, pele kutali koko Kilisito nkwaazhibilwe inzhina, kwaamba ati intazaki antalisho ya muntu umwi. ²¹ Chili u koya mbukulembelwe ati: "Babo batakashimwinwa makani akwe balakamubona, alimwi babo batakateelela balakazhibisha." ²² U bobo Ume ndakaakushinkilwa shiindi shinji shinji kwiza nkumubele. ²³ Pele inzho, kwiina linji busena busheele ku masena amwi, alimwi nikuba ati kwa myaka minji minji ndakaakuzandisha kwiza nkumubele. ²⁴ Ume ndatelaika ku mubona ndakayita mu lweendo lwangu lwa kuya ku Sipeeni, kwaamba ati mukanjohwe mu lweendo lwangu, ndakamana kubotelwa amwe kwa kaindi ka shoonto. ²⁵ Pele inzho Ume ndaya ku Jelusalemu, kuya kusebezela bantu bakwe Leza basalala. ²⁶ Nkukako bakabotelwa bantu baku Masedoniya uku Akaya kulumbula milumbo ku bapushi akati ka bantu baka Leza basalala bali ku Jelusalemu. ²⁷ Eeye, bakabotelwa kupa, kaambo mbubeelele kubapa. Naakuti bahwamashi bakaabana abo mu shintu shaku moza, balyeelele kupa ba Juda kwaamba ba bakambaukile u kwaabana abo shintu shaanshi ano. ²⁸ Ubobo, ndakamaninzha mulimo wezu u kushoma kwaamba ati batambula shoonse shesho shakabungikwa antoomwi, ndakamuswaya mulweendo lwangu lwakuya ku Sipeeni. ²⁹ Ume ndizhi kwaamba ati ndakashika koko ndakamuletela shileleko shinji shinji shaka Kilisito. ³⁰ Inzho ndamukumbila, nubakwesu, kwiita mwa Jeso Kilisito, alimwi u mulufwuno lwa Moza, tukwatishe antoomwi ame mu kukomba kwenu kwa Leza. ³¹ Amukombe kwaamba ati Ume intawila mu matashi a bantu batashomi bamu Judeya, alimwi kwaamba mulimo wangu wa bantu bamu Jelusalemu kwaamba utambulwe ku bantu bakwe Leza basalala. ³² Amukombe kwaamba ati nkayite nkumubele chakubotelwa kwiita mu luzando lwaka Leza, amana tukabotelwe, antoomwi amwe. ³³ Leza wa luumuno abe amwe noonse. Ameni.